قولدا بار التىن قادىرلى

گازەت ءتىلشىسى عابيت ءمۇ­سى­رەپوۆتىڭ بۇل سۇحباتى تاۋەل­سىزدىكتىڭ ءبىر بەلگىسى – ۇلتتىق ۆاليۋتامىزدىڭ قازاقستان رەس­پۋبليكاسى پرەزيدەنتى نۇر­سۇلتان نازارباەۆتىڭ جارلى­ع­ىمەن اينالىسقا ەنگىزىلىپ, قا­لىپتاسقاندىعىنا ارنالىپتى. سۇحبات «التىنالماس» اكتسيونەرلىك كومپانياسىنىڭ ءبىرىنشى ۆيتسە-پرەزيدەنتى  مۇرات مۇر­تازاەۆپەن جۇرگىزىلگەن. سۇحباتتا سەمەيدەگى «ال­تايالتىن», باقىرشىق, كوك­شە­تاۋداعى ۆاسيلكوۆ, اقمولا وبلىسىنداعى «قازالتىن», پاۆ­لودارداعى مايقايىڭ, جام­بىلداعى اقباقاي تاۋ-كەن كومبيناتتارى مەن زاۋىتتارى «قازالتىن» بىرلەستىگىنە با­عىن­عاندىعى, ول ءوز كەزەگىندە ماسكەۋدەگى كسرو مينيسترلەر كەڭەسى جانىنداعى «التى­نال­ماس» باسقارماسىنا قاراپ كەلگەندىگى تۋرالى ايتىلادى. رەسپۋبليكا ەگەمەندىك ال­عان­نان كەيىن «قازالتىن» رەسپۋبليكا يەلىگىنە كوشىپ, التىن وندىرەتىن ورىنداردى ەسەپ-قيساپقا الا باستاپتى. «بار-جوعىمىزدى ءوزىمىز ءتۇ­گەندەپ, التىن كومبيناتتارىن قالپىنا كەلتىرۋگە جۇمىس ىستەدىك. بۇرىن التىن كەندەرىمىزدى ءوندىرۋ ءۇشىن ارمەنيا, تاجىك­ستان, وزبەكستان, رەسەيگە جىبەرەتىنبىز. ەندى ارنايى كەلىسىم-شارت بويىنشا وڭدەۋ ءۇشىن تەك رەسەيگە جىبەرەمىز دە تولىق قايتارىپ الامىز. تۇبەگەيلى تازارعان التىن ۇلتتىق بانكىمىزدەگى باعالى بايلىقتار ساق­تاۋ قورىنا تاپسىرىلادى» دەپتى مۇرات مۇرتازاەۆ. مۇنان كەيىن ءتىلشى ال­تىن­نىڭ قالاي وڭدەلەتىندىگى جاي­ىن­دا سۇراق قويىپ, ونى وڭدەي­تىن وزىمىزدە زاۋىتتاردىڭ بار-جوقتىعىن بىلمەك بولعان. – رەسەيگە تاپقان التى­نى­مىزدىڭ بارلىعى وڭدەۋگە جىبەرىلمەيدى, ونىڭ ءبىرسى­پى­راسى وزىمىزدە وڭدەلەدى. ال تىكەلەي التىندى وڭدەۋگە كەلەتىن بولساق, ول ەڭ الدىمەن كەن كۇيىندە الىنادى. سودان كەيىن بايىتىلىپ, كونتسەنتراتقا اي­نالدىرىلادى. مەتاللۋرگتەر التىن مەن كۇمىستى قوسىپ, قو­رىتپا ءدارى جاسايدى. ءسويتىپ, ەڭ سوڭىندا قورىتپا ءدارىنى تازارتىپ, 99,99 پروتسەنتتىك دارەجەدەگى تازا التىن مەن تازا كۇمىس پايدا بولادى. وسىلايشا  بارلىق ەلەكتەن وتكەن تازا التىن مەن كۇمىس مەملەكەتتىك ساقتاۋ قورىنا قوي­ى­لادى, – دەپ جاۋاپ بەرىلگەن.