جىر دوداسىن رەسپۋبليكا جىرشى-تەرمەشىلەر وداعىنىڭ توراعاسى, قازاقستاننىڭ ەڭبەك سىڭىرگەن قايراتكەرى, ءداستۇرلى مۇرامىزدىڭ جاناشىرى ءجۇرسىن ەرماننىڭ جۇرگىزدى. قازىلار القاسىنا «جۇلدىز» جۋرنالىنىڭ باس رەداكتورى عالىم جايلىباي جەتەكشىلىك ەتتى.
ايتىس شىمىلدىعىن ءبىرىنشى بولىپ الماتىلىق قازىرەت بەردىحان مەن شىمكەنتتىك قاليجان ءبىلداش اشتى. ەكەۋى دە ءا دەگەننەن الىمدى دا شالىمدى اقىندار ەكەنىن تانىتىپ, ورالىمدى جىر شۋماقتارىن توگىلدىردى . ساحناعا ەكىنشى \بولىپ كوتەرىلگەن رينات زايىتوۆ پەن ءبىرجان بايتۋوۆ قوعامدا ورىن العان نەبىر تۇيتكىلدەر مەن كەلەڭسىز جايتتاردى اياۋسىز تۇيرەۋىمەن, ۇتىمدى ءۋاج ايتۋلارىمەن ەرەكشەلەندى. سەمەيلىك سەرىك قۋانعانمەن جۇپ قۇراعان پەتروپاۆلدىق مۇحاممەد قوڭقاەۆ ءوز بابىندا ەكەنىن تانىتىپ, كورەرمەندەردى ءبىر سەرپىلتىپ تاستادى.
قاراعاندىلىق ماقسات اقانوۆ پەن سەمەيلىك اسەم ەرەجەقىزى اراسىنداعى تارتىس قۇدا مەن قۇداشانىڭ قالجىڭى رەتىندە ءوربىدى. ورالدىق جانسايا مۋسينا مەن سولتۇستىكقازاقستاندىق جارقىن جۇپارحان قىز بەن جىگىت ايتىسىنىڭ ادەمى ۇلگىسىن كورسەتتى.
ەلىمىزدىڭ ءار تۇكپىرىنەن جينالعان 16 اقىننىڭ ەشقيسىسى جۇلدەسىز قالمادى. قازىلار القاسىنىڭ شەشىمىمەن 6 اقىنعا شابىتتاندىرۋ سىيلىقتارى تابىس ەتىلدى. قازىرەت بەردىحان, اسەل ەرەجەقىزى, بولاتبەك ورازباەۆقا /3-ءشى ورىن/– 300 مىڭ, جانسايا مۋسينا, جارقىن جۇپارحان /2-ءشى ورىن/–500 مىڭ, ماقسات اقانوۆ /1-ءشى ورىن/–1 ميلليون تەڭگەنى يەلەندى. باس بايگەگە تىگىلگەن شەتەلدىك جەڭىل كولىكتى رينات زايىتوۆ ۇتىپ الدى. ت. كاكىشەۆ, م. جۇماباەۆ, ەرىك اسقاروۆ اتىنداعى ارنايى سىيلىقتارىن «ايتىستىڭ اقتاڭگەرى» ايبەك قاليەۆ, مۇحاممەد قوڭقاەۆ, قاليجان ءبىلداش ەنشىلەدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
