ونىڭ ايتۋىنشا, بيىل قالادا «تۇرعىن ءۇي قۇرىلىس جيناق بانكى» اق ارقىلى جاستاردى جەڭىلدەتىلگەن باسپانامەن قامتۋ جوباسى بويىنشا العاشقى قادامدار باستالدى.
«جول كارتاسى اياسىندا الماتى قالاسىنىڭ ستۋدەنتتەرىنە 2020 جىلعا دەيىن 20 جاڭا جاتاقحانا سالۋ جوسپارلاندى. ولاردىڭ 5-ءىنىڭ قۇرىلىسى بيىل جەلتوقسانعا دەيىن اياقتالاتىن بولادى. ياعني, جاستارعا قوسىمشا 2 500 ورىن بولىنەدى», - دەدى شىڭعىس بەسكەمپىروۆ. باسقارما باسشىسى «الماتى جاستارى» جوباسىنىڭ تاعى ءبىر ارتىقشىلىعى تۋرالى ايتىپ ءوتتى. «بيىل «الماتى جاستارى» باعدارلاماسىنا 35 جاسقا دەيىنگى ازاماتتار دا قاتىساتىن بولدى.
حالىقتىڭ الەۋمەتتىك تۇرعىدان از قامتىلعان كوپبالالى وتباسى, 1-ءشى جانە 2-ءشى توپتاعى مۇگەدەكتەر, تولىق ەمەس وتباسى جانە جەتىمدەرگە ءبىراز جەڭىلدىك شارالارى قاراستىرىلعان. 10 ملن. تەڭگەگە دەيىنگى نەسيەلەر جىلىنا 5% وسىممەن بەرىلەتىن بولادى. جىل اياعىندا «الماتى جاستارى» جوباسى بويىنشا 100 جاس وتباسى جاڭا قونىس يەسى اتانادى»,-دەدى شىڭعىس بەسكەمپىروۆ.
