تاماشا تەاتر عيماراتى ەلباسىنىڭ قامقورلىعىمەن سالىنعان بولاتىن

ونەر وركەنى قاراپ وتىرسام, كەنشىلەر قا­لاسى قۇتتى مەكەنىمە اينا­لعا­نى­نا قىرىق جىلدان اسىپتى. وسى ۋاقىت ىشىندە سۇيىكتى شاھارى­مىز­دىڭ كورىك-كەلبەتى ادام تا­نى­عىسىزداي وزگەرۋىن بۇرىن-سوڭدى كورمەپپىن. مىنە, بۇگىندە بىرىنەن-ءبىرى اسىپ, جارقىراعان ءتۇرلى عيماراتتار ەرىكسىز كوز تارت­قى­زا­دى. سولاردىڭ ىشىندە ءبىزدىڭ تەات­ر­دىڭ ساۋلەتتىك بەينەسى بولەكشە كورىنەدى دەسەم, جاڭساق ايتقان­دىعىم بولماس. بۇگىنگى زامانعى ساۋلەت ونەرىنىڭ سونى ۇلگىسىمەن سالىنعان ول قالانىڭ باس كوشەسى بۇقار جىراۋ داڭعىلى بويىندا دوڭگەلەنگەن كيىز ءۇيدى ەلەستەتە سۇيسىنتەدى. كەيىنگى كەزگە دەيىن قازاق ءجا­نە ورىس دراما تەاترى ءبىر عيما­راتتا وتىرعان ەدىك. جوعارىعا جە­كە وتاۋ تىكسەك دەپ تالاي رەت ءوتىنىش تە ايتقانبىز. سول ارمان­عا تاۋەلسىز­دىك ارقاسىندا عانا قول جەتتى. قازاقستان رەسپۋبلي­كا­سىنىڭ پرە­زيدەنتى ن.ءا.نازار­باەۆتىڭ تاپ­سىرماسى بويىنشا شاھارىمىز­دىڭ ەڭ ادەمى جەرىندە تەاتر ءۇيى بوي كوتەردى. ەل­با­سى­نىڭ ءوزى ءبىرىنشى كىرپىشىن قالاۋعا قاتىسىپ, اشىلۋ قۋانىشىن دا كورەرمەن قاۋىممەن بىرگە ءبولىستى. الداعى جىلى تەاترىمىزعا 80 جىل تولعالى وتىر. العاشقى قويىلىمى ب.ءمايليننىڭ « مايدان» جانە ن. گوگولدىڭ «ۇيلەنۋ تويى» پەسالارىن ساحنالاۋمەن باستالعان قادام ۇلكەن ونەر جو­لىنا ۇلاسىپ, بۇگىندە ۇلتتىق مادەنيەتتىڭ ماۋەلى ءبىر بايتە­رە­گىنە اينالدى. وسى تەاتردىڭ ءىر­گە­تاسىن قالاسقان ءجاميلا شاشكينا, انۋاربەك شايمەردەنوۆ, تورشا جاباەۆ, راقيا قويشى­با­ەۆالاردىڭ قاتارىنا قوسىلعان م ۇلىك سۇرتىباەۆ, قارعامباي ساتاەۆ, ءشامىل ءجۇنىسوۆ سىندى ساڭ­لاق ارتىستەردىڭ بۇگىنگى ءىزبا­سار­لا­رى تەاتردىڭ كوركەمدىك جەتەكشىسى دۋناي ەسپاەۆ ساحناعا ءساتتى شىعارىپ جۇرگەن قويىلىمدار­دىڭ تىرەگى مەن كوركى بولىپ ءجۇر. تەاترىمىز 1964 جىلدان بەرى حالقىمىزدىڭ اياۋلى تۇلعاسى ءسا­كەن سەيفۋللين ەسىمىمەن اتالا­دى. بۇعان مۇرىندىق بولعان ءسا­بيت مۇقانوۆ جارىقتىق ەدى. ول كىسىنىڭ بىرنەشە پەساسى قارا­عان­دى ساحناسى ارقىلى كورەر­مەن­گە جول تارتقانى دا ءالى ۇمى­تىلعان جوق. قازىر قانداي دا بولماسىن تاماشا تۋىندىلاردى ونەردىڭ جو­عارى تالابى-تالعامى دەڭگەيىندە كورەرمەنگە ۇسىنۋعا قابىلەت-ءمۇم­كىندىك جەتكىلىكتى. ارناۋلى دايىندىق زالدارى بار. ساحنا جىلجىمالى. ارتىستەر داۋىسىن انىق ەستىرتەتىن قوندىرعىلار ور­ناتىلعان. دەنە شى­نىقتىرۋ­مەن شۇ­عىلدانۋلارىنا دا جاعداي جا­سالعان. قويىلىمداردىڭ دەكورا­تسيا­سىن كوركەمدەۋگە ەش قي­ىن­دىق جوق. جەتكىنشەكتەر جاس شا­ما­لارىنا سايكەس قويىلىمدار كورسەتىلەتىن زال بولەك. تەاتر ۇجىمى ونەر ساپارلا­رىنا ءجيى شىعىپ تۇرادى. وبلىس­تىق اكىمدىك تارتۋ ەتكەن جايلى كولىكپەن ايماقتىڭ ەلدى مەكەندەرىنە, كورشى قالالارعا, ءتىپتى, جا­قىن شەت ەلدەرگە دە بارىپ-قاي­تىپ ءجۇر. جاقىندا ۇجىمنىڭ ءۇل­كەن توبى ومبىلىق كورەرمەن قا­سىم امانجولوۆتىڭ 100 جىلدى­عى­نا وراي ساحنالانعان ءوز شى­عار­­ما­­لارىن كورسەتىپ قايتتى. بۇر­ناعى جىلى كايردە, بىشكەكتە وتكەن حالىقارالىق تەاتر بايقاۋ­لا­رىن­دا باس جۇلدەنى يەلەنسە, وسى كۇزدە يالتادا بولعان باي­قاۋ­دان دا ولجالى ورالدى. ال, تاۋەلسىزدىكتىڭ 20 جىلدىق تورقالى تويىنا ارنالعان شا­شۋى­­مىز رەتىندە جازۋشى-درا­ماتۋرگ سەرىك اسىلبەك ۇلىنىڭ «جەلتوق­سان ءتۇنى» سپەكتاكلىن كورسەتپەكپىز. كەڭەس جۇمابەكوۆ, ساكەن سەيفۋللين اتىنداعى وبلىستىق قازاق دراما تەاترىنىڭ ديرەكتورى, مەملەكەتتىك سىيلىقتىڭ لاۋرەاتى. قاراعاندى.