العىسقا بولەنگەن اق حالاتتىلار

گازەتتىڭ وبلىستاعى ءتىلشى قو­سى­نىنا  قارعالى اۋدانى  اق­جا­يىق اۋدانىنىڭ تۇرعىنى تولە­گەن بيسەكەەۆتىڭ  حاتى كەلدى.  وتىزدان استام ەم الۋشىنىڭ اتىنان  جاز­عان  حاتىندا  ول سىرقاتتارعا سا­پالى مەديتسينالىق قىزمەت كور­سەتەتىن اۋرۋحانا ۇجىمىنا العىس سەزىمىن بىلدىرەدى. اسىرەسە,  ۇجىم­دى حالىقتىڭ دەنساۋلىعىن جاق­سار­تۋعا جۇدىرىقتاي جۇمىل­د­رىپ وتىرعان اۋداندىق اۋرۋحا­نانىڭ باس دارىگەرى ءامىرحان باحو­نوۆتىڭ بىلىكتى باسشى عانا ەمەس, ءوز ءىسىنىڭ مامانى, كاسىبي شەبەرلىگى جوعارى حيرۋرگ  ەكەنىن جەتكىزەدى. «جاق­سىنى كورمەك ءۇشىن» دەگەندەي  ءادىلحان كەنجەتاي ۇلىمەن دەما­لىستا جۇرگەنىنە قاراماستان از-كەم اڭگىمەلەسۋگە ۋاقىت تاۋىپ جولىققانبىز. ۋاقىتىن العانى­مىز­عا عاپۋ ەتىپ جاتىرمىز عوي, ادەپ ساقتاپ. وي, اعا دارىگەردە دەمالىس دەگەن اتى عوي, بىرەۋدىڭ جانى قينالىپ جاتقاندا ءوز شارۋامىزدى ەكىنشى كەزەككە ىسى­رۋعا ۇيرەنگەنبىز دەيدى ك ۇلىم­سىرەپ.  اۋرۋلار ريزا بولسا, بول­عان­داي-اق جان ەكەن. شيرەك عاسىردان استام وسى اۋداندا اۋەلى حيرۋرگ بولىپ ەڭبەك جولىن باستاعان ول اۋداندىق اۋرۋحانانىڭ تىزگىنىن ۇستاعالى دا ءىسى ىلگەرى باسىپ كەلەدى.  2009 جىلى بۇل ۇجىم وبلىستىڭ دەن­ساۋلىق ساقتاۋ مەكەمەلەرى اراسىن­دا وتكىزىلىپ كەلە جاتقان «شا­پاعات» كونكۋرسىندا «ۇزدىك اۋرۋحانا» نوميناتسياسى بويىنشا جەڭىمپاز بولسا, وتكەن جىلى وسى ۇجىمدا ەڭبەك ەتەتىن دارىگەر ءاليا حانگەلدى اۋىل دارىگەرلەرى اراسىندا رەسپۋبليكالىق باي­قاۋدا ءبىرىنشى ورىندى يەلەندى, ۇستىمىزدەگى جىلى اۋداندىق اۋرۋحانا ۇجىمى «سالاماتتى ءومىر سالتىن ناسيحاتتاۋ» نوميناتسيا­سىندا  رەسپۋبليكا بويىنشا ءبىرىنشى ورىن الدى.   ەمدەۋ-ساۋىق­تى­رۋ, اۋرۋدىڭ الدىن الۋ جۇمىس­تارىن «بىرىڭعاي دەن­ساۋلىق  ساق­تاۋ جۇيەسى»  باع­دار­­­لاماسى بو­يىن­شا جۇرگىزىپ وت­ىر­عان اۋدان­دىق  اۋرۋحاناعا جەتى ءدارى­گەرلىك امبۋلاتوريا جانە ون ەكى مەدپۋنكت قارايدى. ء–بىزدىڭ اۋرۋحانانىڭ وسىنداي جەتىستىكتەرگە جەتۋى بۇكىل ۇجىم­نىڭ ەسەلى ەڭبەگىنىڭ, ۇيىمشىل­دىعى مەن بىرلىگىنىڭ, كاسىبي بىلىكتىلىگىنىڭ ناتيجەسى دەر ەدىم. «جالعىز اعاش ورمان ەمەس», دەگەندەي دارىگەرلەر مەن مەدبيكەلەر ءوز ءىسىن تەرەڭ بىلمەسە, مەنىڭ باستا­مالارىما قولداۋ كورسەتپە­سە, مۇنداي تابىستىڭ اۋىلى قاشىق بولار ەلى. شۇكىر, ۇجىمدا قالىپتاسقان ەڭبەك ءداستۇرى بار. ماماندارىمىز ءوز كاسىبىنىڭ شەبەرلەرى. وسىندا ەڭبەك ەتەتىن 40- تان استام دارىگەردىڭ تەڭ جارتىسى جوعارى جانە 1 دارەجەلى ماماندار.  بىلتىر ءۇش جاس مامان كەلدى. ولار تۇرعىن ۇيمەن قامتاماسىز ەتىلدى. ماتەريالدىق بازامىز جاق­سى, دارىگەرلەرمەن تولىق قامتا­ماسىز ەتىلدىك,–دەيدى ءادىل­حان كەنجەتاي ۇلى. بۇل – لاپاراسكوپيالىق وپەراتسيالار جاسايتىن بىردەن-ءبىر اۋدان­­دىق اۋرۋحانا.  اۋرۋحانادا وسى كەزگە دەيىن 200-دەن استام وسىنداي وپەراتسيالار جاسالىپ­تى. مۇندا وسىنداي تاسىلمەن ايەل­دەردىڭ جاتىرىنا وتا جاساۋ دا جولعا قويىلعان. مۇنداي وپەرا­تسيا­لاردى جوعارى دارەجەلى ءدارى­گەر-حيرۋرگ قايرات بوكە­كوۆ پەن گينەكولوگ جۇلدىز ەسەنوۆا ءساتتى جاساپ كەلەدى. سوڭعى بەس جىلدا 300 ميلليون تەڭگەگە ءجون­دەۋ جۇمىستارى جۇرگىزىلسە, ءۇش جىلدا 400 ميلليون تەڭگە مەدي­تسي­نالىق قوندىرعىلار الۋعا جۇم­سا­لىپتى. ءدارى-دارمەكپەن تو­لىق قامتاماسىز ەتىلگەن. اۋدان­دىق اۋرۋحانانىڭ ماتەريالدىق-تەحنيكالىق بازاسى­نىڭ نىعايۋى­نا, ءدارى-دارمەكپەن, مامان كادرلارمەن قامتاماسىز ەتىلۋىنە  وبلىستىق  جانە اۋداندىق اكىمشى­لىك, دەنساۋلىق ساقتاۋ باس­قار­ماسى ۇدايى كوڭىل ءبولىپ وتىرادى. وسى باعىتتاعى جۇيەلى جۇمىس, ىسكەرلىك ىزدەنىستىڭ ءناتي­جەسىندە انا  مەن بالا ءولىمى كەمىپ, قۇرت اۋرۋىنىڭ بەتى قايتىپ, جالپى اۋرۋعا شالدىعۋ كورسەتكىشى ءتو­مەن­دەپ كەلەدى. اۋداندىق اۋرۋحانا  قىزمەت­كەرلەرى جىلۋ بەرۋ ماۋسىمىنا دا تياناقتى دايىندىقپەن ءتۇسىپ وتىر. بۋ قازاندىعى دايىن,  جەتكىلىكتى وتىن تۇسىرىلگەن. ءىشى-سىرتى تاپ-تازا اۋرۋحانانىڭ ەكى-ءۇش ادام­دىق پالاتالارىندا جانىڭا كەرەك­تىڭ ءبارى بار. تەلەديدار, توڭازىت­قىش قويىلعان.  ەم-دوم العان اۋرۋ­لاردىڭ ريزا بولاتىن­داي دا رەتى بار. بىلىكتى دارىگەرلەر مەن مەيىرىمدى مەدبيكەلەردىڭ وزدەرىنە دەگەن ىقىلاستى كوزقا­راسى مەن جىلى ءسوزى  ەمدەلۋشى­لەردىڭ سىرقا­تىن سىلىپ العانداي ريزاشى­لىققا بولەۋدە. ساتىبالدى ءساۋىرباي, اقتوبە وبلىسى.