«بايتەرەك دەۆەلوپمەنت» اق-نىڭ ءباسپاسوز قىزمەتىنىڭ مالىمەتىنشە, قارىز «نۇرلى جەر» تۇرعىن ءۇي قۇرىلىس باعدارلاماسىنا سايكەس 4 جىل مەرزىمگە بولىنەدى.
«جۋىردا «بايتەرەك دەۆەلوپمەنت» اكتسيونەرلىك قوعامى مەن «ەلوردا قۇرىلىس كومپانياسى» جاۋاپكەرشىلىگى شەكتەۋلى سەرىكتەستىك جانە استانا قالاسى اكىمدىگىنىڭ اراسىندا قر ۇلتتىق قورىنان قارجى ءبولۋ تۋرالى كەلىسىمگە قول قويىلدى. ەكى جىلدىڭ ىشىندە ۇلەسكەرلەردىڭ ماسەلەسىنە 40 ملرد تەڭگە بولىنەتىن بولادى», - دەپ حابارلادى «بايتەرەك دەۆەلوپمەنت» اق باسقارما توراعاسىنىڭ ورىنباسارى التاي كۋزديباەۆ.
مەملەكەتتىك قارجى قايتارىم نەگىزىندە بەرىلەدى. اياقتالماعان قۇرىلىستى بىتىرۋگە بولىنەتىن قارجىنى نەسيە نەگىزىندە استانا قالاسىنىڭ مەكەمەارالىق كوميسسياسى قالىپتاستىرادى.
ايتا كەتەيىك, «بايتەرەك دەۆەلوپمەنت»اق - «بايتەرەك» حولدينگىنىڭ ەنشىلەس ۇيىمى - نەسيەلىك تۇرعىن ءۇي قۇرىلىسىن قارجىلاندىرۋ ءۇشىن جەرگىلىكتى اتقارۋشى ورگانداردىڭ وبليگاتسيالارىن ساتىپ الۋ بويىنشا «نۇرلى جەر» تۇرعىن ءۇي قۇرىلىس باعدارلاماسىنىڭ قارجى وپەراتورى بولىپ تابىلادى.
