جاڭا...

...ءبىر  مىڭ  ءتۇپ  اعاش  ەگىلدى كۇزدە پەستروە كولىنىڭ جا­عاسىندا «سولتۇستىك جۇلدىزى» كەشەندى ساياباعى بوي كوتەرىپ, ەلباسى سالتاناتتى تۇردە اش­قان بولاتىن. سول  جولى 70-كە جۋىق شىرشا, تەرەك كوشەتتەرى ەگىلگەن ەدى. جۋىردا وبلىس اكىمى سەرىك ءبىلالوۆ باستاعان  قالا, اۋدان اكىمدەرى, قازاقستان حال­قى اسسامبلەياسىنىڭ مۇشەلەرى «جاسىل جەلەك – ۇلت دەنساۋ­لى­عى» اكتسياسى اياسىندا وسىندا جوكە اعاشتارىنىڭ كوشەتتەرىن وتىرعىزدى. تاۋەلسىزدىكتىڭ 20 جىلدى­عى­نا ارنالعان شارا باستالعالى  دەمالىس ساياباقتارىنا ءبىر مىڭ­نان اسا اعاش ەگىلىپ, جاسىل جەلەككە وراندى. ءومىر ەسقالي, پەتروپاۆل.   ...رەانيموبيل كولىكتەرى  تاپسىرىلدى جاقىندا شىعىس قازاقستان وبلىسىنىڭ اكىمى بەردىبەك ساپارباەۆ بىرقاتار قالالىق جانە اۋداندىق دەنساۋلىق ساقتاۋ ءبو­لىم­دەرىنىڭ باسشىلارىنا مەدي­تسي­نالىق جەدەل جاردەم كولىك­تە­رى­نىڭ كىلتتەرىن تاپسىردى. وب­لىس­تىڭ اۋماعى ۇلكەن, جولى ۇزاق, سوندىقتان كەيدە جول كو­لىك اپاتى بولىپ تۇرادى. مىنە, سونداي كەزدە اتالمىش كولىكتەر دەر كەزىندە جەتىپ, جاراقات العاندارعا كومەك كورسەتەدى. قۇنى 121 ميلليون تەڭگە تۇراتىن 9 رەانيموبيل كولى­گىن­دە قاجەت­تى قۇرال-جابدىق­تار­دىڭ, ءدارى-ءدار­مەك, باسقا دا قا­جەتتى زاتتار­دىڭ ءبارى بار. ءوڭىر باسشىسى اياگوز, زايسان, زىريان اۋدان­دا­رىندا دياگنوستيكالىق ورتا­لىق­تىڭ اشىلاتىنىن ايتا كەلىپ, كولىكتەردىڭ الداعى ۋاقىتتا دا بارلىق اۋداندارعا بەرىلەتىنىن ايتتى. وڭداسىن ەلۋباي, شىعىس قازاقستان وبلىسى.   ...كارتوپ  قويماسى ازىق-ت ۇلىك قاۋىپسىزدىگىن قام­تاماسىز ەتۋ ماقساتىنداعى جۇ­مىستار جالعاسىپ كەلەدى. وسى ماق­ساتتا «بيزنەستىڭ جول كار­تاسى-2020» باعدارلاماسىنىڭ ءبىرىنشى باعىتىمەن اۋىل شا­رۋاشىلىعى سالاسىنداعى تىڭ ۇمتىلىس ناتيجەسىندە ايماق­تار­داعى تاۋار وندىرۋشىلەردىڭ جۇمىسىن جەڭىلدەتەتىن باستامالار كوپتەپ كەزدەسەتىنى جايلى ايتقان ابزال. قاپشاعاي قالالىق اۋماعىن­دا­عى شەڭگەلدى ەلدى مەكەنىندە سىيىمدىلىعى 3 مىڭ توننا بو­لاتىن كارتوپ ساقتايتىن قويما پايدالانۋعا بەرىلدى. اتالعان جوبانىڭ تياناعىن كەلتىرگەن «جەتىسۋاگرو» سەرىكتەستىگى وب­لىس­تاعى كارتوپ پەن كوكونىسكە قاتىستى كۇردەلى جاعدايدىڭ كۇرمەۋىن تارقاتۋدى العا قوي­عان. وسىلايشا بانكتەن 28 ملن. تەڭگە نەسيە الىپ, قويماعا قا­جەتتى قۇرال-جابدىقتاردى گوللانديادان اكەلگەن. مەملەكەتتىڭ قولداۋىمەن سا­لىنعان قويمادا ساقتالعان ءونىم قالا تۇرعىندارىنىڭ ازىق-ءتۇ­لىككە دەگەن سۇرانىسىن قاناعات­تاندىراتىن بولادى. نەسيەنى وتەۋدە دە جەڭىلدىك بار. كۇمىسجان بايجان, الماتى وبلىسى.