قازاقستاندىقتاردىڭ باسىم بولىگى سايلاۋعا بارادى

جاقىندا «دەموكراتيا ينستيتۋتى» 2012 جىلدىڭ 15 قاڭتارىندا وتەتىن قا­زاقستان رەسپۋبليكاسى پارلامەنتى ءماجى­لى­سىنىڭ سايلاۋىنا بايلانىستى قوعامدىق پىكىردى زەرتتەگەن الەۋمەتتىك ساۋالداما جۇرگىزدى. سۇراۋ سالۋلاردىڭ ناتيجەسىنە سۇيەنسەك, تۇرعىنداردىڭ قازىرگى كەزدەگى ەلەكتوراتتىق بەلسەندىلىك دەڭگەيى 61,3 پايىزدى قۇرايدى. «ەگەر سايلاۋ الداعى جەكسەنبىدە وتەر بولسا ءسىز وعان باراسىز با؟» دەگەن ساۋالعا رەسپوندەنتتەردىڭ 52,1 پايىزى «ءيا» دەپ ناق جاۋاپ بەرسە, تاعى 9,2 پايىزى سايلاۋعا داۋىس بەرۋگە نيەتتى ەكەندىكتەرىن تانىتقان. «ەگەر سايلاۋ الداعى جەكسەنبىدە وتكەن جاعدايدا ءسىز قاي پارتياعا داۋىس بەرگەن بولار ەدىڭىز؟» دەگەن ساۋالدان پارتيالاردىڭ رەيتينگى تومەندەگىشە كورىنىس بەرەدى: «نۇر وتان» حالىقتىق-دەموكراتيالىق پارتياسى – 75,7 پايىز; قازاقستاننىڭ «اق جول» دەموكراتيالىق پارتياسى – 7,5 پايىز; «ازات» جسدپ – 2,1 پايىز; قازاقستاننىڭ كوممۋنيستىك حالىقتىق پارتياسى (قكحپ) – 2 پايىز; «ادىلەت» دەموكراتيالىق پارتياسى – 0,9 پايىز; پاتريوتتار پارتياسى – 0,9 پايىز; قازاقستاننىڭ «اۋىل» سوتسيال-دەمو­كرا­تيالىق پارتياسى – 0,8 پايىز; «رۋحانيات» پارتياسى – 0,1 پايىز. – جىل بويى جۇرگىزىلگەن مونيتورينگتىڭ  ناتيجەلەرى كورسەتىپ وتىرعانىنداي, قازاق­ستاندىقتاردىڭ ەلەكتوراتتىق بەلسەندىلىگى­نىڭ جوعارى دەڭگەيىن ەسكەرە كەلگەندە, ەل ساياسي پارتيالارىنا وزدەرىنىڭ ەلەكتوراتتىق الەۋەتىن كەڭەيتۋگە تولىقتاي مۇمكىندىكتەرى بار, – دەپ ەسەپتەيدى «دەموكراتيا ينستيتۋ­تى­نىڭ» جوبالار بويىنشا ديرەكتورى يۋليا كۋچينسكايا. انكەتالىق ساۋالداماعا قازاقستاننىڭ بارلىق وڭىرلەرىنەن, استانا مەن الماتى قالالارىنان 1500 رەسپوندەنت قاتىستى. تاڭداۋ اۋىتقۋشىلىعى +2,5 پايىز. ساۋالداما اگەنتتىكتىڭ ءوز قاراجاتى ەسەبىنەن جۇرگىزىلدى. «ەگەمەن-اقپارات».