ايماق باسشىسى ق.كوشەرباەۆ ەكىقاباتتى عيمارات بلوكتارىنىڭ اراسىنداعى وتكەل قۇلاعان كوپقاباتتى ءۇي تۇرعىندارىمەن كەزدەستى.
وبلىستىق بيۋدجەتتەن كىشى ارال كوشەسىنىڭ بويىنان 31 جەكە ءۇيدىڭ قۇرىلىسىنا قارجى ءبولىنىپ, ول ارال قالاسىنداعى اپاتتىق جاعدايداعى ءۇيدىڭ تۇرعىندارى مەن بيۋدجەتتىك سالا قىزمەتكەرلەرىنە بەرىلەدى دەپ حابارلادى وبلىس اكىمى.
«سىزدەردىڭ جاعدايلارىڭىزدى ءبىلىپ,بارلىق جاعداي جاسالعانىنا كوز جەتكىزگىم كەلدى. اپاتتى عيمارات بۇزىلادى. سىزدەرگە كىشى ارال كوشەسىنەن 31 جاڭا جەكە ۇيلەر بەرىلەدى.ءبىز كوپقاباتتى ءۇي ەمەس, جەكە ۇيلەر سالۋدى ءجون كوردىك. وسىنداي شارا قولدانۋ ارقىلى ارال قالاسىنداعى اپاتتى تۇرعىن ءۇي ماسەلەسى تولىقتاي شەشىلەدى»,-دەدى وبلىس اكىمى.
ودان بۇرىن 18 ناۋرىزدا ارال قالاسىنىڭ اكىمى باۋىرجان ماحاتوۆ وڭىرلىك كوممۋنيكاتسيالار قىزمەتىندە وتكەن بريفينگتە قازىرگى تاڭدا ارال قالاسىندا 8 وتباسى تۇراتىن تاعى ءبىر اپاتتى ءۇيدىڭ بار ەكەنىن ايتتى. توتەنشە جاعداي ورىن العان ۇيدە 16 وتباسى تۇرعان.ولاي بولعاندا, جاڭا 31 جەكە ءۇيدى اپاتتى ۇيدەگى 24 وتباسى مەن بيۋدجەتتىك سالا قىزمەتكەرلەرى الاتىن بولادى.
ەستەرىڭىزگە سالا كەتەيىك, 2018 جىلدىڭ 17 ناۋرىزى كۇنى ارال قالاسىندا ەكىقاباتتى عيماراتتىڭ بلوكتارى اراسىنداعى وتكەل قۇلاعان بولاتىن. «جاروكوۆ كوشەسى,20» مەكەنجايى بويىنشا ورنالاسقان عيمارات 1986 جىلى بالاباقشا رەتىندە سالىنعان. ال,90 جىلدارى باسپاناسى جوق اۋدان تۇرعىندارى مۇندا زاڭسىز ورنالاسقان. ەكىقاباتتى ۇيدە 20 پاتەر بولسا, ونىڭ 15-دە ادام تۇرعان. تۇرعىندار بىردەن اۋداندىق جاستار رەسۋرستىق ورتالىعىنا جانە تۋعان-تۋىسقاندارىنىڭ ۇيلەرىنە ورنالاستىرىلدى. بۇگىندە اۋدان باسشىلىعى تاپسىرماسىمەن تۇرعىنداردى ۋاقىتشا تۇرعىن ۇيمەن قامتۋ شارالارىن قابىلداپ, جۇمىس جاساۋدا.
