وبلىستىق ايماقتىق وقۋ-تاجىريبەلىك دەنە شىنىقتىرۋ ورتالىعىنىڭ حابارىنشا, سپورتتىق شارا شاڭعى جارىسى, قىسقى پرەزيدەنتتىك كوپسايىس, قىسقى سپورتتىق باعدارلاۋ, فۋتزال, باسكەتبول جارىستاردان باستاۋ الدى. قازىر ەكىنشى كەزەڭدە قازاق كۇرەسى, قىسقى سپورتتىق باعدارلاۋ, ارمرەستلينگ, گىر سپورتى, پاۋەرليفتينگ جارىستارى وتۋدە. ۋنيۆەرسيادا ەكى كەزەڭنەن تۇرادى. سپورتتىڭ 11 ءتۇرى بويىنشا ۇيىمداستىرىلعان سايىستاردىڭ جەڭىمپازدارى مەن جۇلدەگەرلەرى دە بەلگىلى بولۋدا.
ۋنيۆەرسياداعا ەلىمىزدەگى 36 جوعارعى وقۋ ورنىنان 1500-گە جۋىق ستۋدەنت قاتىسۋدا. العاشقى جارىس پرەزيدەنتتىك كوپسايىس بويىنشا ءوتتى. سولتۇستىك قازاقستان مەملەكەتتىك ۋنيۆەرسيتەتىنىڭ كومانداسى التىن, كۇمىس جۇلدەنى قوستاناي پەداگوگيكالىق ۋنيۆەرسيتەتىنىڭ سپورتشىلارى يلەندى.
ۋنيۆەرسيادا اياسىنداعى ەرلەر اراسىنداعى گىر كوتەرۋ سپورتى بويىنشا جارىستا سەرىك ءابداحيننىڭ ايتۋىنشا, 11 كوماندانىڭ 60 سپورتشىسى ءوزارا سىناستى. قاتىسۋشىلار 63 كەلىدەن 95+ سالماق دəرەجەسىندە شەبەرلىك كورسەتتى. سپورتشىلار 10 مينۋت ىشىندە 16, 24 جəنە 32 كەلىلىك كىر تاستارىن كوتەردى. ال, 11 ناۋرىز كۇنى ەلىمىزدىڭ VII-ءشى قىسقى ۋنيۆەرسيادا ويىندارى اياقتالادى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: رۋفينا تورپيششەۆا
