مەملەكەت باسشىسى نۇرسۇلتان نازارباەۆتىڭ پارلامەنت پالاتالارىنىڭ بىرلەسكەن وتىرىسىندا جاريالاعان ۇندەۋىندە وسى ماسەلەگە ەرەكشە نازار اۋدارىلىپ وتىر. باستامانىڭ حالىقتىڭ الەۋەتىن كوتەرەر وڭدى باعىت ەكەنى داۋسىز.
اسىرەسە, ەڭبەكاقىسى تومەن قىزمەتكەرلەردىڭ ايلىعىن كوبەيتۋ ءۇشىن ولاردىڭ سالىق جۇكتەمەسىن ازايتۋعا قاتىستى ناقتى تاپسىرمالار جۇكتەلدى. ياعني كەلەسى جىلدان باستاپ ول ون ەسەگە ازايتىلماق. ءبىر پايىز عانا سالىق سالۋدى ۇسىنعان ەلباسى اي سايىن ەڭ تومەنگى ەسەپتىك كورسەتكىشتىڭ 25 ەسەلەنگەن كولەمىنەن از جالاقى الاتىندارعا سالىناتىن جەكە تابىس سالىعى ازايتىلاتىنىن مالىمدەدى. ال ودان الىناتىن قارجى مامانداردىڭ ەڭبەكاقىسىن كوتەرۋگە جۇمسالماق.
ءبىز بۇل باستامانى قىزۋ قولدايمىز. ويتكەنى نارىقتاعى باعا شارىقتاپ تۇرعان شاقتا بۇل قاراپايىم جۇمىسشى تابىسىنا ۇستەمە بولارى ءسوزسىز. ء«ىس تەتىگىن كادر شەشەدى» دەمەكشى, ايلىعى كوبەيگەن قىزمەتكەردىڭ ەڭبەككە دەگەن قۇلشىنىسى ارتاتىنىنا سەنىم مول.
جالپى, بەس الەۋمەتتىك باستامانى جۇزەگە اسىرۋ ەلىمىز ءۇشىن جاقسى جوبالاردى ىسكە اسىرۋعا مۇمكىندىك بەرەدى. ەلباسى وسىنىڭ بارلىعىنا بەرەكەلى بىرلىگىمىز ارقىلى جەتكەنىمىزدى اتاپ ايتتى. الداعى اۋقىمدى جۇمىستارعا وراي ءتيىستى زاڭناماعا قاتىستى نورماتيۆتىك اكتىلەر بويىنشا تۇزەتۋلەر جاسالادى.
ەربولات داۋلەتقازيەۆ,
قازاقستان كوممۋنيستىك حالىق پارتياسى اتىراۋ وبلىستىق كوميتەتىنىڭ ءبىرىنشى حاتشىسى
