قايرات رىسقۇلبەكوۆ سىيلىعىنىڭ تۇڭعىش جۇلدەگەرى

تۇرسىنباي جانداۋلەت جاز­عان بۇل ما­قا­لادا جام­بىل وبلىسى موي­ىنقۇم اۋ­دا­نىندا جەل­توقسان وقيعاسىنا قاتىسىپ, وپات بولعان قايرات رىسقۇل­بەكوۆ اتىنداعى ارنايى جۇلدە تاعايىندالعانى ايتىلادى. بۇل جۇلدە حالقىنىڭ ونەرى مەن ءما­دەنيەتىن وركەندەتىپ, ەجەلگى سالت-ءداستۇر, ادەت-عۇرپىن جانداندىرۋعا اتسالىسقان, بۇگىنىمىز بەن بولاشاعىمىز ءۇشىن تەر توككەن قازاق جاسىنا بەرىلەتىن بولىپ كەلىسىلگەن. وسىعان وراي جامبىل وبلىسىندا ق.رىسقۇلبەكوۆ سىيلىعىنىڭ جۇلدەگەرلەرىن تاڭداۋ ءراسىمى جۇرگىزىلىپتى. وعان حالىققا ءبىرشاما تانىمال ونشاقتى ازامات ۇسىنىلعان ەكەن. سولاردىڭ ىشىندەگى جالعىز قىز – ومبىداعى «ءمولدىر» قازاق مادەني ورتالىعىنىڭ ديرەكتورى التىناي قايدۋللاقىزى ءجۇنىسوۆا وسى سىيلىققا لايىقتى دەپ تابىلىپتى. ومبىداعى قازاق مادەني ورتالىعىنىڭ دۇنيەگە كەلۋىنە التىنايدىڭ سىڭىرگەن ەڭبەگى زور ەكەن. كەزىندە بۇل ورتالىقتىڭ جۇمىسى تۋرالى ەلىمىزدەگى ءباسپاسوز باسىلىمدارىندا  بىرقاتار ماقالالار جارىق كورىپتى. وسى ىستەرگە التىناي مۇرىندىق بولىپ, ومبى وڭىرىندە قازاقشا مەكتەپ اشىلۋىنا, «ومبى ءۇنى» گازەتىنىڭ جارىق كورۋىنە ەڭبەك ءسىڭىرىپتى. سونداي-اق ماقالادا ومبىدا جەرگىلىكتى راديودان اپتاسىنا ەكى رەت حابارلار بەرىلەتىندىگى ايتىلعان.