استانادا ءبىلىم جانە عىلىم مينيسترلىگىنىڭ ۇيىمداستىرۋىمەن حالىقارالىق بەدەلدى 27 ۇيىمنىڭ وكىلدەرى مەن ەلىمىزدەگى 16 شەتەل ەلشىلىگى قىزمەتكەرلەرىنىڭ باسىن قوسقان القالى جيىن بولىپ ءوتتى.
باسقوسۋدا ءبىلىم جانە عىلىم ءمينيسترى باقىتجان جۇماعۇلوۆ «قازاقستان رەسپۋبليكاسىنداعى ءبىلىم مەن عىلىمدى دامىتۋدىڭ جاي-كۇيى جانە كەلەشەگى تۋرالى» بايانداما جاساپ, ءبىلىم مەن عىلىم سالاسىندا جەتكەن جەتىستىكتەرىمىزدى تىلگە تيەك ەتتى. ول ءوز سوزىندە سوڭعى 10 جىلدا ءبىلىم سالاسىن قارجىلاندىرۋ 7,5 ەسەگە ءوسكەندىگى, بيىلدىڭ وزىندە بىلىمگە مەملەكەتتىك بيۋدجەتتەن 900 ملرد. تەڭگە بولىنگەنى, تاۋەلسىزدىكتىڭ العاشقى جىلدارى-اق «بولاشاق» باعدارلاماسى جۇمىس ىستەپ, جاستاردىڭ شەتەلدە ءبىلىم الۋىنا جاعداي جاسالىنعانى, ءبىلىم سالاسىن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى تۇزىلگەنى, «عىلىم تۋرالى» جاڭا زاڭ قابىلدانىپ, «ءبىلىم تۋرالى» زاڭعا ءوتىمدى وزگەرىستەر ەنگىزىلگەنى جايلى ايتا كەلىپ, جوعارى ءبىلىم سالاسىنداعى «نازارباەۆ ۋنيۆەرسيتەتىنىڭ» ەرەكشەلىگىنە توقتالىپ ءوتتى.
باسقوسۋ بارىسىندا سۇراق-جاۋاپ تۇرعىسىندا اڭگىمە ءوربىپ, ءبىلىم مەن عىلىمنىڭ الداعى الار اسۋ-مىندەتتەرى تالقىعا سالىندى.
بەرىك سادىر.
