ءتىل جاناشىرلارىنا قۇرمەت

تاۋەلسىزدىگىمىزدىڭ 20 جىلدى­عىنا وراي ەلورداداعى «بەيبىتشىلىك جانە كەلىسىم» سارايىندا «ءتىل جاناشىرى» قوعامدىق بىرلەس­تى­گى­نىڭ باستاماسىمەن جانە مادە­نيەت مينيسترلىگى ءتىل كوميتەتىنىڭ قول­داۋى­مەن «ءتىل جاناشىرى» قۇرمەت بەلگىسىمەن ماراپاتتاۋ ءراسىمى بو­لىپ ءوتتى. ەلباسى جار­لى­عىمەن بەكىتىلگەن «تىلدەردى قولدانۋ مەن دامىتۋ» مەملەكەتتىك باعدار­لا­ما­سى اياسىندا ۇي­ىم­داستىرىلىپ كەلگەن بۇل مارا­پات­قا – رۋحانيا­تى­مىز­عا شىنايى جاناشىرلىق تا­نىتىپ, ناقتى ىسىمەن قازاق ءتىلىنىڭ كوركەيۋىنە ۇلەس قوسقان مەملەكەتتىك قىزمەت­كەر­لەر, قوعام قايراتكەرلەرى مەن بۇ­قا­رالىق اقپارات وكىلدەرى يە بو­لىپ كەلگەن بولاتىن. مەملەكەتتىك ءتىلىمىزدىڭ قو­عام­دا كەڭىرەك ناسيحاتتالۋىنا ىقپال ەتۋ ماقساتىندا ۇيىم­داس­تى­رىلىپ كەلگەن بۇل شارا وسىمەن ءۇشىنشى مارتە وتكىزىلىپ, بيىلعى ماراپاتقا ونىڭ جاناشىر­لارى­مەن  بىرگە ءوز قارا­جا­تىمەن قازاق ءتىلى مەن مادەنيەتىنە قا­تىستى شارالارعا دەمەۋشىلىك تا­نىت­قان مەتسەناتتار دا يە بولىپ وتىر. بيىلعى «ءتىل جانا­شىرلارى» قۇرمەت بەلگىسىمەن – «قازاقستان-زامان» گازەتىنىڭ باس رەداكتورى احمەت الياز, «بولاشاق» قاۋىمداستىعىنىڭ توراعاسى باۋىرجان بايبەك, قازاقستاننىڭ ەڭبەك سىڭىرگەن قايراتكەرى, فيلولوگيا عى­لىمدارىنىڭ دوكتورى ناما­زالى وماشەۆ, رەسپۋبليكا ج­وعارعى سوتىنىڭ قىل­مىس­تىق ىستەر جونىندەگى قاداعالاۋ سوت القاسىنىڭ سۋدياسى ءادىل قۇرىقباەۆ, قازاق ايتىس ونەرىنىڭ ۇيىم­داستىرۋشىسى, اقىن ءجۇرسىن ەرمان, «حابار» اگەنتتىگى اق باسقارما توراعاسى ايدوس ۇكىباي, «اي­قىن» گازەتىنىڭ باس رەداكتورى نۇرتورە ءجۇسىپ, «التىن قىران» كومپانيالار توبىنىڭ باس ديرەكتورى, مەتسەنات يسلامبەك سالجانوۆ, «ناتيجە» ءسۇت فابريكاسىنىڭ ديرەك­تورى, مەتسەنات ەرلان ءاشى­موۆ, «7»-تەلەارنانىڭ ديرەك­تورى بيبىگۇل جەكسەنباي, «قازنەفتەگازپروم» كومپا­نياسىنىڭ پرەزيدەنتى, مەتسەنات جانىبەك ەلەكباەۆ, «قازاق­ستان» ۇتك-نىڭ ءجۇر­گىزۋشىسى مايا ۆەرونسكايا, «الاش ايناسى» گازەتىنىڭ باس رەداكتورى سەرىك جانبولات, «ايگولەك» جۋرنالىنىڭ باس رەداكتورى قىمبات ءابىلدينا, «قازاقشا «ۆيكيپەديا» قوعامدىق قورىنىڭ باسشىسى راۋان كەنجەحان ۇلى, سازگەر-ءانشى مارات وماروۆ پەن «جاس قازاق» گازەتىنىڭ باس رەداكتورى قازىبەك يسا ماراپاتتالدى. بەرىك سادىر.