بەكزات ونەردىڭ جاس وتاۋى

وڭتۇستىكتىڭ ءوزىنىڭ وپەرا جانە بالەت تەاترى بار. بۇل ونەر ور­داسىنىڭ وسى وڭىردە ومىرگە كە­لۋى­نىڭ ءوزى دە زاڭدى سياقتى. ولاي دەيتىنىم, تەاتر اشىلعانعا دەيىنگى 11 جىلدا رومانس ورىن­داۋ­شى­لاردىڭ حالىقارالىق بايقاۋى تۇ­راقتى تۇردە ءوتىپ تۇردى دەسەم, رومانسيادا جالعاسى كەيىنگى جىل­دارى «قازاق رومانسياداسى» اتاۋىمەن ۇيىمداستىرىلىپ كەلەدى. وسىنىڭ ءبارى, البەتتە, شى­نايى, بايسالدى مۋزىكانى, ءما­دە­ني تالعامدى ءوسىردى جانە ءوزىمىز­دىڭ وپەرا تەاترىن قۇرۋعا يتەرمەلەدى. سوڭىندا وسى باستاما ىسكە استى. 2008 جىلعى 6 قاراشادا تەاتر عيماراتىنىڭ اشىلۋ ءراسىمى مەن العاشقى گالا-كونتسەرتكە ەلباسى ن.ءا.نازارباەۆتىڭ قاتىسۋى, ونەر ادامدارىنىڭ ەرتەڭگى كۇنىنە دەگەن سەنىمىن ارتتىرا ءتۇستى. تەاتر عيماراتى ەسىگىن اش­قان­عا دەيىن, وپەرا جانە بالەت تەات­رىن اشۋ يدەياسىنىڭ تۇساۋكەسەر ءراسىمىنىڭ «ماڭگىلىك اۋەندەر الە­مى», يتاليالىق ديريجەر يۆانو كاياتستسونىڭ «براۆو بەلكانتو!» جانە الەم وپەرا ساحنالارىندا ونەر كورسەتىپ جۇرگەن جەرلەس­تە­رىمىزدىڭ «شىمكەنتىم جۇرەگىمدە» كونتسەرتتەرى مەن «الەم وپەرا جۇلدىزدارى – شىمكەنتتە» حا­لىق­ارالىق فەستيۆالدارى قازاق­ستان, رەسەي, وزبەكستان, تۇركيا, اۆستريا, يتاليا جانە اقش وپەرا جۇلدىزدارىنىڭ قاتىسۋىمەن وتكەنىن دە ايتا كەتسەم دەيمىن. ونەر ورداسىنىڭ قالىپتاسىپ اياققا تۇرۋىنا تەاتردىڭ العاشقى ديرەكتورى, سانكت-پەتەربۋرگ كون­سەرۆاتورياسىنىڭ تۇلەگى اسقار اليحان, ودان كەيىنگى ديرەكتور, قۇرمانعازى اتىنداعى كونسەر­ۆا­توريانىڭ تۇلەگى ءابدىحان نۇرما­حام­بەتوۆتەر زور ەڭبەك ءسىڭىرىپ, ءوز قولتاڭبالارىن قالدىردى. بۇگىنگى تاڭدا تەاتردى ءا.ءمام­بەتوۆتىڭ مەكتەبىنەن وتكەن, استانا وپەرا جانە بالەت تەاترىندا رەجيسسەردىڭ كومەكشىسى قىزمەتىن اتقارعان وڭتۇستىكتىڭ ءتول تۋماسى باۋىرجان راحمانوۆ باسقارادى. ۇستىمىزدەگى جىلى تەاتر ۇجى­مىنىڭ ەل تاۋەلسىزدىگىنىڭ 20 جىل­دىعىنا ارنالعان «وڭتۇستىك جۇلدىزدارى» اتپەن وتكەن كونتسەرتتەرىندە تەاتر ارتىستەرى ج.بەلگىباەۆانىڭ, ە.جانداربايدىڭ تانىمال وپەرا انشىلەرى گ.ءداۋ­ىرباەۆا جانە ا.جىلتىرگوزوۆپەن قاتار ونەر كورسەتۋى, اتاقتى ديريجەر ر.سالاۆاتوۆتىڭ تەاتر وركەسترىن باسقارۋى كورەرمەندەردە ۇمىتىلماس اسەر قالدىردى. ءسوز ورايى كەلگەندە تەاتردىڭ سيم­ف­و­نيالىق وركەسترى ي.كاياتستسو, ا.ۆيكۋلوۆ, ا.بورىباەۆ, ر.سالاۆاتوۆ, ب.قۇدايقۇلوۆ, ا.ابدۋللاەۆا, ا.مۇحيتتدينوۆ, ە.احمەدياروۆ سياقتى الەمگە تانىمال ديريجەرلەرمەن جۇمىس جاساعانىن دا ايتا كەتسەك ارتىق بولماس. جاس ۇيىمنىڭ العاشقى اياق الىسى تابىستى. بۇل ورايدا «تەاتر كوكتەمى – 2011» بايقاۋىندا جۇلدەلى ورىندى يەلەنگەنىن, سون­داي-اق وڭتۇستىك قازاقستان وبلى­سىنىڭ استاناداعى كۇندەرىندە تەاتر ارتىستەرىنىڭ بەيبىتشىلىك ءجا­نە كەلىسىم سارايىندا ەلبا­سىنىڭ الدىندا جوعارى دارە­جەدە ونەر كورسەتىپ, وبلىس مادە­نيەتى مەن ونەرىنىڭ مەرەيىن كوتەر­گەنىن ايتۋعا بولادى. بۇگىندە جاس ۇجىم – ءوڭتۇس­تىك­تەگىلەردىڭ عانا ەمەس, بۇكىل قا­زاقستاندىقتاردىڭ رۋحاني ماقتا­نىشى بولۋ باعىتىن ۇستانىپ, ونەردى سۇيەتىن جانە باعالايتىن جانكۇيەرلەردى ونەر مەرەكەسىنە شاقىرىپ, كلاسسيكالىق مۋزىكا­نىڭ بيىك شىڭى سانالاتىن بەكزات ونەردىڭ قاينار بۇلاعىنان سۋ­سىن­داتۋ ءۇشىن بار مۇمكىندىكتەرىن جاساۋعا ۇمتىلۋدا. گاۋحار تولەپوۆا, وپەرا جانە بالەت تەاترىنىڭ ادەبيەت ءبولىمىنىڭ مەڭگەرۋشىسى. شىمكەنت.