«بەلارۋس» مادەني ورتالىعى كەڭەسى مۇشەلەرىنىڭ كوپشىلىگىنىڭ تىرشىلىگى ەلىمىزدىڭ جوعارى جانە جوعارى وقۋ ورنىنان كەيىنگى ءبىلىم سالاسىمەن بىتە قايناسىپ جاتىر. ال پرەزيدەنت باستامالارىنان كەلەر ۇرپاققا, ستۋدەنت جاستارعا دەگەن قامقورلىعى بايقالادى.
پرەزيدەنتتىڭ ءۇشىنشى باستاماسى جوعارعى ءبىلىمنىڭ قولجەتىمدىلىگى مەن ساپاسىنا ارنالعان. بۇل – الەمگە ورتاق ترەند, ادام قۇندىلىعىنا قۇيىلعان قازىنا.
وسى ورايدا جىل سايىنعى 54 مىڭ گرانتقا ء«تورتىنشى ونەركاسىپتىك رەۆوليۋتسيا جاعدايىنداعى جاڭا ەكونوميكادا زور سۇرانىسقا يە بولاتىن سان مىڭ جاڭا مامان دايارلاۋعا مۇمكىندىك بەرەتىن» قوسىمشا 20 مىڭ گرانتتىڭ بولىنەتىندىگى قاناتتاندىرماي قويمايدى.
وسى ارقىلى نانوتەحنولوگيا, روبوت-تەحنيكا, اقپاراتتىق تەحنولوگيا سالالارىندا مىڭداعان ماماندار, ينجەنەر كادرلار دايارلاۋعا مۇمكىندىك تۋادى. قازاقستان رەسپۋبليكاسىنىڭ ءبىلىم جۇيەسى الەمدىك كوشكە قوسىلادى.
ءبىلىم سالاسىن ءوزىنىڭ ينۆەستيتسيالىق جوبالارى مەن ەكسپورتتىق الەۋەتى بار ەكونوميكانىڭ جەكە سالاسى رەتىندە قاراۋ ماڭىزدى. پرەزيدەنت نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنداعى يدەياسى «پرەزيدەنتتىڭ بەس الەۋمەتتىك باستاماسىندا» زاڭدى جالعاسىن تاپتى. كوبەيگەن تەك گرانت ەمەس. «سونىمەن بىرگە, تەحنيكالىق جانە اۋىل شارۋاشىلىعى ماماندىقتارى بويىنشا بارلىق جوعارى وقۋ ورىندارى گرانتتارىنىڭ قۇنىن ۇلتتىق جوعارى وقۋ ورىندارىنىڭ گرانتتارى دەڭگەيىنە دەيىن كوتەرۋ كەرەك», دەدى ەلباسى.
ەرتەڭگە سەنىمدىلىك ارمان-ماقساتتارىنىڭ ءىس جۇزىندە جۇزەگە اسۋىنا سەبەپكەر. جاستار قامقورلىقتى, قولداۋدى ۇدايى سەزىنىپ كەلەدى. ەلباسى ايتقانداي, جاڭادان سالىناتىن ستۋدەنتتىك جاتاقحانالار جانە باسقا مۇمكىندىكتەر مەملەكەتتىڭ جاستاردى قولداۋعا باعىتتالعان قامقورلىعىنىڭ جالعاسى بولماق.
سۆەتلانا انانەۆا,
الماتى قالالىق قحا عىلىمي-ساراپتاما توبى توراعاسىنىڭ ورىنباسارى, «بەلارۋس مادەني ورتالىعى» رقب كەڭەسىنىڭ مۇشەسى
