ءىس-شاراعا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ, «نۇر وتان» پارتياسى ماڭعىستاۋ وبلىستىق فيليالىنىڭ, «ماڭعىستاۋ وبلىسىنىڭ ازاماتتىق اليانسى» زاڭدى تۇلعالار بىرلەستىگىنىڭ وكىلدەرى جانە سىبايلاس جەمقورلىققا قارسى موبيلدىك توپ مۇشەلەرى قاتىستى.
كىرىسپە سوزىندە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ «سىبايلاس جەمقورلىق پروفيلاكتيكاسى باسقارماسى» باسشىسى ن. ايتجانوۆ, ارنايى مونيتورينگ توبىنىڭ ماقساتتارى مەن مىندەتتەرى, 2017 جىلعى اتقارىلعان جۇمىسى جانە الداعى ۋاقىتتا جوسپارلانعان ءىس-شارالارمەن تانىستىردى.
ءوز كەزەگىندە ارنايى مونيتورينگ توبىنىڭ مۇشەسى ن.وقۋوۆ, ارنايى مونيتورينگ جانە سىبايلاس جەمقورلىققا قارسى موبيلدىك توپتارىنىڭ جۇرتشىلىقپەن كەزدەسۋلەرى بارىسىندا انىقتالعان ماسەلەلەرگە باسا ءمان بەرىپ, كاسىپورىنداردىڭ, وقۋ ورىندارىنىڭ, دەنساۋلىق ساقتاۋ مەكەمەلەرى مەن جەكە-مەنشىك فيرمالاردىڭ ەڭبەك ۇجىمدارىندا سىبايلاس جەمقورلىققا قارسى مادەنيەتتى قالىپتاستىرۋ بويىنشا جوسپارلارىنا توقتالدى.
«ارنايى مونيتورينگ توبىنىڭ» ءتورايىمى ج.احمەتوۆا, الداعى جوسپارلاردا ازاماتتاردىڭ, بەلسەندى كوزقاراستاعى تۇرعىنداردىڭ, قوعامدىق بىرلەستىكتەر مەن بيزنەس-قاۋىمداستىق وكىلدەرىنىڭ ۇسىنىستارى ەسكەرىلگەندىگىن جەتكىزدى. جانە دە سىبايلاس جەمقورلىق تاۋەكەلدەرىن انىقتاۋ بويىنشا ارنايى توپتىڭ قىزمەتىنە ازاماتتىق قوعام ينستيتۋتتارىنىڭ وكىلدەرىن بەلسەندى قاتىسۋعا شاقىردى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ۇيلەستىرۋىمەن ارنايى مونيتورينگ توبى قۇرىلىپ, قۇرامىنا بەلسەندى قوعام وكىلدەرى, جۋرناليستەر, بلوگەرلەر, ۇكىمەتتىك ەمەس ۇيىمدار مەن ساياسي پارتيا وكىلدەرى ەنگەن بولاتىن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
