سۋرەتتى تۇسىرگەن ەرلان ومار, «ەگەمەن قازاقستان»
جيىندى اشقان پرەزيدەنت ناۋرىز ايىنداعى مەرەكەلەر تۋرالى ايتىپ ءوتىپ, العىس كۇنىنە ەرەكشە توقتالدى.
"ىزگى وقيعالار قازاقستان حالقىن بىرىكتىرە تۇسەدى. بىز قازاقستان حالقىنىڭ بىرلىگىنىڭ ارقاسىندا بارلىق سىناقتاردان وتە الدىق. قازاق حالقىمەن بىرگە ءومىر ءسۇرىپ جاتقان باسقا ەتنوستاردىڭ بارلىعى باعالايدى. بۇگىنگى تاڭداڭ باتىس قازاقستان, الماتى, جامبىل, وڭتۇستىك قازاقستان وبلىستارىندا "قازاق ەلىنە مىڭ العىس" مونۋمەنتتەرى ورنالاراستىرىلعان. بۇل ىزگى باستامالار قازاق حالقىنىڭ اشىقتىعى مەن ۇلىلىعىن كورسەتەدى. ونى جادىندا ساقتاعان حالىقتىڭ رۋحى ۇنەمى بيىك بولادى", دەدى ەلباسى.
سونىمەن قاتار ول ءوز وتباسىنىڭ دا قازاقستانعا ايدالعانداردىڭ ءبىرىن پانالاتقانىن ەسىنە الدى.
"ايتۋعا وڭاي كورىنەدى, ارينە. بىراق تاۋار ۆاگوندارى وتباسىلاردى اكەلىپ, بالا-شاعالارىمەن دالادا قالدىرىپ كەتتى. سونداي كەزدەرى ءبىزدىڭ ءۇيدىڭ دە سونداي وتباسىن قابىلداعانىن بارلىقتارىڭىز بىلەسىزدەر. سوندىقتان بارلىق ەتنوستاردىڭ قازاق حالقىنا العىس ايتىپ جاتقانى اتا-بابالارىنىڭ وسيەتى دەپ ويلايمىن", دەدى پرەزيدەنت.
ايتا كەتۋ كەرەك, بىرلەسكەن وتىرىسقا جوعارعى سوت, ۇكىمەت مۇشەلەرى تولىق قۇرامدا, پرەزيدەنتكە تىكەلەي ەسەپ بەرەتىن جانە باعىناتىن ورگان باسشىلارى, ۇلتتىق كومپانيالار مەن مەملەكەتتىك ۇيىمدار باسشىلارى قاتىسىپ وتىر.
ەسكە سالا كەتەيىك, 2 ناۋرىزدا پارلامەنت ماجىلىسىنىڭ توراعاسى نۇرلان نىعماتۋلين پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويعان بولاتىن.
گۇلنۇر قۋانىشبەكقىزى,
"ەگەمەن قازاقستان"
