جاستاردى جاسامپازدىققا باستايدى
وتكەندە ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا رەسپۋبليكالىق جاستار اكتسياسى باستاۋ العان بولاتىن. سول اكتسيا اياسىندا شەتپەدەگى ب.جۇماليەۆ اتىنداعى ورتا مەكتەپتە «رۋحاني جاڭعىرۋ – جاستارمەن بىرگە!» اتتى پاتريوتتىق جيىن ءوتتى. جيىننىڭ ماقساتى – مەكتەپ جاستارى مەن جاس ماماندارىنا «تۋعان جەر» جانە «100 ەسىم» مەملەكەتتىك باعدارلامالارىن ءتۇسىندىرۋ مەن جاستار ساياساتىن ناسيحاتتاۋ بولىپ تابىلادى.
جيىندا مەكتەپ باسشىسى سەيىتجان سافيەۆ «رۋحاني جاڭعىرۋ» باعدارلاماسىنىڭ وقۋشىلار تاربيەسىندەگى ءرولى» ع.جۇماشباەۆا «وقۋشىلار رۋحانياتى باستى ورىندا» باياندامالارىن ورتاعا سالسا, ارداگەر ۇستاز ا.قۇرماشەۆ: ء«بىزدىڭ باستى ۇرانىمىز – رۋحاني جاڭعىرۋ. سوندىقتان ەلباسىنىڭ دەر كەزىندە جاريالاعان باعدارلاماسى مەن ءۇشىن ماڭىزدى بولىپ وتىر. ويتكەنى مەن وسى رۋحاني جاڭعىرۋدىڭ بارلىق ساتىسىنان وتكەن اداممىن. ەلباسىنىڭ «تۋعان جەر», «جانىڭدا ءجۇر جاقسى ادام», «رۋحاني قازىنا» باعىتىنداعى جوبالارى كوڭىلگە قونىمدى» دەدى.
ءاليا نۇربەرگەنقىزى
ماڭعىستاۋ وبلىسى,
ماڭعىستاۋ اۋدانى
جاڭا مازمۇنمەن جاڭعىردى
عاسىرعا جۋىق تاريحى بار ەلىمىزدىڭ باس باسىلىمى «ەگەمەننىڭ» ءار سانىن اسىعا كۇتىپ وتىراتىن سان مىڭداعان وقىرماننىڭ ءبىرىمىن. جاريالانعان ماتەريالداردى تۇشىنىپ وقىپ قانا قويماي, گازەت تىگىندىلەرىن جيناقتاپ وتىرۋدى دا ادەتكە اينالدىرعانمىن.
ەرتەرەكتە زيالى ازاماتتاردىڭ: «پراۆدا» گازەتىن بەس جىل وقىعان ادام ءبىر ۋنيۆەرسيتەت بىتىرگەنمەن بىردەي» دەپ ايتقاندارىن تالاي رەت ەستىگەن ەدىك. مۇنى ەسكە الىپ وتىرعان سەبەبىم, گازەت قاي قوعامدا بولسا دا ماڭىزدى ءرول اتقارادى.
كوزىقاراقتى وقىرماندار اڭعارىپ جۇرگەن دە بولار, زامانا تالابىنا ساي گازەتتىڭ فورماتى دا وزگەرىپ, مازمۇنى باي تۇسۋدە. ءتۇرلى قىزىقتى ماتەريالداردى وسى باسىلىم بەتىنەن وقيتىن بولدىق. قانشا رەسمي دەگەنمەن دە, جاڭا باسشىلىق, كىل سايدىڭ تاسىنداي جاس جۋرناليستەر وقىرماندار تالابىن ەسكەرىپ, جاڭا مازمۇن مەن فورمات تابۋعا ۇمتىلۋدا. سونىڭ دالەلىندەي, گازەتتىڭ كەزەكتى سانىن ءبىر دەمدە وقىپ شىعاسىز.
بايىرعى وقىرمان رەتىندە ايتارىم, ۇلت ماقتانىشىنا اينالعان زيالى ازاماتتاردىڭ بىزگە بەلگىسىز قىرلارى جايلى جازىلعان دۇنيەلەردىڭ ءجيى بەرىلىپ تۇرۋىن قالار ەدىك. تانىمدىق ماتەريالداردى دا كوپتەپ وقىعىمىز كەلەدى.
كارىباي امزە ۇلى,
زەينەتكەر
وڭتۇستىك قازاقستان وبلىسى
اۋىل ساحناسى قايتا سالىنسا دەيمىز
مەن گازەتتەرىڭىزدە وتكەن جىلدىڭ قىركۇيەگىندە جاريالانعان «Əرتىستەردەن قاتتى قىسىلدىق» اتتى ماقالامدا اۋىلدىق كلۋبىمىزدىڭ قايتا سالىنۋىن ءوتىنىش ەتىپ جازعان ەدىم. وسى ماقالام ارقىلى اۋىلدىق وكرۋگ əكىمدىگى كۇردەلى جوندەۋ جاساپ بەرەمىز دەدى. بىراق بۇل مەكەمەگە كۇردەلى جوندەۋ جاساعانمەن جاعدايى جاقسارمايتىنىن ايتىپ ەدىك, بۇعان ەشكىم مويىن بۇرعان جوق.
ايازدى كۇندەردە كلۋب مەكەمەسىنە بارىپ جۇمىس جاساۋ مۇمكىن ەمەس. ءبىزدىڭ مەكەمەمىزدىڭ قابىرعاسى 1980 جىلى قالانعان. عيماراتتىڭ سالقىندىعىنان اۋىل əكىمى جينالىستى مەكتەپكە بارىپ وتكىزىپ ءجۇر. اۋىلدىق كلۋب بولعان سوڭ ءبىزدىڭ مىندەتىمىز – جاستاردى ونەرلى, تəربيەلى ەتىپ شىعارۋ, ءəنشى بولامىن, ءبيشى بولامىن دەگەن تالاپتى جاستاردى بيىككە كوتەرۋ, ياعني حالىق شىعارماشىلىعىن دامىتۋ. جوعارعى ورىنداردان سۇرايتىنىم – قاراشالاڭ دەگەن كيەلى جەردىڭ ساحناسىن قايتا سالۋدى قاراستىرسا ەكەن دەيمىن. جəنە قايتا سالعانشا وسى ءسوزىمدى قايتالاي بەرەتىنىمدى دە ايتا كەتەيىن. دامىعان زاماندا ارماننىڭ ورىندالاتىنىنا سەنەمىن. وسى ارمان ورىندالعان كەزدە ءسۇيىنشى حاباردى الدىمەن سىزدەرمەن بولىسكىم كەلەدى.
ايگۇل كۇزەنوۆا
قىزىلوردا وبلىسى,
ارال اۋدانى
سوزدەن ءىسىم مىعىم بولۋى ءتيىس
ءار ادامنىڭ جۇرەگىندە ءوز وتانى تۇرۋى ءتيىس دەپ ويلايمىن. ويتكەنى پاۋستوۆسكي: «ادام جۇرەكسىز ءومىر سۇرە المايتىنى سياقتى, وتانسىز دا ءومىر سۇرە المايدى» دەگەن.
مەن باتىس قازاقستان وبلىسىنىڭ حان ورداسى اۋىلىندا تۇرامىن. حان جاڭگىر اشقان مەكتەپتە ءبىلىم الامىن. بۇل ءبىز ءۇشىن ۇلكەن قۋانىش ءارى زور جاۋاپكەرشىلىك جۇكتەيدى. سول مەكتەپ قابىرعاسىندا ءجۇرىپ-اق, ءبىز ءوز وتانىمىزعا كىشكەنە بولسا دا ءوز ۇلەسىمىزدى قوسۋدامىز دەپ ويلايمىن.
مەن ەلىمنىڭ وركەندەۋى ءۇشىن ءۇش ءتۇرلى قاعيدانى ەستەن شىعارماسام دەيمىن. بىرىنشىدەن, ءوز وتانىمنىڭ پاتريوتى بولۋىم كەرەك. ول ءۇشىن ءومىر سۇرۋگە ۇمتىلۋىم كەرەك, اتا زاڭىمىزدا ايتقانداي «مەملەكەتتىڭ باستى قۇندىلىعى ادام» ەكەنىن ەستە ساقتاپ, ءومىر سۇرۋگە دەگەن قۇلشىنىسىمدى ارتتىرامىن. سونداي-اق ونەگەلى وتباسىن قۇرىپ, دەنى ساۋ, سانالى ۇرپاق تاربيەلەسەم ەكەن. ەكىنشىدەن, تەرەڭ ءبىلىم مەن تىنىمسىز ەڭبەك قاجەت. دۇنيەجۇزىنىڭ الدىندا قازاق بالاسىن ء«بىلىمى مەن اقىلى ەكى جاقتان» الىپ شىعار بولسا, قانداي باقىت؟ سوزدەن ءىسىم مىعىم بولۋى ءۇشىن ەڭبەكتەنەمىن. ۇشىنشىدەن, ارينە, الەۋمەتتىك سالا مەن ەل ەكونوميكاسىنىڭ دامۋى ءۇشىن ەڭبەك ەتسەم دەيمىن. مەن ەلىمنىڭ بولاشاعى ءۇشىن ءوز ۇلەسىمدى قوسۋعا دايىنمىن جانە مەنى ەل بولاشاعىمەن بايلانىستىرار وسىنداي اسقاق ارماندارىم بار.
بوراش گۇلحان
باتىس قازاقستان وبلىسى
ماماندىعىنىڭ كاسىپقويى بولۋى كەرەك
تاربيەشى بولۋ وتە جاۋاپتى جانە قۇرمەتتى ءىس. ويتكەنى ول – مەيىرىمدى, قامقور, قايىرىمدى, بالانى جانە اتا-انالاردى تىڭداي الاتىن, ءوز كەڭەسىن بەرە الاتىن, ەڭ باستىسى – ءوز ءىسىنىڭ كاسىپقويى بولۋى كەرەك.
تاربيەشىنىڭ مىندەتى – وتباسى ىشىندەگى قارىم-قاتىناستى نىعايتۋ, وتباسىنداعى بالانىڭ ءرولىن انىقتاۋ. وسى مىندەتتەردى شەشۋ ءۇشىن ول اتا-انالاردىڭ بالاباقشامەن بەلسەندى ىنتىماقتاستىعىنا شاقىرادى. بۇگىنگى تاربيەشى قازىرگى زامان ادامى بولۋى قاجەت, وقۋعا قابىلەتتى, وسكەلەڭ ۇرپاقتى قازىرگى زامانعا بەيىمدەپ تاربيەلەپ, ءبىلىم بەرۋدە جاڭا ادىستەردى قارۋ رەتىندە قولدانا الاتىن بولۋ كەرەك.
ء«بىز ءبارىمىز بالالىق شاقتىڭ اۋىلىنانبىز», بىراق بۇل سيقىرلى الەمدى ۇمىتىپ, كوبىنەسە ءوز بالالارىمىزدى دا تۇسىنە بەرمەيمىز. ال تاربيەشى بولسا بالالىق شاق الەمىندە ماڭگىلىك قالا بەرەدى.
پاۆلودار قالاسى №35 سابيلەر
باقشاسىنىڭ ەرەسەك «ب» توبىنىڭ اتا-انالار كوميتەتى
