سوڭعى جىلدارى ەلىمىز تۇرعىزىلعان باسپانا بويىنشا رەكوردتىق كورسەتكىشتەرگە قولجەتكىزىلۋدە. سولاي بولا تۇرسا دا باسپاناعا مۇقتاج جاندار ءالى دە جەتكىلىكتى. ەندى «7 – 20 – 25» باعدارلاماسى بويىنشا يپوتەكالىق نەسيەنىڭ جىلدىق ءوسىم مولشەرى 7 پايىزدان اسپايدى. ال العاشقى جارنا بۇرىنعىدان الدەقايدا جەڭىل – 20 پايىز عانا. سونىمەن بىرگە ونىڭ مەرزىمى 25 جىلعا ۇزارۋى سەبەپتى اۋىرتپالىعى دا بايقالمايتىن بولادى. ءسوز جوق, بۇل باعدارلاما ءوز كەزەگىندە تۇرعىن ءۇي قۇرىلىسىنىڭ جاڭا سەرپىنمەن العا باسۋىنا تىكەلەي اسەر ەتەتىن بولادى.
وسى رەتتە ءبىزدىڭ وبلىستا ءوڭىر تۇرعىندارىنىڭ الەۋمەتتىك وسال توبىن مەيلىنشە قولجەتىمدى تۇرعىن ۇيمەن قامتاماسىز ەتۋدى ماقسات ەتىپ, 3 جىلعا ەسەپتەلگەن «وردا» تۇرعىن ءۇي قۇرىلىسىنىڭ جول كارتاسىن ازىرلەگەنىن اتاپ وتكەن ءجون. نەسيەلىك تۇرعىن ءۇيدىڭ كوپ بالالى وتباسىلار, مۇمكىندىگى شەكتەۋلى از قامتىلعان توپتاردىڭ بارلىعىنا بىردەي قولجەتىمدى ەمەستىگىن ەسكەرىپ, «نۇرلى جەر» باعدارلاماسى اياسىندا سالىنىپ جاتقان نەسيەلىك تۇرعىن ۇيلەردى جەرگىلىكتى بيۋدجەت ەسەبىنەن ساتىپ الۋعا جىل سايىن وبلىستىق بيۋدجەتتەن 2 ملرد تەڭگەدەن قارجى ءبولۋ تۋرالى شەشىم قابىلداندى.
سىر وڭىرىندە باسپانا قۇرىلىسى جىل وتكەن سايىن ورىستەي تۇسۋدە. 2017 جىلى 1983 پاتەرگە ارنالعان 47 كوپ پاتەرلى تۇرعىن قۇرىلىسى جۇرسە, سونىڭ ىشىندە مەملەكەت قارجىسى ەسەبىنەن 1600 پاتەرلى 36 ءۇي پايدالانۋعا بەرىلدى.
ارنۇر نۇرماعانبەتوۆ,
قىزىلوردا وبلىستىق قۇرىلىس, ساۋلەت جانە قالا قۇرىلىسى باسقارماسى باسشىسىنىڭ ورىنباسارى
