جاڭا…

...جەمىس قويماسى تالدىقورعاندىقتار جىل ون ەكى اي بويى «جەرۇيىق» كوم­مۋ­نالدىق بازارىنان باعاسى تومەن ازىق-ت ۇلىك تۇرلەرىن الادى. ەندى تۇتىنۋشىلار جاڭا اشىلعان جەمىس-جيدەك قويماسى ارقىلى با­عا­سى قولجەتىمدى جەمىس-جيدەك, كوك­ونىس­پەن قامتىلاتىن بولدى. ازىق-ت ۇلىك بەلدەۋىن قامتاما­سىز ەتۋ جانە ۇدەمەلى يندۋس­تريا­لىق-يننوۆاتسيالىق دامۋ باع­دار­لا­ماسىن جۇزەگە اسىرۋدىڭ شەشۋشى قادامى رەتىندە جۇزەگە اسقان كەشەننىڭ جۇمىسى ناتيجەلى ەكەنىن شاھارلىقتار سەزىنە باستادى. 400 توننا جەمىس ساقتاۋعا ارنال­عان قويما قۇرىلىسىنا 60 ميلليون تەڭگەگە جۋىق قارجى جۇم­سالىپتى. قۇرىلىستى «Damu KM Group» جاۋاپكەرشىلىگى شەكتەۋلى سەرىكتەستىگى بەلگىلەنگەن مەرزىمدە پايدا­لا­نۋعا بەردى. 2013 جىلى وسى ماڭداعى الما باعىنىڭ ونىمدىلىگى 600-700 تونناعا جەتەدى دەپ جوسپارلانعان. سول كەزدە قوي­ماعا سىرتتان ءونىم تاسۋ توقتا­تى­لىپ, ءوز ونىمدەرىن ساق­تاۋ­عا تولىق مۇمكىندىك تۋادى. ال جاڭا جەمىس قويماسىنىڭ جابدىقتارىن قۇراستىرۋ جانە ىسكە قوسۋمەن قىتايلىق ماماندار اينالىسقان. كۇمىسجان بايجان, الماتى وبلىسى.   ...بالاباقشا پايدالانۋعا بەرىلدى تەمىر اۋدانىنىڭ قوپا اۋى­لىندا «بالاپان» مەملەكەتتىك باع­دارلاماسى اياسىندا سالىنعان ەلۋ ورىندىق «بالدىرعان» بالا­باق­شاسى پايدالانۋعا بەرىلدى. اتال­عان باعدارلامانى جۇزەگە اسىرۋ بارىسىندا وسى اۋداندا  ون بالاباقشا بۇلدىرشىندەردى قا­بىل­داپ ۇلگەرگەن. ال «بالدىرعان» باقشاسىنىڭ قۇرىلىسى ۇستىمىزدەگى جىلعى ماۋ­سىم ايىندا باستالعان ەكەن. ونى «باتىس قۇرىلىس LTD» جشس قىسقا مەرزىمدە ساپالى اياقتاپ وتىر. بۇدان باسقا اۋىلداعى ورتا مەكتەپتىڭ جانىندا 25 ورىندىق شاعىن ورتالىق جۇمىس ىستەيدى. جاڭا بالاباقشا اسحانامەن, باس­قا دا بارلىق تالاپقا ساي جاب­دىقتارمەن جابدىقتالعان. مەرەكەلىك جيىندا اۋىل اق­سا­قالى كاكىم وتەۋوۆ پەن «قوس شى­نار» قوعامدىق بىرلەستىگىنىڭ جەتەكشىسى عالىمجان بايدەربەس قو­پا­لىقتاردى قۋانىشىمەن قۇت­تىق­تاپ, بالاباقشانىڭ لەنتاسىن قيدى. ساتىبالدى ءساۋىرباي, اقتوبە وبلىسى.   ...ليفتىلەر ورناتىلۋدا ەكىباستۇز قالاسىندا جىلدار بويى تۇرعان, ىستەن شىققان بۇل قوندىرعىلاردى جوندەۋدەن وتكى­زۋ, ال پايدالانۋعا جارامسىز­دا­رىن جاڭا ۇلگىدەگى قۇرىل­عى­لار­مەن اۋىستىرۋ جۇمىستارى ءجۇر­گى­زىلۋدە. جالپى, وبلىستاعى ءۇش قالادا بارلىعى 1683 دانا ليفت بار بولسا, ونىڭ 273-ءى كەنشىلەر قالاسىنا تيەسىلى.وسىلاردىڭ 65-ءى توقتاپ قالعان-تىن. وتكەن جىلى قالادا 26 ليفت قالپىنا كەلتىرىلدى. ال, جۋىردا قالالىق تۇرعىن ءۇي-كوممۋنالدىق شارۋاشىلىق ءبولىمى وزبەكستاندا جاسالعان 19 ءليفتىنى قابىلداپ الدى. جاڭا قوندىرعىلار زامان تالابىنا ساي جابدىقتالعان. كوپ قاباتتى ۇيلەرگە بۇل ليفتىلەردى  «پاۆلودارليفت» سەرىكتەستىگى ور­ناتۋدا. پايدالانۋ مەرىزىمى – 25 جىل. تۇرعىندار ليفتىلەردىڭ قىزمەتىن ارنايى كارتوچكا جۇيەسى ارقىلى پايدالانا الادى. تولەۋ اقىسىن قىزمەت كورسەتەتىن كاسىپورىن انىقتايدى. فاريدا بىقاي, پاۆلودار وبلىسى.