مەرەكەدە ورىس حالقىنىڭ ۇلتتىق ويىندارى وينالدى. «يستوكي» حورى مەن «براتتسى» ۆوكالدى ينسترۋمەنتالدى ءانسامبلىنىڭ ورىنداۋىندا ءان-جىرلار شىرقالدى. دوستىق ءۇيىنىڭ ديرەكتورى بەرىك كوپباەۆ بارلىق حريستيانداردى, پراۆوسلاۆ حريستياندارى مەن كاتوليكتەردى پاسحا مەرەكەسىمەن قۇتتىقتادى. ول ءوز قۇتتىقتاۋىندا بۇل قاسيەتتى مەرەكەنىڭ پراۆوسلاۆ, كاتوليك حريستاندارى ءۇشىن عانا ەمەس, سەمەيدىڭ بارلىق تۇرعىندارى ءۇشىن وتە ماڭىزدى, دەدى.
- پاسحا – عاجايىپ مەرەكە بولعاندىقتان وسىندا ورىس ۇلتتىق مادەني ورتالىعىنىڭ شاقىرۋتۋىمەن ءتاتتى-دامدىلەرىمدى الىپ كەلدىم,-دەدى سەمەيلىك تۇرعىن يرينا دولگيح,-بالا كەزىمنەن بۇل كۇنى ءبىز تورت, ءبالىش ءپىسىرىپ, جۇمىرتقا بويايتىنبىز. ءبىز قازاقستان حالقى تەك ىنتىماقتا ءومىر ءسۇرۋىمىز كەرەك. وسى پاسحا عانا ەمەس, روجدەستۆو مەن قۇربان ايتتى, ناۋرىزدى دا ۇنەمى بارلىق ۇلت بىرلەسىپ وتكىزەمىز. پاسحا مەرەكەسىندە بالالار سۋرەت سالىپ جارىستى. ءتۇرلى سپورتتىق ويىندارمەن سىنعا ءتۇستى. نەمىس ۇلتتىق مادەني ورتالىعىنىڭ «اينحايت» ءانسامبلىنىڭ كونتسەرتتىك باعدارلاماسىن تاماشالادى.
راۋشان نۇعمانبەكوۆا,
سۋرەتتەر اۆتوردىكى
سەمەي
