حالىقارالىق بايقاۋ ماسەلەلەرىنە ارنالدى

كەشە ورتالىق سايلاۋ كوميسسياسىندا سايلاۋدى حالىقارالىق بايقاۋ جونىندەگى سەمينار-ترەنينگ بولىپ ءوتتى. ونىڭ جۇ­مى­سىنا ەقىۇ-نىڭ استاناداعى ورتا­لى­عىنىڭ, ەۋروپالىق وداق دەلەگاتسيا­سى­نىڭ, ەلىمىزدىڭ ورتالىق مەملەكەتتىك ور­گان­دارىنىڭ, مينيسترلىكتەر مەن ۆەدوم­ستۆو­لارىنىڭ وكىلدەرى قاتىستى. سەميناردى كىرىسپە سوزبەن ورتالىق سايلاۋ كوميسسياسىنىڭ حاتشىسى باقىت مەلدەشوۆ پەن ەقىۇ-نىڭ استاناداعى ورتالىعىنىڭ ساياسي ماسەلەلەر بويىن­شا كەڭەسشىسى ەندريۋ وففەنباحەر اش­تى. جيىنعا قاتىسۋشىلار سايلاۋدى حا­لىق­ارالىق بايقاۋدىڭ حالىقارالىق-قۇ­قىقتىق جانە ۇلتتىق-قۇقىقتىق نەگىزدەرىن, ەقىۇ/دياقب-نىڭ سايلاۋدى باي­­قاۋ بويىنشا ۇيعارىمدارىن, زاڭ­سىز سايلاۋ تەحنولوگيالارىن انىق­تاۋدىڭ ءادىس­تەرى مەن قۇرالدارىن تال­قىلادى. سو­نىمەن قاتار, حالىق­ارالىق ۇيىمدار ميسسيالارى قۇ­رامىن­دا سايلاۋدى حا­لىقارالىق باي­قاۋدىڭ ەرەكشەلىكتەرىن قاراستىردى جانە قازاقستان وكىلد­ە­رى­نىڭ 2011 جىلى ەقىۇ/دياقب ميسسيا­سىنىڭ قۇرامىندا سايلاۋلاردى باي­قاۋعا قاتىسۋ تاجىريبەسىمەن ءبولىستى. سەمينار-ترەنينگتە ەقىۇ/دياقب-نىڭ سايلاۋلاردى بايقاۋ جونىندەگى ميس­سياسىنىڭ قۇرامىنا كىرەتىن باي­قاۋ­شىلاردىڭ كاسىبي دەڭگەيىن جوعارى­لا­تۋ­عا, ەقىۇ-عا قاتىسۋشى مەملەكەتتەردەگى سايلاۋلاردى بايقاۋعا قازاقستان وكىلدەرىنىڭ قاتىسۋىن بەلسەندىلەندىرە تۇسۋگە ەرەكشە نازار اۋدارىلدى. قورى­تىن­دىسىندا 2012 جىلى ەقىۇ/دياقب ميسسياسىنىڭ قۇرامىندا قا­زاق­ستان رەسپۋبليكاسى اتىنان باي­قاۋشىلاردىڭ قاتىسۋىن قامتاماسىز ەتۋ تاجىريبەسىن ودان ءارى جەتىلدىرۋ ءما­سەلەلەرى جونىندە پىكىر الماسىلدى. قازاقستاندىق بايقاۋشىلاردىڭ كا­سى­بي دەڭگەيىن جوعارىلاتۋ بويىنشا جۇ­مىستاردىڭ ماڭىزدىلىعى مەن قاجەت­تى­لىگىن ەسكەرە وتىرىپ, ءبىزدىڭ ەلىمىزدىڭ وكىلدەرىنىڭ ەقىۇ كەڭىستىگىندە سايلاۋ­لاردى بايقاۋدى ىسكە اسىرۋ ۇدەرىسىنە قاتىسۋى قازاقستان رەسپۋبليكاسىنىڭ حالىقارالىق بەدەلىن نىعايتۋ جانە دەموكراتيالىق سايلاۋ ۇدەرىسىن دامىتۋ ىسىنە قوسقان ايتارلىقتاي ۇلەسى رەتىندە ورتالىق سايلاۋ كوميسسياسى ولارعا ارنالعان سەمينار-ترەنينگتەر مەن كونسۋلتاتسيالار وتكىزۋ تاجىريبەسىن الداعى ۋاقىتتا دا جالعاستىرۋدى جانە دامىتۋدى كوزدەپ وتىر. ءاليسۇلتان قۇلانباي.