قازاقستان دەلەگاتسياسىنا سىرتقى ىستەر ءمينيسترىنىڭ ورىنباسارى اقىلبەك كامالدينوۆ باسشىلىق ەتتى, قاتار دەلەگاتسياسىنا ‑ قاتار مەملەكەتى سىرتقى ىستەر مينيسترلىگىنىڭ باس حاتشىسى احماد بەن حاسان ءال-حامادي.
تاراپتار ەكىجاقتى جانە كوپجاقتى فورماتتاعى ىنتىماقتاستىقتى دامىتۋ جانە كەڭەيتۋ, قازىرگى زاماننىڭ وزەكتى ماسەلەلەرىن شەشۋ مەن ۇستانىمدارىن ۇيلەستىرۋدە حالىقارالىق جانە وڭىرلىك ۇيىمدار شەڭبەرىندە ءوزارا ارەكەتتەسۋ, سونداي-اق سىرتقى ساياسي باستامالارىن ءوزارا قولداۋ مۇمكىندىكتەرى جولدارىن ايقىندادى. وسى تۇرعىدا قازاقستاننىڭ بۇۇ قاۋىپسىزدىك كەڭەسىندەگى تۇراقتى ەمەس مۇشەلىگىن نازارعا الا وتىرىپ, بۇۇ شەڭبەرىندە ەكى ەلدىڭ بىرلەسكەن ءىس-قيمىلىنىڭ ماڭىزدىلىعى ايرىقشا اتاپ ءوتىلدى.
قازاقستان ەكونوميكاسىنا ينۆەستيتسيالار تارتۋ ماقساتىندا بىرلەسكەن جوبالاردى جۇزەگە اسىرۋدىڭ جانە جوعارى دەڭگەيدەگى بىرلەسكەن كوميسسيا قىزمەتىن جانداندىرۋ ارقىلى ساۋدا-ەكونوميكالىق جانە ينۆەستيتسيالىق باعىتتارداعى ىنتىماقتاستىقتى نىعايتۋدىڭ ماڭىزدىلىعى اتالىپ ءوتتى.
تاراپتار ەكىجاقتى بايلانىستاردى ودان ءارى كەڭەيتۋمەن قاتار, مادەنيەت, ءبىلىم جانە عىلىم سالالارىنداعى بىرلەسكەن جوبالاردى جۇزەگە اسىرۋعا ۋاعدالاستى.
