باعىت ايقىن, ماقسات ءبىر

وبلىس ورتالىعىندا «نۇر وتان» حدپ وبلىستىق فيليالى ساياسي كەڭەسىنىڭ كەڭەيتىلگەن وتىرىسى بولىپ ءوتتى. بۇل جيىلىسقا «قازاقستان حالىق بانكى» اق-تىڭ ديرەكتورلار كەڭەسىنىڭ توراعاسى الەكساندر پاۆلوۆ قاتىستى. ءماجىلىس دەپۋتاتتارىنىڭ كەزەكتەن تىس جانە ءماسليحاتتاردىڭ سايلاۋلارىن كوشباسشى پارتيا رەتىندە «نۇر وتان» دا بىردەن نازار اۋدارىپ, الداعى ناۋقانعا تو­لىق­تاي دايىن ەكەنىن ءمالىم ەتتى. ماقسات – «نۇر وتان» پارتيا­سى­نىڭ ءادىل جانە تازا جەڭىسىن قامتاماسىز ەتۋ. كەڭەيتىلگەن وتىرىستا ءسوز ال­عان وبلىس اكىمى, «نۇر وتان» حدپ وبلىستىق فيليالىنىڭ توراعاسى باقىتجان ساعىنتاەۆ پارلامەنت ءماجىلىسىنىڭ كەزەكتەن تىس جانە ءماسليحاتتار دەپۋتاتتارىنىڭ ساي­لاۋ­لارى ماڭىزدى ساياسي شارا ەكەنىن ايتا كەلىپ, ەلدەگى ەڭ ىقپالدى ساياسي كۇش – «نۇر وتان» حدپ-نىڭ سايلاۋالدى تۇعىرناماسىنا جان-جاقتى توقتالىپ ءوتتى. بۇل جوبا 9 باعىتتان تۇرادى. ال تۇعىرناماداعى باسىم باعىتتاردىڭ ءبىرى – يندۋستريالىق-يننوۆاتسيالىق دامۋ باعدارلا­ما­سىن­داعى ىسكە اسىرىلۋى قولعا الىنعان مىندەتتەر مەن تاپسىر­مالار بولىپ تابىلادى. قالالار­داعى تۇرعىن ءۇي-كوممۋنالدىق شارۋاشىلىق جۇيەسىندە اۋقىمدى ىستەر باستالدى. وبلىستىڭ اۋىل­دارىندا تۇرعىن ۇيلەر بوي كو­تە­رۋدە. تۇعىرنامانى تالقىلاۋعا قا­تىس­قان پارتيانىڭ جەرگىلىكتى في­ليالى توراعاسىنىڭ ورىنباسارى ايگۇل نۇركينا, پارتيا ساياسي كەڭەسىنىڭ مۇشەسى, رەكتور ەرلان ارىن جانە باسقالارى سايلاۋالدى تۇعىرناما تۋرالى ءوز ويلارىن ورتاعا سالىپ, ونى ەل دامۋىنا قىز­مەت ەتەتىن باعدارلامالىق ما­ڭىزعا يە قۇجات رەتىندە باعالادى. جيىندا 25 قاراشادا استانادا وتەتىن «نۇر وتان» حدپ-نىڭ كەزەكتەن تىس XIV سەزىنە ءوڭىردىڭ قوعامدىق-ساياسي ومىرىنە بەلسەنە قاتىسىپ جۇرگەن بىراقتار پارتيا مۇشەلەرى دەلەگات بولىپ سايلاندى. فاريدا بىقاي. پاۆلودار.