قالامگەردىڭ ەكىنشى تىنىسى

ءومىرى كەيىنگىلەرگە ونەگە بولارلىق تاعدىرلى تۇلعالار تۋرالى ءسوز تاۋسىلماق ەمەس. توزىمدىلىك پەن ەڭبەكقورلىقتى جالاۋ ەتىپ, ادالدىق پەن شىنشىلدىقتى شىعارماشىلىق ىزدەنىستەرىنە ارقاۋ ەتكەن قازاقتىڭ قابىرعالى قالامگەرى, ادەبيەتتانۋشى عالىم, قايراتكەر تۇلعا نەمات كەلىمبەتوۆتىڭ ەندى, مىنە, ەكىنشى ءومىرى باستالدى دەسەك تە بولعانداي. الدىمەن اباي اتىنداعى ۇلتتىق پەداگوگيكالىق ۋنيۆەرسيتەتىندە نەمات كەلىمبەتوۆكە ارنالعان حالىقارالىق عىلىمي-تەوريالىق كونفەرەنتسياعا ءوتتى. وعان ءوز ادەبيەتشى عالىم­دارى­مىزبەن قاتار, شەتەلدىك عالىم­دار دا قاتىستى. ولاردىڭ ارا­سىندا ادەبيەتشىنىڭ شىعارما­لارىن تۇرىك تىلىنە تارجىمالاعان ابدۋاقاپ قارا, قىتاي تىلىنە اۋدارعان بەيجىڭ قالاسىنداعى ۇلتتار باسپاسىنىڭ قىزمەتكەرى ايقىن ابىكەن ۇلى دا بار. ءوزى كوپ جىلدار ەڭبەك ەتكەن اتال­مىش ۋنيۆەرسيتەتتە نەمات كەلىمبەتوۆتىڭ عىلىمداعى سۇبەلى ەڭبەكتەرى عانا ەمەس, كىسىلىگى, ءومىر­مەن كۇرەسى, تاۋەلسىزدىك تاريحىنا, ادەبيەتىنە قوسقان ۇلەسى دە كەڭىنەن ءسوز بولدى. نەمات كەلىمبەتوۆتى ەسكە الۋ كەشكە قاراي م.اۋەزوۆ اتىنداعى اكادەميالىق دراما تەاترىندا جالعاسىن تاپتى. تەاتردا وتكەن كەشتىڭ ۇيىم­داس­تىرۋشىلارى دا, كورەرمەندەرى دە قازاق ۇلتتىق ونەر اكادە­ميا­سىنىڭ ستۋدەنتتەرى بولدى. الدى­مەن جاستار الدىنا قازاق دراما­ تەاترىنىڭ جەتەكشىسى ەسمۇقان وباەۆ شىعىپ, نەمات كەلىمبەتوۆكە ارنالعان يگى شارالاردى قىسقاشا سارالاپ ءوتتى. – كوزى تىرىسىندە كەلىمبەتوۆ قول ارباسىمەن كەلىپ, ءار سپەكتاكلدى كورۋشى ەدى. ول كەيىننەن دراماتۋرگياعا دا ءوز ۇلەسىن قوستى. تەاترعا كەلگەندە ءوز شى­عار­مالارىنداعى كەيىپ­كەرلەردىڭ «تىرىلگەنىن» سپەكتاكلدەن كورىپ, قۋانىپ وتىراتىن, – دەدى ول. وسىدان كەيىن جاستار الدىنا جازۋشى سماعۇل ەلۋباي شىعىپ نەمات كەلىمبەتوۆتىڭ كەسەك تۇل­عاسىن سوزبەن سومدادى. ستۋدەنتتەردى شىنايى دا تاعى­لىمدى تاعدىر ۇلگىسىمەن ۇيىتا بىلگەن سماعۇل ەلۋبايدىڭ ەستەلىگى ت.جۇرگەنوۆ اتىنداعى ۇلت­تىق ونەر اكادەمياسى قويعان تەاتر­لاندىرىلعان كورىنىسكە ۇلاستى. مۇنان كەيىن نەمات كەلىمبەتوۆ جايلى دەرەكتى فيلم كور­سەتىلدى. رۋحى كۇشتى ادام جايلى بۇل دەرەكتى دۇنيەنىڭ دە تا­علىم الار تۇسى كوپ. ستۋدەنتتەر نەمات كەلىمبەتوۆپەن دوس-جاران بول­عان رۋحاني با­ۋىرى, قازاق­ستان­نىڭ حالىق ءارتىسى ءسابيت وراز­باەۆتىڭ ەستەلىگىن فيلم­نەن تىڭ­داپ, وزىمەن زالدا بىرگە وتىردى. سونىمەن ەسكە الۋ كەشى ونىڭ   شىعارماسى بويىنشا قويىلعان «ءۇمىت ۇزگىم كەلمەيدى» سپەكتاك­لى­­نىڭ ۇزىندىسىمەن اياقتالدى. ءيا, تاعدىرلى قالامگەردىڭ ناعىز ءومىرى ەندى باستالعانداي. ايناش ەسالي, الماتى.