«داۋرەن اسكەربەك ۇلى (اقپارات جانە كوممۋنيكاتسيالار ءمينيسترى - اۆت.), تەلەديداردا, ورتالىق جانە وبلىستىق گازەتتەردە تسيفرلاندىرۋ بويىنشا ارنايى ايدارلاردى اشۋ قاجەت. تسيفرلاندىرۋدىڭ ناتيجەسى قانداي؟ نە ىستەدىك؟ قانداي جوبانى ىسكە اسىردىق؟ جالپى, تسيفرلاندىرۋ دەگەنىمىز نە؟ بىلايشا ايتقاندا, بىزگە جاپپاي وقىتۋ شارالارىن قولعا الۋ قاجەت پە؟», - دەدى ن.نازارباەۆ.
پرەزيدەنتتىڭ ايتۋىنشا, تسيفرلاندىرۋ ماسەلەسىن مەكتەپ قابىرعاسىنان باستاپ كەڭىنەن ءتۇسىندىرۋ كەرەك. سەبەبى قازىرگى جاستار بولاشاقتا وسى جۇمىسپەن تىعىز اينالىسادى. «بولاشاقتا ولاردىڭ بارلىعى وسى سالادا جۇمىس ىستەيدى. 2030 جىلدا مۇلدەم باسقا ەكونوميكا بولادى. سوعان دايىن بولۋىمىز قاجەت. قازىر ءبىلىم سالاسىن ىلعي سىنايدى. رەفورمالار كوپ دەيدى. بىراق باسقا امالىمىز جوق. بالالار وزدىگىمەن ويلاپ, شەشىم قابىلداۋعا ۇيرەنۋى كەرەك. ءبارىن جاتتاپ الىپ, ەمتيxان تاپسىرا سالۋ - ول كەشەگى زاماننىڭ تالابى. سوندىقتان قازىرگى تسيفرلاندىرۋدى كەڭىنەن ءتۇسىندىرۋىمىز ءارى ۇيرەتۋىمىز كەرەك», - دەپ اتاپ كورسەتتى پرەزيدەنت.
سونىمەن قاتار نۇرسۇلتان نازارباەۆ بلوكچەين تەحنولوگيالارىن قولدانا وتىرىپ, قوسىلعان قۇن سالىعىن جيناۋ اقپاراتتىق جۇيەسىنىڭ ماڭىزدىلىعىن اتاپ ءوتتى.
«استانا-1» وتە ماڭىزدى. جارتى ساعات ۋاقىتتى 5 مينۋتقا دەيىن قىسقارتۋ - بۇل ەدىۇ-دان (ەكونوميكالىق دامۋ جانە ىنتىماقتاستىق ۇيىمى - اۆت.) دا مىقتى كورسەتكىش. بلوكچەين تەحنولوگياسىن ناقتى وسى باعىتتا قولدانۋ كەرەك. باقىلاۋ ايقىن بولۋى ءتيىس. سالىقتىڭ جينالۋىن 15-تەن 25 پايىزعا جاقسارتۋ - بۇل قارجى مينيسترلىگى ءۇشىن وتە ماڭىزدى», - دەدى ەلباسى.
قارجى ءمينيسترى باقىت سۇلتانوۆتىڭ اتاپ وتۋىنشە, وسى جىلدىڭ تامىز ايىندا بلوكچەين تەحنولوگيالارىن قولدانا وتىرىپ, قوسىلعان قۇن سالىعىن جيناۋ باعىتىندا جاڭا اقپاراتتىق جۇيەنىڭ ءپروتوتيپىن تانىستىرۋ كوزدەلىپ وتىر. «بۇكىلالەمدىك بانكپەن بىرلەسىپ, تاۋارعا باقىلاۋ جاساۋ بويىنشا اقپاراتتىق جۇيە جاسالعالى جاتىر», - دەدى مينيستر. قارجى ءمينيسترىنىڭ كەلتىرگەن اقپاراتىنا سۇيەنسەك, وتكەن جىلى ءجىو-گە قاتىستى سالىق ءتۇسىمىنىڭ ازايۋ ترەندى توقتاتىلىپ, كورسەتكىش جاقسارا تۇسكەن.
سونداي-اق جيىن بارىسىندا نۇرسۇلتان نازارباەۆ پرەمەر-ءمينيستردىڭ ورىنباسارى ەربولات دوساەۆ پەن قارجى ءمينيسترى باقىت سۇلتانوۆقا اتالعان باعىتتاعى جۇمىستاردى باقىلاۋعا الۋدى جۇكتەدى.
«مەملەكەتتىك قارىزدى ءبىر دەڭگەيدە ۇستاۋ كەرەك. وسى باعىتتاعى جاعدايعا قاداعالاپ وتىرۋىڭ كەرەك. قارىزدى ۇلعايتپاي, كەرىسىنشە ونى كەمىتۋدىڭ قادامدارىن ۇكىمەتىڭ تابىسىمەن ورايلاستىرىپ وتىرۋ قاجەت. ءارتۇرلى جاعدايلار بولادى, سوندىقتان قاجەتتى مۇمكىندىكتەر بولۋى كەرەك. كەيىنگى كەزدە قۇرىلىسقا, جولدارعا ءبىراز كوبىرەك الىپ جىبەردىك», - دەدى پرەزيدەنت.
ەستەرىڭىزگە سالا كەتسەك, بۇگىن قازاقستان پرەزيدەنتى نۇرسۇلتان نازارباەۆتىڭ توراعالىمەن ەل ۇكىمەتىنىڭ كەڭەيتىلگەن ءماجىلىسى ءوتىپ جاتىر. وتىرىس بارىسىندا ۇكىمەت باسشىسىنىڭ, بىرقاتار مينيسترلەردىڭ, وبلىس اكىمدەرىنىڭ باياندامالارى تىڭدالدى.
