ۇلى جەڭىستەرگە حالىقپەن بىرگە جەتەمىز

بارىمىزدە ءبىر وتان, باستا ءبىزدى, «نۇر وتان»!

مەن ەل بولاشاعىن ايقىنداۋعا مۇمكىندىك بەرەتىن وسى سىندارلى سىناقتا قازاقستان حالقى قولداۋ كورسەتىپ, «نۇر وتان» پارتياسى باسىم داۋىس الادى دەپ  كامىل سەنەمىن.

ن.نازارباەۆ.

(«نۇر وتان» پارتياسىنىڭ  ءحىV سەزىندە سويلەگەن سوزىنەن).

ۇلى جەڭىستەرگە حالىقپەن بىرگە جەتەمىز

قازاقستان رەسپۋبليكاسىنىڭ پرەزيدەنتى,  «نۇر وتان» حدپ توراعاسى ن.ءا.نازارباەۆتىڭ پارتيانىڭ  ءحىV سەزىندە سويلەگەن ءسوزى

قۇرمەتتى سەزد دەلەگاتتارى!

قادىرلى قوناقتار!

مەنىڭ پارتيالاس سەرىكتەرىم!

«نۇر وتان» پارتياسىنىڭ ءحىV سەزى ءبىز ءۇشىن مەرەيلى مەجە – ەل تاۋەلسىز­دى­گى­نىڭ 20 جىلدىعى مەرەكەسى قارساڭىندا وتۋدە. ءبىز جاسامپاز جيىرما جىلدا ءجۇز جىلعا تاتيتىن ۇلان-عايىر جولدى با­سىپ وتتىك. ارايلى ازاتتىق ارقىلى قول جەتكىزگەن جەتىستىكتەرىمىزدىڭ بارشاسىندا «نۇر وتان» پارتياسىنىڭ سۇبەلى ۇلەسى بار. توڭىرەگىنە مۇراتتاس سەرىكتەرىم توپ­تاسقان پارتيا تاۋەلسىزدىك جىلدارىندا قو­عامدى جاڭا جوبالارعا جۇمىلدىرا ءبىلدى. شىن مانىندە حالىقتىق ۇيىمعا اي­نالعان «نۇر وتان» مەنىڭ باستامالارى­ما قولداۋ كورسەتىپ, ىرگەلى ىستەردىڭ ۇيىت­قىسى بولۋدا. وسىلايشا ءبىز بيىك بەلەستەردى بىرگە باعىندىردىق. تاۋەلسىزدىكتىڭ جاسامپاز جيىرما جىل­دىعى – ەلدىگىمىزدى ورنىقتىرۋ جو­لىن­داعى العاشقى كەزەڭنىڭ مەرەيلى قو­رىتىندىسى. ءبىز مىڭجىلدىقتىڭ ءۇشىنشى ونجىل­دىعىنا قادام باسۋ ارقىلى ەل دا­مۋى­نىڭ جاڭا كەزەڭىندە تۇرمىز. بۇگىندە دامۋدىڭ 2020 جىلعا دەيىنگى يندۋستريالىق-يننوۆاتسيالىق ستراتە­گيا­سىن جۇزەگە اسىرا باستادىق. عاسىرلىق ءمانى بار بۇل جوبا بىزگە جاڭا مىندەتتەر مەن جاۋاپكەرشىلىكتەر جۇك­تەيدى. ونىڭ ۇستىنە, بولاشاقتىڭ نە ۇسى­نارىن بولجاپ ءبىلۋ قيىن. كوپتەگەن ەلدەر داعدارىس داۋىلىنا شىداس بەرمەي, شايقالۋدا. سوندىقتان بۇل كەزەڭدى ءبىز بيىك رۋحپەن, كەڭ تىنىسپەن, تىڭ سەرپىنمەن باستاعانىمىز ابزال. ول سولاي بولعالى دا تۇر. بارشاڭىز بىلەسىزدەر, جاڭا جىلدان كەيىن ەلىمىزدە ءماجىلىس سايلاۋى وتەدى. بۇل جولى ءماجىلىس سايلاۋىمەن بىرگە جەرگىلىكتى ءماسليحاتتاردىڭ دا  سايلاۋى قاتار وتەتىنى بەلگىلى. سايلاۋ قورىتىندىسى بويىنشا, كونس­تيتۋتسياعا سايكەس, ءماجىلىس كەم دەگەندە ەكى پارتيادان تۇرۋى كەرەك. ەلىمىزدە ساياسي پارتيالارعا العاش رەت وسىنداي مۇمكىندىك بەرىلىپ وتىر. بۇل – سايلاۋدىڭ جاۋاپكەرشىلىگى مەن جۇگىن ارتتىرىپ, پارتيالار اراسىندا شىنايى باسەكەلەستىكتى قىزدىرا تۇسە­تىنى انىق. مەن ەل بولاشاعىن ايقىنداۋعا مۇمكىندىك بەرەتىن وسى سىندارلى سىناقتا قازاقستان حالقى قولداۋ كورسەتىپ, «نۇر وتان» پارتياسى باسىم داۋىس الادى دەپ  كامىل سەنەمىن.

قۇرمەتتى دەلەگاتتار!

مەنىڭ قىمباتتى سەرىكتەرىم!

بۇل جولعى سەزدىڭ تاۋەلسىزدىكتىڭ 20 جىلدىعىندا ءوتۋىنىڭ نىشاندىق ءمانى بار. بىرىنشىدەن, ءبىز ەلىمىزدى قالىپتاستى­رۋ جولىنداعى  ەكى ونجىلدىققا سوزىل­عان ەرەن ەڭبەگىمىزدىڭ قورىتىندىسىن شىعارىپ, ونى لايىقتى اياقتاۋدامىز. ونىڭ سوڭعى بەس جىلى تابىستى قازاقستان جولى ءۇشىن شەشۋشى بولدى. ولار قازىرگى پارلامەنتتىڭ جۇمىسىمەن تۇسپا-تۇس كەلدى. ءدال وسى جىلدار ءبىزدىڭ حالقىمىز­دىڭ ۇلى بەرىك بىرلىگىن, ونىڭ مىزعىماس توپتاسقاندىعىن ايعاقتاپ بەردى. ءبىزدىڭ اشىق ەكونوميكامىز پلانەتا­مىز­دىڭ بارلىق تاريحىنداعى قارجى-ەكونوميكالىق داعدارىستىڭ قاتال ەمتيحانىنا توتەپ بەرە الدى. ءبىزدىڭ ساياسي جانە الەۋمەتتىك جۇيە­مىز ناقتى, تۇراقتى جانە ءتيىمدى جۇمىس ىستەدى. مۇندا «نۇر وتان» حالىقتىق-دەمو­كرا­تيالىق پارتياسىنىڭ وراسان ەڭبەگى بار. ەكىنشىدەن, ءبىز بۇگىن ءىس-قيمىلدىڭ «قازاقستان. 2017-ءنىڭ ماقساتتارى» دەپ اتالاتىن ۇلتتىق جوسپارىن پارتيانىڭ الداعى ءماجىلىس سايلاۋىنداعى جوس­پارى رەتىندە بەكىتەتىن بولامىز. «نۇر وتان» قاشاندا ناقتى ىستەردىڭ پارتياسى بولدى جانە بولىپ قالا بەرەدى. ءبىزدىڭ سايلاۋالدى تۇعىرنامامىز – بۇل قازاقستاننىڭ 2020 جىلعا دەيىنگى ستراتەگيالىق دامۋ جوسپارى مەن «قا­زاق­ستان-2030» ستراتەگياسىنىڭ ءوز كەزە­ڭىنە ناقتى بەلگىلەنگەن قۇرامداس بولىگى. جانە ءبىزدىڭ ورتاق مىندەتىمىز – ساي­لاۋالدى كۇرەستە ءبىزدىڭ پارتيالىق ءمىن­دەت­تەرىمىزدىڭ  تۇبەگەيلى مازمۇنىن ءار ساي­لاۋشىعا, ءار قازاقستاندىققا جەتكىزۋ! تاۋەلسىزدىكتىڭ ءۇشىنشى ونجىلدىعى­نىڭ تاريحى بۇگىن باستالادى. سوندىقتان 15 قاڭتارداعى پارلامەنتتىك سايلاۋ – بۇل بولاشاقتىڭ اقيقات ءساتى دەۋگە بولادى. مەن ءبىزدىڭ «نۇر وتان» پارتياسىن قازاقستاندىقتاردىڭ بۇكىلحالىقتىق قولدايتىنىنا سەنىمدىمىن. بىزگە, نۇروتاندىقتارعا تەك جەڭىس كەرەك! ول بەلگىلەنگەن باعدارلامالاردى ورىنداۋدى جالعاستىرۋ جانە بارلىق ازاماتتاردىڭ ءال-اۋقاتىن ودان ءارى جاقسارتۋ ءۇشىن قاجەت.

قۇرمەتتى دەلەگاتتار!

بەس جىلعا جۋىق ۋاقىت بۇرىن, ال­عاش رەت پارتيالىق تىزىمدەر نەگىزىندە وتكىزىلگەن ءماجىلىس سايلاۋىندا ءبىزدىڭ پارتيا سايلاۋشىلاردىڭ ءابسوليۋتتى كوپ­شىلىگىنىڭ قولداۋىنا يە بولدى. بۇگىن وسى سەزدىڭ مىنبەرىنەن ءبىز ماق­تانىشپەن مالىمدەيمىز: «نۇر وتان» پارتياسى 2007 جىلعى سايلاۋعا بارعان حالىقتىق تۇعىرناما مەرزىمىنەن بۇرىن ورىندالدى. جانە بۇل ءبىزدىڭ ورتاق جەڭىسىمىز! بۇل ءبىزدىڭ حالقىمىزدىڭ جەڭىسى! ويتكەنى, ءبىز ونى الەمدىك داعدارىس­تىڭ اسا اۋىر جاعدايىندا جۇزەگە اسىر­دىق. سەبەبى, تۇعىرناما تۇزىلگەن كەزدە ءبىز وسىنداي داۋىلمەن بەتپە-بەت كەلەمىز دەپ ويلاعان جوقپىز. ول, ارينە, قان­داي دا ءبىر تۇزەتۋلەر ەنگىزدى, بىراق ءبىز جولىمىزدان اداسپاي, بەلگىلەگەن جانە ۋادە بەرگەن مىندەتتەردىڭ ۇدەسىنەن شىقتىق. تولىق ەمەس بەس جىل ىشىندە قازاق­ستان ەكونوميكاسىنىڭ كولەمى 2 ەسە ۇل­عايدى. تەك وسى جىلى عانا يننوۆاتسيالىق ۇلگىدەگى 350 جاڭا كاسىپورىن سالىندى. تاۋەلسىزدىكتىڭ 20 جىلدىعى جىلىندا ءبىزدىڭ اۋىلدىقتار رەكوردتىق 30 ميلليون توننا استىق جينادى. ءبىز الەمدە ۇن ەكسپورتى جونىنەن ءبىرىنشى ورىندى ءتورتىنشى جىل قاتارىنان ۇستاپ كەلەمىز. قازاقستان شەت ەل ينۆەستيتسياسىن الەمدە ەڭ كوپ تارتقان كوشباسشى 20 ەل قاتارىنا ەندى. ءتىپتى قۇرىلىس سالاسى ءۇشىن  كۇردەلى كەزەڭنىڭ وزىندە 19 ميلليون  شارشى مەتر جاڭا تۇرعىن ءۇي سالىندى. جارتى ميلليوننان استام قازاق­ستان­دىق وزدەرىنىڭ تۇرعىن ءۇي جاعدايىن جاقسارتتى. جۇمىسسىزدىق دەڭگەيى 7-دەن 5,4 پاي­ىزعا دەيىن تومەندەدى. ءبىز حالىق ءال-اۋقاتىنىڭ جاھاندىق رەيتينگىندە الەمدەگى العاشقى 50 مەم­لەكەتتىڭ قاتارىنا ەندىك. جان باسىنا شاققانداعى ءىجو كولە­مى بيىلعى جىلى 10 مىڭ دوللاردان  استامدى قۇرايدى, ال 2015 جىلعا قا­راي 15 مىڭ دوللارعا جەتەدى. ءبىز كەزىندە بۇل تۋرالى ءتىپتى ارمانداي الدىق پا؟ بۇگىندە وسى كورسەتكىش بويىنشا ءبىز, باسقا كورشىلەرىمىزدى ايتپاعاننىڭ ءوزىن­دە, ۋكراينادان 2 ەسەدەن استامعا  اسىپ تۇستىك. ءبىز شىعىس ەۋروپانىڭ بىرقاتار ەلدەرىنىڭ الدىندا تۇرمىز. ءتورت جارىم جىلدا تۇرعىنداردىڭ اقشالاي تابىستارى, بيۋدجەت سالاسىن­داعىلاردىڭ ەڭبەكاقىلارى, ستۋدەنت­تەردىڭ ستيپەنديالارى 2 ەسە ءوستى. زەينەتاقى تولەمدەرى مەن ءبىر جاسقا تولماعان ءسابيدى كۇتىپ-باققانى ءۇشىن جاردەماقىلار 2,6 ەسە ءوستى. ءبىلىم بەرۋگە, عىلىم مەن دەنساۋلىق ساقتاۋعا شىعىندار 2 ەسە ۇلعايدى. بۇكىل ەلىمىز بويىنشا شامامەن 4 مىڭ جاڭا بالالار باقشاسى اشىلسا, بۇل تۋرالى مەن ءوزىمنىڭ جولداۋىمدا تاپسىرما بەرگەن بولاتىنمىن, 350 مەكتەپ, 50 شاقتى كوللەدج سالىندى. جاڭا نازارباەۆ ۋنيۆەرسيتەتى, بولا­شاقتىڭ ينتەللەكتۋالدىق مەكتەپتەر جەلىسى قۇرىلدى. ءبىز عىلىمي-يننوۆاتسيالىق سالا رە­فورماسىنا كىرىستىك. قاجەتتى زاڭدار قا­بىلدانىپ جاتىر, عىلىمدى قارجىلان­دىرۋ ۇلعايدى, ءتيىستى زاڭ قابىلداندى. قازاقستاندا 150-دەي جاڭا ەمحانا, اۋرۋحانا مەن مەديتسينا ورتالىقتارى تۇرعىزىلدى. استانادا ءبىزدىڭ دەنساۋلىق ساقتاۋ سالامىزدىڭ فلاگمانى – بولاشاقتىڭ گوسپيتالى قۇرىلۋ ۇستىندە. قازاقستاندىقتاردىڭ ءومىر جاسىنىڭ ۇزاقتىعى   2 جىلعا ارتىپ, انا مەن بالا ءولىمى ايتارلىقتاي ازايدى. حالىقارالىق ساراپشىلار قازىردىڭ وزىندە قازاقستاندى ەڭ جەدەل ءوسىپ وتىر­عان الەم ەكونوميكاسىنىڭ ۇشتىگى­نە قوستى. ءبىزدىڭ الدىمىزدا تەك كاتار مەن قىتاي عانا تۇر. الەمدىك داعدارىستىڭ قيىن جىل­دارىندا ءبىز ءوزىمىزدىڭ الەۋمەتتىك  مىندەتتەرىمىزدەن باس تارتپاي, حالىقتىق تۇعىرنامانىڭ مىندەتتەرىنە  ادالدىق تانىتتىق! مەن ايتقان وسى سانداردىڭ بارلى­عىنىڭ ارتىندا بۇكىل  حالىقتىڭ جانە, ارينە, ءبىزدىڭ «نۇر وتان» پارتياسىنىڭ اۋقىمدى جۇمىسى تۇر. «نۇر وتان» پارتياسىنىڭ پارلامەنتتىك كوپشىلىگىنىڭ نەگىزىندە جاساق­تال­عان ءبىزدىڭ ۇكىمەتىمىزدىڭ داعدارىس جاع­دايىندا كاسىبيلىكپەن جەمىستى جۇ­مىس ىستەگەنىن اتاپ ءوتۋ كەرەك. پارلامەنتتىك فراكتسيا قاجەتتى زاڭ­داردى, ونىڭ ىشىندە داعدارىسقا قارسى زاڭداردى دا قابىلداۋدى قامتاماسىز ەتتى. مەن سەزد مىنبەرىنەن ءماجىلىستىڭ بارلىق دەپۋتاتتارىنا ولاردىڭ قىز­مەتى كەزەڭىندەگى جاۋاپتى, ناتيجەلى جۇ­مىستارى ءۇشىن شىنايى ريزاشى­لىعىم­دى بىلدىرگىم كەلەدى. پارتيا ولاردىڭ وراسان تاجىريبەسىن پايدالانۋى ءتيىس ەكەنىنە سەنىمدىمىن. مەن دەپۋتاتتاردىڭ كوپشىلىگى قايتا سايلانادى, ال كىمنىڭ مانداتى اياقتالسا – پارتيا بۇل ادامدار وزدەرىنىڭ ءتاجىري­بەلەرىن اتقارۋشى بيلىك ورگاندارى مەن ءبىزدىڭ پارتيانىڭ ورگاندارىندا پايدا­لانۋلارى ءۇشىن قامقورلىق تانىتادى عوي دەپ ويلايمىن. ءبىزدىڭ ماسليحاتتارداعى دەپۋتاتتىق توپتارىمىز, پارتيانىڭ وڭىرلىك في­ليال­دارى وڭىرلەردە جول كارتاسىنىڭ, تۇرعىنداردى ەڭبەكپەن قامتۋدىڭ جاڭا ستراتەگياسىنىڭ ورىندالۋى ءۇشىن ادال ەڭبەكتەندى. بارلىق وڭىرلەردە تۇرعىن ءۇي-كوممۋ­نالدىق شارۋاشىلىق كەشەنىن جاڭعىر­تۋ, جول جوندەۋ مەن سالۋ, قالالار مەن اۋىلداردى اباتتاندىرۋ بويىنشا ءبىز­دىڭ تاريحىمىزدا بۇرىن-سوڭدى بولما­عان جۇمىستار جۇرگىزىلدى. «نۇر وتان» پارتياسى  قازاقستان حالقى اسسامبلەياسىمەن, قازاقستاننىڭ كاسىپوداقتارىمەن, قوعامدىق بىرلەستىكتەرىمەن بارلىق باعىتتار بويىنشا تىعىز جۇمىس ىستەدى. كۇردەلى كەزەڭدە ءبىز تۇراقتىلىقتى, بەيبىتشىلىك پەن كەلىسىمدى كوزىمىزدىڭ قا­راشىعىنداي ساقتادىق. بۇل قازاقستان بۇكىل الەمدە  ايتسا سەنگىسىز  بەدەل مەن قۇرمەتكە قول جەتكىزگەن ناتيجەنىڭ بەرىك نەگىزى بولىپ تابىلادى. ءبىزدىڭ الەمدىك ارەناداعى تابىس­تارىمىز – بارلىق جاڭا تاۋەلسىز مەملەكەتتەر ءۇشىن بىرەگەي جانە تەڭدەسسىز. ەۋروپا كەڭەسىنىڭ باس حاتشىسى ياگلاند مىرزا تاياۋداعى ءبىزدىڭ اڭگىمەمىز بارىسىندا «الەمدەگى كەز كەلگەن ادام قازاقستاننىڭ وڭىردە عانا ەمەس, سون­داي-اق الەمدىك ارەنادا ۇلكەن تابىسقا جەتكەنىن ايتا الاتىنىن» ايرىقشا اتاپ كورسەتكەن ەدى. بۇل – سىرتقى باقىلاۋشىنىڭ ءبىزدىڭ جۇمىسىمىز بەن تابىستارىمىزعا بەرگەن شىنايى باعاسى. مەن ءبىز ءۇشىن بۇل ەرەكشە جاعىمدى عوي دەپ ويلايمىن. 2010 جىلى قازاقستان اسا ءىرى حالىق­ارالىق ۇيىم – ەقىۇ-نى لايىقتى باسقاردى. ەقىۇ-نىڭ استانا ءسامميتى ءبىزدىڭ جانە بۇكىل الەمدىك تاريحتىڭ التىن پاراعىنىڭ ءبىرى بولدى. قازىر, وتە كۇردەلى ۋاقىتتا, ءبىز يسلام ىنتىماقتاستىعى ۇيىمىنداعى توراعالىق ميسسيانى اتقارۋدامىز. ءبىزدىڭ ەلىمىز جاھاندىق انتيادرولىق قوزعالىستاعى كوشباسشىلىق پوزيتسيا­سىن ايتارلىقتاي نىعايتتى. ءبىزدىڭ يادرولىق قارۋسىزدانۋ مەن تاراتپاۋ ۇدەرىسىنە دايەكتى قاتىسۋشى رەتىندەگى ۇلگىمىز قازىرگى الەمدە ەشقانداي تالاس تۋعىزبايدى. ءبىز, وزدەرىڭىز بىلەتىندەي, يدەياسىن 17 جىل بۇرىن مەن ىلگەرىلەتكەن ەۋرازيا­لىق ينتەگراتسيا سالاسىندا ساپالىق سەر­پىندىلىككە قول جەتكىزدىك. قازاقستان, بەلارۋس جانە رەسەي كەدەن وداعى جۇمىس ىستەي باستادى. ءبىر اپتا بۇرىن ماسكەۋدە 2012 جىلدىڭ 1 قاڭتارىنان باستاپ ءبىرتۇتاس ەكونومي­كالىق كەڭىستىك قالىپتاستىرۋ تۋرالى ءۇش جاقتى ۋاعدالاستىققا قول قويىلدى. بۇل قادام ءبىزدىڭ تاۋەلسىزدىگىمىزدىڭ تاعى ءبىر كەپىلى بولىپ تابىلادى جانە ءبىزدىڭ سىرتقى ەكونوميكالىق قاۋىپسىز­دىگىمىز بەن وڭىرلىك تۇراقتىلىعىمىزدى ايتارلىقتاي نىعايتادى. ايتىلعانداردىڭ بارلىعى – ءبىز 5 جىل بۇرىن جاريالاعان پارتيا تۇعىر­نا­ماسىن ءىس جۇزىندە ورىنداۋدىڭ ناقتى ناتيجەسى. وسىلايشا, «نۇر وتان» پارتياسى حالىق بىرلىگىنىڭ, ەلدى تەك قانا العا – جاڭا جەڭىستەر مەن اسۋلارعا شەشىمدىلىكپەن جەتەلەيتىن مۇقالماس ەرىك-جىگەردىڭ پارتياسى بولدى جانە بولىپ قالا بەرەدى!

قىمباتتى قازاقستاندىقتار!

قۇرمەتتى سەزد دەلەگاتتارى!

ءبىزدىڭ ەلىمىز اۋقىمدى مودەرنيزاتسيا داۋىرىنە اياق باسىپ كەلەدى. ءبىز جاھاندىق دامۋمەن ورتاق ىرعاق­قا ەندىك. ەلدى دامىتۋدىڭ ستراتەگيالىق ماقساتتارى مەن مىندەتتەرى تۇتاس ون­داعان جىلدارعا بۇرىن جاسالعان. 2017 جىلعا قاراي ەكونوميكانىڭ شيكىزاتتىق ەمەس سەكتورىنا ينۆەستي­تسيا­لار 15 پايىزعا وسەدى. ءىجو قۇرىلىمىندا وڭدەۋشى ءوندى­رىس­تىڭ ۇلەسى ايتارلىقتاي ارتىپ, دايىن ءونىم ەكسپورتى 40 پايىزعا ۇلعاياتىن بولادى. ونەركاسىپتەگى ەڭبەك ونىمدىلىگى ءبىر جارىم ەسە ارتادى. مەتاللۋرگيا جانە حيميا سالا­لارىنداعى ءوندىرىس كولەمى ەكى ەسەلەنەدى. ءبىزدىڭ جەڭىل ونەركاسىپ ونىمدەرىمىز ىشكى رىنوك سۇرانىسىنىڭ ۇشتەن ءبىرىن قامتاماسىز ەتەتىن بولادى. تۇتاستاي العاندا, ءبىز بولاشا­عى­مىزدى ءححى عاسىردىڭ باستى سىناقتا­رىن قاپەرگە الا وتىرىپ ەلەستەتەمىز. بۇگىندە ءبىز الەمدىك داعدارىستىڭ ءتىپتى كوپتەگەن جىلدار بويى دامۋ مەن تۇراقتىلىقتىڭ ۇلگىسى سانالعان مەملە­كەتتەردىڭ ءوزىن قالاي كورروزياعا ۇشى­راتقانىن كورىپ وتىرمىز. 2009 جىلى-اق مەن الەمدىك قارجى جۇيە­سىن رەفورمالاۋ باستاماسىن كوتەرگەن بولاتىنمىن. «داعدارىستان شىعۋدىڭ كىلتى» اتتى ما­قا­لامدا مەن داعدارىسقا قارسى وپا­لان­عان شارالار الەمدى جاھاندىق داع­دا­رىستىڭ جاڭا تولقىندارىندا وپا بەرمەيتىنىن جازعان ەدىم. جانە قازىردە وقيعالاردىڭ دامۋى مۇن­داي باعامنىڭ ادىلدىگىن كورسەتىپ وتىر. مەن ءوزىمدى وپتيميستەردىڭ دە, پەس­سيميستەردىڭ دە قاتارىنا قوسپايمىن. بۇگىندە جاھاندىق كاتاكليزمدەرگە داعدارىس السىرەتكەن ەكونوميكالارعا مەملەكەتتىك بەرەشەكتىڭ ءوسىمى الىپ كەلۋى ىقتيمال ەكەنى ايقىن. قارجى داعدارىسى مەن وعان ەرە كەلگەن رەتسەسسيالار وسال ورتا قالىپ­تاس­تىر­سا, نازار اۋدارۋسىز قالدىرىلعان تاۋە­كەلدەر ەرتەڭگى داعدارىسقا اينالادى. ەۋروپادا نە بولىپ جاتقانىنا قا­راڭىزدار. دەفولت قاتەرى گرەكيانىڭ, يسپانيا­نىڭ, يتاليانىڭ, پورتۋگاليانىڭ ال­دىندا تۇر. دومينو اسەرىنەن قاۋىپتەنگەن ەۋرو­وداق ەلدەرىنىڭ باسىم بولىگى بۇگىندە بەلگىلى ءبىر دەڭگەيدە كومەك سۇراۋعا ءماجبۇر. الەۋمەتتىك پروبلەمالار امەريكا قۇراما شتاتتارىندا, اۆستراليادا وتكىر كورىنۋدە. بارلىعىنا اۋىر ءتيىپ تۇر. الەمدىك داعدارىس,  ارينە, بىزگە دە اسەرىن تيگىزەتىن بولادى. جانە ول وتكەن كەزەڭدەگىدەي ءبىزدىڭ جوسپارلارىمىزعا دا تۇزەتۋ ەنگىزۋى ىقتيمال. سوندىقتان, بارلىق تابىستارى­مىزعا قاراماستان, ءبىز كەز كەلگەن كۇت­پە­گەن جاعدايلارعا دايىن بولۋعا ءتيىسپىز. قازىرگى زامانعى ساياساتتىڭ باستى ماسەلەسى – مەملەكەتتىڭ ناقتى باع­دارى تۋرالى ماسەلە. ونداعان ەلدەردەگى قازىرگى مازاسىز وقيعالاردى, جالپىلاي العاندا, مەملەكەتتىك قۇندىلىقتار داعدارىسى دەپ اتاۋ­عا بولادى. الەم قوعامنىڭ باستى يگىلىگى قۇددى ءبىر اقشا بولىپ تابىلاتىنداي, ايىرباس پەن جيناقتاۋ قۇرالىنان جالعان «جو­عا­رى قۇندىلىقتارعا» اينالىپ, مونەتاريزم يدەياسىن ەلەۋسىز عانا «جۇتىپ قويدى». سوندىقتان, قازىرگى مەملەكەتتەردى ساۋىقتىرۋ – ولشەۋگە بولمايتىن ارقاۋ­لىق قۇندىلىقتارعا قايتا ورالۋ. ادىلەتتىلىكتەن اۋىتقۋدىڭ ءوزى الەم­دىك داعدارىستىڭ تۇبەگەيلى سەبەبى بو­لىپ تابىلادى. ادىلەتتىلىكتى قالپىنا كەلتىرۋ داع­دارىستان كەيىنگى الەمنىڭ نەگىزى بولادى. ادىلەتتى حالىقارالىق قاتىناستار قاجەت. ءادىل الەمدىك ۆاليۋتاداعى ءادىل حا­لىق­ارالىق قارجى جۇيەسى قاجەت. باي جانە كەدەي ەلدەر اراسىنداعى ايىرماشىلىق وسە تۇسۋدە. بۇگىنگى الەمدە كوپتەگەن ادامدار ەكونوميكاعا تولىققاندى قاتىسۋ, الەم­دىك ەكونوميكالىق ءوسۋدىڭ بارلىق يگىلىكتەرىن الۋ مۇمكىندىكتەرىنەن ايىرىلعان. بۇل تەپە-تەڭسىزدىكتەرگە, الەۋمەتتىك شيەلەنىستەر مەن داۋ-جانجالدارعا اپارىپ سوقتىرۋدا. مەن وسىعان دەيىن دە ايتىپ كەلگەندەي, قازاقستان ەل ازاماتتارىنىڭ ەكو­نو­ميكالىق وسۋگە كەڭىنەن قاتىسۋىنا جول اشاتىن مەنشىكتىڭ ەڭ جاڭا قۇرى­لى­مىن قالىپتاستىرۋعا كىرىستى. حالىقتىق ءىرو جۇيەسى ارقىلى قا­زاق­ستاندىقتار ەلدىڭ ستراتەگيالىق اك­تيۆتەرىنىڭ مەنشىك يەلەرى بولا الادى. ونىڭ نە ەكەنىن حالىققا ءتۇسىندىرۋ قاجەت. الەمدىك دەڭگەيدە تانىلعان ءىرى ۇلتتىق كومپانيالار اكتسيالارىنىڭ ءبىر بولىگىن الۋ ارقىلى ءبىزدىڭ ازاماتتارى­مىز ەلىمىز بايلىعىنا يەلىك ەتىپ, ديۆيدەنتتەر مەن تابىستار تاۋىپ تۇرا الادى. كەلەسى جىلدىڭ وزىندە-اق حالىقتىق ءىرو-عا العاشقى بولىپ «قازترانسويل», «KEGOK» جانە «ەير استانا» شىعادى. ولاردان سوڭ قالعان ءىرى ۇلتتىق كومپا­نيا­لار دا قوسىلادى. ال 2014-2015 جىل­دارى «قازمۇنايگاز» شىعاتىن بولادى. حالىقتىق ءىرو باعدارلاماسى – ءان­شەيىن جاڭا بۇقارالىق جەكەشەلەندىرۋ ەمەس. ول لايىقتى ءومىر ءسۇرىپ جاتقان جاڭا مەنشىك يەلەرىنىڭ بۇقارالىق تابىن قۇرۋ ۇدەرىسى. حالىقتىق ءىرو ءۇشىن سەنىمدى قۇقىق­تىق نەگىز قالىپتاستىرۋ جانە دامىتۋ ءماجىلىستىڭ كەلەسى قۇرامىنىڭ ءبىرىنشى كەزەكتى مىندەتى بولىپ تابىلادى. مۇنىڭ سىرتىندا بارلىق قۇقىق قورعاۋ ورگاندارىنداعى رەفورمالاردى تەرەڭدەتىپ, جۇمىستى جالعاستىرۋ قاجەت. سىبايلاس جەمقورلىققا قارسى كۇرەستى كۇشەيتە ءتۇسۋ كەرەك. «نۇر وتان» پارتياسى سىبايلاس جەم­قورلىقپەن كۇرەس جونىندەگى ءۇش ءجۇز­دەن استام قوعامدىق كەڭەستەردىڭ جالپىۇلتتىق جەلىسىن قۇرىپ, وعان باسشىلىق جاساپ وتىر. ازاماتتاردىڭ ءبىر مىڭنان استام وتىنىشتەرى قارالىپ, ولاردىڭ كوپشىلىگى بويىنشا قىلمىستىق ىستەر قوزعالدى, ناقتى شەنەۋنىكتەر جازالاندى. ءبىز سىبايلاس جەمقورلىقپەن كۇرەس ماسەلەسىندە ىمىراسىز بولۋعا ءتيىسپىز. پارتيا سىبايلاس جەمقورلىققا قار­سى كەڭ كولەمدى قوزعالىستىڭ باسىندا بولۋعا ءتيىس جانە بولادى دا. ءبىلىم بەرۋ مەن دەنساۋلىق ساقتاۋدىڭ ءادىل جۇيەسى, ءادىل الەۋمەتتىك قورعاۋ, ءادىل جاستار جانە تۇرعىن ءۇي ساياساتى – بۇلار ءبىزدىڭ دامۋىمىزدىڭ جاڭا كۇن تارتىبىندەگى ماسەلەلەر. ولار «ۇلتتىق ءىس-قيمىلدار جوسپا­رى. قازاقستان. 2017-ءنىڭ ماقساتتارىن­دا» كورىنىس تاپقان. بىرىنشىدەن, ءبىلىم بەرۋ سالاسىندا ءبىز اتا-انالار بالالارىنىڭ وقۋىنا قار­جى جيناۋ ءۇشىن دەر كەزىندە اشا الا­تىنداي وقىتۋ دەپوزيتتەرى جۇيەسىن ەنگىزۋىمىز كەرەك. كەلەسى بەس جىلدا 3 مىڭنان استام بالاباقشالار مەن مەكتەپ جاسىنا دەيىن­گىلەر ءۇشىن دامىتۋ ورتالىقتارى اشى­لىپ, كەمىندە 400 جاڭا مەكتەپ سالىنادى, الەمدىك دەڭگەيدەگى كاسىپتىك كوللەدجدەر جەلىسىن قۇرۋ جونىندەگى جوبا جۇزەگە اسىرىلادى. بارلىق ءبىلىم بەرۋ ۇيىمدارىنىڭ 90 پايىزدان استامىن كەڭ جولاقتى ينتەر­نەت­كە قوسۋ, 60 پايىزىندا ەلەكتروندى وقى­تۋ جۇيەسىن ەنگىزۋ مىندەتىن العا قويامىن. پەداگوگتاردىڭ ەڭبەكاقىلارى ولار­دىڭ بىلىكتىلىگىنە بايلانىستى 30 پايىزدان 100 پايىزعا دەيىن وسەدى. ەكىنشىدەن, دەنساۋلىق ساقتاۋ جۇيەسى ءۇش جاڭا دارىگەرلىك امبۋلاتوريالارمەن, ەلۋ ەمحانالارمەن جانە فەلدشەرلىك-اكۋشەرلىك پۋنكتتەرمەن تولىعاتىن بو­لادى. ءار وبلىستا اۆياتسيانى قولدانۋ ار­قىلى شۇعىل كولىك مەديتسيناسى ەنگىزى­لەدى. «دەنساۋلىق» مەديتسينالىق پوي­ىز­دارىنىڭ سانى ارتادى. ساپالى مەديتسينالىق قىزمەتتەر قول­جەتىمدى بولۋ ءۇشىن بارلىق قازاق­ستان­دىقتارعا بىردەي جاعدايلار تۋعىزىلادى. 2017 جىلعا قاراي انا مەن بالا ءولىمى كورسەتكىشى ءبىر جارىم ەسە تومەندەتىلەدى. ۇشىنشىدەن, ءادىل الەۋمەتتىك جۇيە – بۇل ەڭ الدىمەن لايىقتى زەينەتاقىلار مەن الەۋمەتتىك ءالجۋاز حالىققا تولە­نەتىن وتەماقىلار. 2017 جىلعا قاراي ارقاۋلىق زەينەت­اقى تولەمدەرى مەن اتاۋلى الەۋمەتتىك كومەك ەڭ تومەنگى كۇنكورىس دەڭگەيىنىڭ كەم دەگەندە 60 پايىزىن قۇرايتىن بولادى. سونىمەن بىرگە, مۇگەدەكتەر مەن مەم­لەكەتتىك الەۋمەتتىك جاردەماقى­لار­دى ىقتيمال الۋشىلاردىڭ وزگە توپ­تارى­نىڭ ءوز الەۋەتتەرىن جۇزەگە اسىرۋ­لا­رى ءۇشىن مۇمكىندىكتەردى كەڭەيتۋ ءجو­نىنەن ناقتىلى جۇمىس جۇرگىزۋ قاجەت. تاياۋداعى بەس جىلدا نەسيە سوماسى 3 ميلليون تەڭگەگە دەيىن جەتەتىن سەلولىق كاسىپكەرلەردى شاعىن نەسيەلەۋ باعدار­لاماسى جۇزەگە اسىرىلاتىن بولادى. سىزدەر «جۇمىسپەن قامتۋ – 2020» باع­دارلاماسىنىڭ جۇزەگە اسىرىلىپ جات­قانىن بىلەسىزدەر. ەڭبەككە قابىلەتتى ازاماتتار جۇمىس ىستەۋى كەرەك. بۇل ءبىز­دىڭ نەگىزگى كومەگىمىز. مەملەكەت بۇگىندە كومەك كورسەتىپ وتىر. اۋىلدىق جەردە ىسپەن اينالىسقىسى كەلەتىندەر ءۇشىن – ول 3 ميلليون تەڭگەگە دەيىنگى شاعىن نەسيەلەر. وندا جۇمىس ىستەي الماي­تىن­داردى ءبىز مەملەكەت ەسەبىنەن قالالاردا وقۋعا شاقىرامىز, ولاردى تۇرعىن ءۇي­مەن قامتاماسىز ەتىپ, جۇمىسقا ورنا­لاس­تىرامىز. مۇنى ءتۇسىندىرۋ كەرەك. بۇل ءبىزدىڭ جاعدايىمىزدا وتە ماڭىزدى باعدارلاما. بىزدە وتە كوپ ميگرانتتار جۇمىس ىستەۋدە. قازاقستاندا جۇمىس­سىز­دار سانى مەيلىنشە از بولۋى ءتيىس. ول ءۇشىن بىزدە بارلىق مۇمكىندىكتەر بار. بىراق, ەڭ الدىمەن, ادامنىڭ ءوزىنىڭ ەڭ­بەك ەتىپ, ءوزىنىڭ جانە ءوز وتباسىنىڭ تۇر­مى­سىن جاقسارتۋعا دەگەن نيەتى بولۋى قاجەت. 2018 جىلى قازاقستان تۇرعىندارى­نىڭ تابىس دەڭگەيى جوعارى ەلدەر تو­بىنا ەنۋى ءتيىس. تورتىنشىدەن, الداعى بەس جىلدا 24 ميلليون شارشى مەتردەن كەم ەمەس تۇرعىن ءۇي قۇرىلىسىن قامتاماسىز ەتۋ قاجەت. جەرگىلىكتى اكىمدىكتەرگە ازاماتتار­دىڭ, اسىرەسە, جاس وتباسىلاردىڭ تۇر­عىن  ءۇي جيناق سالىمدارىنا قىمبات ەمەس تۇرعىن ءۇي قۇرىلىسىن جۇرگىزۋىنە قولداۋ كورسەتىلەتىن بولادى. ءبىز قالايمىز با, الدە قالامايمىز با, اۋىلدان قالاعا كوشۋ ءجۇرىپ جاتىر. ول جالعاسا بەرەتىن بولادى. نەگىزىنەن ولار ورنىقتى جاعدايى, ەشقانداي ما­مان­دىقتارى جوق جاستار. ءبىزدىڭ مىندەتىمىز بارلىق جەرلەردە, بارلىق قالا­لار­دا, وبلىستاردا, وڭىرلەردە ولاردىڭ بەلگىلى ءبىر جەرلەردە ءومىر ءسۇرىپ, وسى باع­دارلاما بويىنشا ماماندىقتارعا وقىپ جانە ىسكە ارالاسۋىنا جاعدايلار جاساۋ. تۇرعىن ءۇي تاقىرىبىن جالعاستىرا وتىرىپ, از قامتاماسىز ەتىلگەن ازامات­تار­دىڭ جوندەۋ جۇمىستارىنا اتاۋلى كو­مەك جانە قۇرىلىس جۇرگىزۋگە ماقسات­تى جارنالار الاتىندىعىن ايتقىم كەلەدى. 2017 جىلعا قاراي قالالاردىڭ ءبارى ورتالىق سۋمەن جابدىقتاۋمەن 90 پايىز قامتاماسىز ەتىلەدى, 30 مىڭنان استام كوممۋنالدىق جەلىلەر قايتا جاڭعىر­تىلادى. ءبىزدىڭ ەلىمىزدە كوممۋنالدىق ىستەر بويىنشا ەشقاشان مۇنداي كولەمدە جۇمىس جۇرگىزىلگەن ەمەس. بەسىنشىدەن, ءادىل جاستار ساياساتى جاس قازاقستاندىقتاردىڭ يندۋستريا­لان­دىرۋ باعدارلامالارىنا بەلسەندى اتسالىسۋىنا نەگىزدەلەتىن بولادى. ءبىز جاس ماماندارعا, جاس وتباسى­لارعا قولداۋ كورسەتۋ باعدارلاماسىن جۇزەگە اسىرۋدامىز. قارۋلى كۇشتەردە, پوليتسيادا جانە وزگە دە قۇقىق قورعاۋ ورگاندارىندا قىزمەت ارقىلى وتانعا قىزمەت ەتۋ ماماندىعىن تاڭداعان جاستارعا تۇراق­تى قامقورلىق جاساۋ – ايرىقشا ماسەلە. ءبىز بۇل جەردە اسكەري قىزمەتشىلەر وتباسىلارى ءۇشىن ورىن العان تۇرعىن ءۇي پروبلەمالارىن تولىق جابۋعا ءتيىسپىز. بۇل اسپەكتىلەردىڭ ءبارى ءبىزدىڭ ساي­لاۋالدى باعدارلامامىزعا ەنگىزىلگەن. ولاردى ناقتىلاندىرۋ مەنىڭ كەلەسى جىلعى جولداۋىمدا ودان ءارى دامى­تى­لاتىن بولادى. «نۇر وتان» پارتياسىنىڭ «حالىق داۋىسى» اكتسياسىنا اتسالىسقان ءبىر ميلليوننان استام قازاقستاندىقتار ۇلتتىق ءىس-قيمىلدار جوسپارىنىڭ تەڭ اۆتورلارىنا اينالدى. ءبىزدىڭ پارتيامىز – حالىقتىق-دە­مو­كراتيالىق, سوندىقتان ول بارلىق قا­زاق­ستاندىقتاردىڭ مۇددەلەرىن بەينەلەيدى. ءبىزدىڭ ەندىگى بورىشىمىز – بارلىق كەزدە دە ادىلدىك پارتياسى بولىپ قالۋ. ويتكەنى, ول «نۇر وتان» پارتياسى­نىڭ ۇزاق مەرزىمدى ساياسي كوشباسشى­لى­عىنىڭ, قازاقستاندىق سايلاۋشىلار سە­نىم­دەرىنىڭ جوعارى دەڭگەيىن بۇتىندەي ون­داعان جىلدار العا وزا وتىرىپ ۇستاپ تۇرۋدىڭ باستى كەزەڭى جانە نەگىزگى شارتى.

قۇرمەتتى دەلەگاتتار!

الدا تۇرعان ءماجىلىس سايلاۋى – ساياسي جۇيەنى مودەرنيزاتسيالاۋداعى ماڭىز­دى قادام. ورتالىق مەملەكەتتىك بيلىك ورگان­دارىن جاڭارتۋ ۇدەرىسى ءماجىلىس پەن ءماسليحاتتاردان باستالادى. سوندىقتان پارلامەنتشىلەردىڭ مەرزىمىنەن بۇرىن سايلاۋ وتكىزۋ تۋرالى باستاماسى تەرەڭ قۇرمەتكە لايىق. سايلاۋشىلاردىڭ ەرىك ءبىلدىرۋى ار­قى­لى 2007 جىلعى كونستيتۋتسيالىق رە­فورمانىڭ ماڭىزدى نورماسى مەرزىمىنەن بۇرىن جۇزەگە اسىرىلاتىن بولادى. داۋىس بەرۋ قورىتىندىسى بويىنشا العاش رەت كەمىندە 2 پارتيالىق فراك­تسيا­نىڭ قاتىسۋىمەن, كوپ پارتيالى نەگىزدە جۇمىس ىستەيتىن پارلامەنت قالىپ­تاستىرىلادى. ودان سوڭ جاڭا ۇكىمەت جاساقتالىپ, مينيسترلىكتەر مەن ۆەدومستۆولار سا­پالىق تۇرعىدا جاڭارادى. وسىلاردىڭ ءبارى بارلىق ساياسي پارتيالاردىڭ جاۋاپكەرشىلىك دەڭگەيىن ارتتىرا تۇسەدى. بۇگىندە جاڭا جاعدايلارداعى ساياسي باسەكەلەستىك ماعىناسىنىڭ نەدە ەكەنىن ايقىن ءتۇسىنۋدىڭ ماڭىزى زور. ەگەر الەمگە كوز سالار بولساق, ءححى عاسىردا تابىستى پارتيانىڭ كۇشى ونىڭ اككىلىكپەن سىناي بىلۋىندە ەمەس. پارتيانىڭ كۇشى – ونىڭ جۇرت­شىلىقتى سىناقتار سوقپاعىنان الىپ ءوتۋ, تۇراقتىلىق پەن حالىق بىرلىگىن نىعايتا ءبىلۋ قابىلەتىندە. «نۇر وتان» – وسىنداي پارتيا. ءبىز ونى ءوز تاريحىمىزبەن, ءوزىمىزدىڭ قازاقستان ءۇشىن جانە قازاقستاندىق­تاردىڭ يگىلىگى ءۇشىن تىنىمسىز اتقارعان جۇمىسىمىزبەن دالەلدەدىك. سونىمەن بىرگە ساياسي كەڭەس بيۋروسىنان باستاپ, باستاۋىش ۇيىمعا دەيىن – ءبارىنىڭ دە ساياسي جۇمىستاردىڭ جاڭا فورمالارىن مەڭگەرۋلەرى كەرەك. ءبىرىنشى. ءبىزدىڭ پارتيادا كادر ساياساتىنىڭ ايقىن جۇيەسى بولۋى ءتيىس. اۋدان مەن وبلىس دەپارتامەنتى باس­شىسىنان باستاپ مينيسترگە دەيىنگى مەم­لەكەتتىك مەنەدجەرلەردىڭ جاۋاپتى قىزمەتتەرىنە كادرلار ىرىكتەۋدەگى پار­تيانىڭ ءرولىن كۇشەيتۋ قاجەت. ەكىنشى. «نۇر وتان» پارتياسى سترا­تەگيالىق مەملەكەتتىك باستامالار جا­ساۋ­دىڭ ورتالىعى بولۋعا ءتيىس. ماڭىزدى زاڭدار مەن باعدارلامالار جوبالارىنىڭ پارتيا الاڭدارىندا – سەزدەر مەن كونفەرەنتسيالاردا, ساياسي كەڭەستىڭ كەڭەيتىلگەن وتىرىستارىندا الدىن-الا تالقىلانۋىنىڭ ماڭىزى زور دەپ ەسەپتەيمىن.                                                            ءۇشىنشى. پارتيا باسشىلىعى مەن ونىڭ پارلامەنتتەگى فراكتسياسى قىز­مەتى­نىڭ ءبىرتۇتاس الگوريتمى قاجەت. بارلىق ماسليحاتتارداعى نۇروتان­دىق دەپۋتاتتار جۇمىستارىن ۇيلەستىرۋ­دىڭ ايقىن جۇيەسى بولۋ كەرەك. ءتورتىنشى. جاڭا تۇعىرنامانىڭ ورىن­دالۋى پارتيا باسشىلىعىنىڭ قاتاڭ باقىلاۋىندا بولۋى ءتيىس. ورتالىق اپپاراتتا يندۋستريالان­دىرۋ­دىڭ, الەۋمەتتىك مودەرنيزاتسيا­لاۋ­دىڭ, تۇرعىن ءۇي ساياساتىنىڭ, جاستار­مەن, ارداگەرلەرمەن, ۇەۇ-لار جانە باسقالارمەن جۇمىستاردىڭ ماڭىزدى باعىتتارى مەن جوبالارى بويىنشا كۋراتورلار ينستيتۋتىن قۇرۋ قاجەت. بەسىنشى. ەلەكتوراتتىق كەزەڭدە «نۇر وتان» پارتياسى وزگە ساياسي پار­تيالارمەن, كاسىپوداقتارمەن جانە ۇەۇ-لارمەن ىنتىماقتاستىق تۋرالى ساي­لاۋال­دى مەموراندۋمى سياقتى قۇرال­داردى پايدالانۋى كەرەك. مەن وسى سايلاۋعا قاتىساتىن بار­لىق ساياسي پارتيالار حالىق الدىنداعى, ەل الدىنداعى, الەمدىك تاريحتىڭ كۇر­دەلى كەزەڭى الدىنداعى جانە داعدارىس الدىنداعى جوعارى جاۋاپكەرشىلىكتى باس­شىلىققا الىپ, ءبىزدىڭ قوعامى­مىز­داعى تۇراقتىلىقتى, تىنىشتىقتى ساقتاۋ ءۇشىن ىنتىماقتاستىق تانىتىپ, ساياسي كۇرەستە ناقتىلى جانە ادەپتى بولادى دەگەن سەنىم بىلدىرگىم كەلەدى. پرەزيدەنت رەتىندە مەن جاڭا پار­لامەنتتە دە جانە ءبىزدىڭ ەلىمىزدە دە وكىلدىككە يە بارلىق ساياسي كۇشتەرمەن جۇمىس ىستەيتىن بولامىن. بارلىق پارلامەنتتىك پارتيالاردىڭ جەمىستى جۇمىس ىستەيتىنىنە, تەك قانا ءبىزدىڭ وتانىمىزدىڭ ۇلتتىق مۇددە­لە­رىن باسشىلىققا الاتىنىنا سەنىمدىمىن. ءبىزدىڭ حالقىمىزعا, ءبىزدىڭ ىرعاقتى دامىپ كەلە جاتقان ەلىمىزگە كەرەگى دە ءدال وسى.

قىمباتتى دوستار!

ۇلى كۇن – تاۋەلسىزدىكتىڭ 20 جىل­دىعىنا از عانا كۇندەر قالدى. مەن بارلىق دەلەگاتتاردى, بارلىق نۇروتاندىقتاردى الدا كەلە جاتقان مەرەيتويمەن الدىن-الا قۇتتىقتايمىن! ءححى عاسىردا  تەك كۇشتى مەملەكەتتەر عانا تابىستى دامي الادى. كوشباسشى ساياسي پارتيا رەتىندە «نۇر وتان» ەلدىڭ بولاشاعى, قوعامدا­عى تۇراقتىلىق پەن الداعى ونداعان جىل­دارعا ارنالعان ساياسي باعىتتىڭ سا­باقتاس­تىعى ءۇشىن جاۋاپكەرشىلىكتى ءوز موينىنا الادى. سىزدەردىڭ ءبارىڭىز وسى جىلدار بويى مەنىڭ كوماندام بولدىڭىزدار. سىزدەر­دىڭ كوپشىلىگىڭىزدى مەن ۇزاق جىلداردان بەرى بىلەمىن. مەن سىزدەرگە سەندىم جانە سەنەمىن جانە ارقايسىڭىزعا ۇلكەن مىندەتتەر جۇكتەيمىن! ۋاقىتتىڭ ءوزى بىزدەن بىرلىكتى تالاپ ەتىپ وتىرعان بۇگىنگى كۇنى كوماندالىق رۋح پەن توپتاسقاندىق وتە ماڭىزدى. تەك سولاي عانا ءبىز بولاشاققا, جاڭا جەڭىستەرگە, جاڭا تابىستارعا بارا الامىز! العا, «نۇر وتان»! العا, قازاقستان!

قۇرمەتتى سەزد دەلەگاتتارى!

قادىرلى قاناتتاستارىم!

ءبىزدىڭ الدىمىزدا ەلىمىزدى اسقار اسۋلارعا باستايتىن تاريحي ماڭىزى زور تاعدىرلى شەشىمدەر قابىلداۋ مىندەتى تۇر. مەن «نۇر وتان» پارتياسىنىڭ ءحىV سەزى جاڭا كەزەڭگە بەتبۇرىس باستاۋى بولادى دەپ ءۇمىت ارتامىن. ءبىزدىڭ قۋاتىمىز – بىرلىكتە. ءبىز بەرىك بىرلىگىمىز بەن بەكەم تىرلىگىمىز ارقىلى ۇلان-عايىر جەتىستىككە قول جەتكىزدىك. الداعى ۋاقىتتا دا يىق تىرەسە ءجۇرىپ, بيىك بەلەستەردى بىرگە باعىندىرا بەرەتىنىمىزگە سەنەمىن. ءبىزدىڭ باعىتىمىز ايقىن, بولا­شا­عىمىز جارقىن. ەندەشە, وسى جولدا بارشاڭىزعا تولايىم تابىستار تىلەيمىن. تاۋەلسىزدىگىمىز تۇعىرلى, ەلدىگىمىز عۇمىرلى بولسىن! العا, قازاقستان!