بىلىمدەگى ينتەگراتسيا سەرپىنى

الماتىدا ەل تاۋەلسىزدىگىنىڭ 20 جىلدىعىنا وراي ءبىلىم جانە عى­لىم مينيسترلىگى مەن قازاق ۇلت­تىق اگرار­لىق ۋنيۆەرسيتەتىنىڭ ۇيىم­داستىرۋى­مەن «حالىقارالىق عىلىم مەن ءبىلىم قوعامداستىعىنا سەرپىندى ينتەگراتسيالاۋ» اتتى حا­لىقارالىق سەمينار ءوتتى. 70 مەملەكەتتەن دەلەگاتتار قاتىسقان ەكى كۇندىك جيىندا ۇلتتىق كومپانيالار, جوو جانە عىلىمي مەكەمە­لەر­دىڭ, حالىقارالىق ۇيىمدار, مەملەكەتتىك قۇرىلىمدار­دىڭ وكىلدەرى الەمدىك ءبىلىم بەرۋ جۇيەسى مەن عىلىمي كەڭىس­تىگىندە ۋنيۆەر­سي­تەت­ارا­لىق جانە عىلىمي ورتالىقتار اراسىنداعى بەلسەندى بىرىڭعاي بايلانىستى دامىتۋعا قاتىستى رەزوليۋتسيا قابىلدادى. الدىمەن سەمينارعا قاتىسۋ­شى­لار ەل تاۋەلسىزدىگىنىڭ 20 جىلدىعىنا ارنالعان «قازۇاۋ: ءبىلىم مەن عىلىم­داعى يننوۆاتسيالار» كورمەسىمەن تا­نى­سىپ, ونان سوڭ «Center of Excel­lence1» مودەلدىك اكادەميالىق ۇت­قىر­لىق ورتالىعىنىڭ اشىلۋىنا جانە «Tive to study» ءتىل ورتالىعىنىڭ تۇساۋكەسەر راسىمىنە كۋا بولدى. سون­داي-اق قوناق­تار­دىڭ قاتىسۋىمەن ءبىر مەزەتتە بىرنەشە ەلدىڭ جوعارى وقۋ ورىندارىمەن «گلوبالدى كلاسس. سەرىكتەس جوو-لارمەن بايلانىس ورناتۋ» وn-line تارتىبىندەگى بەينە-كونفە­رەن­تسياسىن وتكىزدى. پلەنارلىق ءماجىلىستى قازۇاۋ-ءدىڭ رەكتورى تىلەكتەس ەسپولوۆ اشىپ, ال­قالى جيىننىڭ ماقساتىنا توقتال­دى. ءۇش تىلدە وتكەن جيىن اياسىندا پانەلدىك سەسسيا جۇمىس ىستەدى. سونى­مەن قاتار جە­تەكشى ساراپشىلار سەمي­نارعا قا­تىسۋشىلارعا جانە قازۇاۋ فاكۋلتەتتەرىندە ءارتۇرلى باعىتتاردا شەبەرلىك-سىنىپتارىن وتكىزدى. سەمينار باعدارلاماسىندا تاۋەلسىز­دىگىنىڭ 20 جىلدىعىنا ارنال­عان قازۇاۋ ستۋدەنتتەر ۇيىمى دايىن­داعان «تاۋەل­سىز ەلىم – تاعدى­رىم» اتتى مادەني شارا كورسەتىلدى. گۇلزەينەپ سادىرقىزى.