باسقوسۋعا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى ۆلاديمير جۇماقانوۆ, پارلامەنت دەپۋتاتتارى, قورعانىس جانە اەروعارىش ونەركاسىبى مينيسترلىگىنىڭ جانە باسقا دا مەملەكەتتىك ورگان, باعىنىستى ۇيىمدار مەن كاسىپورىندار باسشىلىعى قاتىستى.
بۇگىنگى تاڭدا مينيسترلىك ەلدىڭ قورعانىسى مەن قاۋىپسىزدىگىن ءتيىمدى تۇردە ىسكە اسىرۋعا مۇمكىندىك بەرەتىن سالانىڭ نورماتيۆتىك-قۇقىقتىق بازاسىن قالىپتاستىرۋ جۇمىستارىن جۇرگىزۋدە.
مەملەكەتتىك قورعانىستىق تاپسىرىستى قالىپتاستىرۋدىڭ جاڭا مەحانيزمدەرىن رەتتەيتىن جانە وتاندىق قورعانىس-ونەركاسىپ كەشەنىن قولداۋ شارالارىن قاراستىراتىن «قورعانىس ونەركاسىبى جانە مەملەكەتتىك قورعانىستىق تاپسىرىس» زاڭ جوباسى پارلامەنتتىڭ قاراۋىنا ەنگىزىلدى.
2018 جىلدان باستاپ قورعانىس مينيسترلىگىنىڭ قورعانىستىق تاپسىرىس بيۋدجەتى قاوم-گە وتەدى. بۇل الەۋەتتى ورگانداردى وزىنە ءتان ەمەس فۋنكتسيالاردان بوساتادى جانە قورعانىس-ونەركاسىپ كەشەنى كاسىپورىننىڭ ىلگەرلەمەلى دامۋىن قامتاماسىز ەتەدى.
قورعانىس پەن قاۋىپسىزدىكتى قامتاماسىز ەتۋ ءۇشىن مەملەكەتتىڭ جاڭا تەحنولوگيالىق مۇمكىندىكتەرىن قۇرۋعا باعىتتالعان سالانىڭ تۇجىرىمدامالىق نەگىزدەرى جۇزەگە اسىرىلۋدا.
مينيسترلىكتىڭ باستى جۇمىس باعىتتارى قاتارىنا قازاقستاننىڭ قورعانىس پەن ۇلتتىق قاۋىپسىزدىك سالاسىنداعى ماسەلەلەردى شەشۋ ءۇشىن قارۋ-جاراقتىڭ جاڭا جانە پەرسپەكتيۆتى تۇرلەرىن, تەحنيكانى ءوندىرۋدىڭ جانە قىزمەتتەردى كورسەتۋدىڭ تولىق تسيكلىن باسقارۋ دا جاتادى.
«ەگەمەن-اقپارات»
