قازاق اقىنىن قادىرلەدى

«قازاقستان رەسپۋبليكا­سى­نىڭ تاۋەلسىزدىگىنىڭ 20 جىل­دىق مەرەكەسىنە» دەگەن ايدارمەن موڭ­­­عوليانىڭ باس با­سى­لىمى «مون­گولىن ءۇن­ەن» («موڭ­­عولدىڭ اقيقا­تى») گازەتى قازاقتىڭ ۇلى اقىنى ماعجان جۇماباەۆ­تىڭ شى­عارما­­شىلىعىنا ار­نا­يى بەت ارنادى. 90 جىلدان اسا تاريحى بار بۇل باسىلىمنىڭ قازاق اقى­نىنا مۇن­داي زور قۇرمەت كورسە­تۋىن ەكى ەل اراسىنداعى دوستىق جانە مادەني بايلانىستىڭ جار­قىن ايعاعى دەپ تانۋىمىز قاجەت. «قازاقتىڭ ءتا­ڭىر­لى ۇلى اقىنى ماعجان جۇما­باەۆ» دەگەن ماقالاسىندا فيلولوگيا عى­لىمدارىنىڭ كانديداتى, ءتۇ­رىك دۇنيەسىنىڭ بىلگىرى ءناپىل باز­ىلحان ۇلى اقىننىڭ ءومىر­بايا­­نىن تولىق كورسەتۋمەن قا­تار, ونىڭ شىعارماسى ءجو­نىندە از دا بولسا, سازدى وي تولعاعان. اقىن ولەڭدە­رىنىڭ موڭعول تىلىنە اۋدا­رىلۋى حاقىندا, ونىڭ شىعار­ما­شى­لىعىنىڭ ەرەكشەلىگى تۋرالى وي­لارىن ايتقان. العىسوزدەن كەيىن ماعجان جۇ­ما­باەۆتىڭ «ءتۇر­كىس­تان» دەپ اتا­لاتىن كولەمدى تولعاۋى اقىن جۇكەل حامايدىڭ اۋدارما­سى­مەن تولىق بەرىلگەن. بۇل اۋدارما – عالىم ءناپىل با­زىل­حان ۇلى مەن اقىن جۇكەل حا­مايدىڭ كوپ جىل­دان بەرى شىعار­ماشىلىق تۇر­عىدا بىرلەسىپ جۇمىس جاساپ كەلە جاتقا­نىنىڭ ءبىر كورىنىسى. اقىن جۇكەل حاماي بۇدان بۇ­رىن ءناپىل بازىل­حان­ ۇلىنىڭ كەڭەسىمەن قا­زاق­تىڭ داۋىلپاز اقىنى ماحامبەت وتە­مىسۇ­لىنىڭ تولىق شىعار­ماسىن موڭ­­­­عول تىلىنە, موڭعولدىڭ ەجەل­­­گى تاريحي داستانى «التان توبچى» مەن ا.اماردىڭ «كوش­پەن­دىلەردىڭ قىس­قاشا تاريحىن» قازاق تىلىنە اۋدا­رىپ, جارىققا شىعارعان بو­لاتىن. الدا بۇل ەكى ازامات ماعجان جۇما­باەۆ­تىڭ تولىق جي­ناعىن موڭ­عول تىلىنە اۋدارۋدى كوز­دەپ وتىر­عان­دارى «مونگولىن ۇنەن» گازەتىندە جارىق كورگەن ماقا­لادا دا ايتىلعان. كاۋسار قابديقىزى.