مەرەيتوي قارساڭىندا ەكى الەۋمەتتىك جوبا اياقتالدى

رەسپۋبليكا تاۋەلسىزدىگىنىڭ 20 جىلدىق مەرەيتويى قارساڭىندا «قاراشىعاناق پەتروليۋم وپەرەيتينگ ب.ۆ.» (قپو) كومپا­نيا­سى باتىس قازاقستان وبلىسىنىڭ ءبورلى اۋدانىندا جالپى قۇنى 6,5 ميلليون اقش دوللارىنا جۋىق ەكى ءىرى الەۋمەتتىك جوبانى ويدا­عىداي اياقتاعاندىعى تۋرالى جاريا ەتتى. جەرگىلىكتى ينفراقۇرىلىمدى دامىتۋ باعدارلاماسى اياسىندا, جەكەلەي العاندا, قپو اقساي قالاسىنىڭ 10-شاعىن اۋدانداعى قازاندىققا قايتا جاڭعىرتۋ ءجۇر­گىزدى, سونداي-اق اقبۇلاق جەر­استى سۋلارى كەن ورنىنان قالا­نى قوسىمشا سۋمەن جابدىقتاۋ جوباسى دا جۇزەگە اسىرىلدى. قپو باس ديرەكتورى دجۋزەپپە پازي بۇل ورايدا «رەسپۋبليكا تاۋەلسىزدىگىنىڭ 20 جىلدىعى قار­سا­ڭىندا وسى ەكى زاماناۋي الەۋ­مەتتىك نىساندى اياقتاعانىمىزعا قۋانىشتىمىز. جەرگىلىكتى ين­فرا­­قۇرىلىمدى جاقسارتۋعا قپو-نىڭ سالعان ينۆەستيتسيالارىنىڭ ارقاسىندا, وڭىردە جاڭا مەكتەپتەر, اۋرۋحانالار, سپورت يمارات­تارى سالىنىپ, جولدار توسەلدى, سونداي-اق اقساي قالاسىندا ءجا­نە كوپتەگەن ەلدى مەكەندەردە گازبەن جانە سۋمەن جابدىقتاۋ ءجۇر­گىزىلدى» – دەيدى ماقتانىشپەن. – «قپو-نىڭ الەۋمەتتىك باعدارلا­ماسى ءونىمدى ءبولۋ تۋرالى ءتۇپ­كىلىكتى كەلىسىمنىڭ ءىس-ارەكەتى مەرزىمى ىشىندە جارتى ميللياردتان اسا اقش دوللارى كولەمىندە ينۆەستيتسيالارىمەن قاراستى­رىل­عان, بۇل ەل يگىلىگى ءۇشىن با­تىس قازاقستان وبلىسىن ودان ءارى دامىتۋدىڭ كەپىلى بولادى». بۇل رەتتە بقو, ءبورلى اۋ­دانىنىڭ اكىمى بولات شاكىموۆ «اۋداننىڭ الەۋمەتتىك ينفراقۇ­رىلىمىن جاقسارتۋ قپو-نىڭ الەۋ­مەتتىك جاۋاپكەرشىلىگىنىڭ كور­­نەكى ۇلگىسى بولىپ تابىلادى. جەرگىلىكتى بيلىك ورگاندارى مەن قپو-نىڭ ىنتىماقتاستىعى قا­را­شىعا­ناق­­تىڭ الەۋەتىن ءتيىمدى پايدالانۋدى كوزدەيدى, ول ءوز كەزەگىندە ءوڭىردىڭ ەكونوميكالىق جانە الەۋمەتتىك سالالارىنا وڭ­دى وزگەرىستەر اكە­لەرى ءسوزسىز. كوم­پانيا قازاقستان تاۋەلسىز­دى­گى­نىڭ 20 جىلدىعى قار­سا­ڭىندا اۋداننىڭ بارلىق حال­قى­نا تاماشا تارتۋ جاسادى» دەپ شىنايى ريزاشى­لىعىن ءبىلدىردى. قازاندىقتى ىسكە قوسۋ اقساي قالاسىنىڭ 10-شاعىن اۋدانىن جى­لۋمەن جانە ىستىق سۋمەن جاب­دىقتاۋدى تۇراقتى قامتا­ما­سىز ەتۋگە تولىق مۇمكىندىك بەردى, ونىڭ ىشىندە قپو-نىڭ الەۋ­مەت­تىك باعدارلاماسى اياسىندا 2010 جىلى سالىنعان 900 وقۋشى وقي­تىن جاڭا مەكتەپ تە بار. جىلعا جەتەر-جەتپەس ۋاقىت ىشىندە مەردىگەر – جەرگىلىكتى «اقسايسپەتس­مونتاج» جشس كومپانياسى جۇ­مىستاردىڭ ۇلكەن كولەمىن ور­ىن­دادى. قازاندىقتىڭ ەسكى عي­ما­را­تىن بولشەكتەپ جاڭا قۇرىلىس تۇرعىزدى, 2 قازاندىقتى مونتاج­داپ, قازانداردى وراپ, سورعىلار­دى ورناتتى. بۇعان قوسا سۋ داي­ىنداۋ قوندىرعىسىن قاتارعا قو­سىپ, باقىلاۋ-ولشەۋ اسپاپتارى مەن اۆتوماتيكا جۇيەسىن مونتاج­دادى. ەلەكتروندى جابدىقپەن جابدىقتالعان زاماناۋي قازان­دىق­تار گاز تۇتىنۋدى ەكى ەسەگە دەيىن تومەندەتۋگە, جىلۋ شىعى­نىن ەداۋىر ازايتۋعا مۇمكىندىك بەرەدى. قوسىمشا سۋمەن جابدىقتاۋ جو­باسىن جۇزەگە اسىرۋ اقساي قا­لاسىنىڭ جانە قىزىلتال كەن­تى­نىڭ تۇرعىندارىن ۇزدىكسىز سۋمەن تۇراقتى قامتاماسىز ەتتى. قۇ­رى­لىستىڭ مەردىگەرى بولىپ وتان­دىق كومپانيا – «سپەتس­ستروي­سەرۆيس» جشس تىندى­رىم­دى ءىس اتقاردى. بۇعان دەيىن قالا حالقى اۋىز سۋدى بەستاۋ سۋ قوي­ماسىنان الىپ كەلگەن ەدى, ونىڭ ونىمدىلىگى تاۋلىگىنە 7300 م3 بو­لاتىن. ال­اي­دا, قالانىڭ شاعىن اۋدان­دارى مەن بەستاۋ كەنتىن دا­مىتۋ اۋىز سۋمەن قوسىمشا جاب­دىق­تاۋدى تالاپ ەتتى. قۇرىلىس ەكى كەزەڭگە ءبولىنىپ جۇرگىزىلدى. ال­دىمەن سورعى ستانساسى بار سۋ قويماسى سالىندى, ونىڭ قۇرا­مىنا ەكى تەرەڭ ۇڭعىما تەرەڭگە باتىرى­لاتىن سورعىسىمەن, سۋدى ەسەپكە الاتىن جانە بولەتىن بلوك, سون­داي-اق پوليەتيلەندى قۇ­بىر­لاردان تۇراتىن سۋاعار كىردى. ەكىنشى كەزەڭ بارىسىندا اق­ساي قالاسىنا دەيىن تارتىلعان سۋا­عارى بار سورعى ستانساسى تۇر­عىزىلدى. ول اقساي قالاسىنا جانە ىرگەلەس جاتقان اقسۋ مەن جاڭاقوس ەلدى مەكەندەرىنە سۋ قۇ­بىرى جەلىسىنە سۋ بەرۋ ءۇشىن ار­نالعان ەدى. جاڭا سۋ قويماسى يماراتىنىڭ ونىمدىلىگى تاۋلىگىنە 1980 م3 بولىپ وتىر. بۇل, اسىرەسە جازعى كەزەڭدە اۋىز سۋ تاپ­شىلىعى ماسەلەسىن شەشۋگە مۇمكىندىك بەرەدى. مارات اققۇل.