تاۋەلسىزدىكپەن تۇستاس كاسىپورىن

«كوكشەتاۋمينەرالدىسۋلارى» اق بيىل ءوزىنىڭ 20 جىلدىعىن اتاپ وتۋدە. قازاقستان تاۋەلسىزدىگىنىڭ ءتول قۇرداسى ءارى سولتۇستىك وڭىردەگى سۋسىن يندۋس­تريا­سى­نىڭ قارلىعاشى سانالاتىن زا­مانالىق كاسىپورىن قازىرگى تاڭدا كوك­شەتاۋ قالاسى بويىنشا سالىق ءتۇسى­مىنىڭ 40 پايىزىن, رەسپۋبليكامىز­داعى الكوگولدى ءوندىرىس سالىعىنىڭ 35 پايىزىن قامتاماسىز ەتۋدە. الەۋمەت­تىك باعدار ۇستاناتىن سەرىكتەستىك 1000 ادامعا تۇراقتى ناپاقا كوزىن اشۋمەن قاتار, قۋاتتى دا سالاماتتى قوعام ور­ناتۋ, ادامداردىڭ ءومىر cاپاسىن جاق­سارتۋ مىندەتىن ابىرويلى پارىز سانايدى. تاۋەلسىزدىككە قول جەتكىزگەن قازاق­ستان ءۇشىن توقسانىنشى جىلدار كۇت­پەگەن قيىندىقتاردى الا كەلگەنىمەن, بارشامىز ءۇشىن قىمباتتى دا قاستەرلى كەزەڭ ەدى. بيىك ماقساتتاعى قوعام «ءوز ارباسىن» ءوزى سۇرەي باستادى. العا ۇم­تىل­عانداردىڭ العى ساپىنان پوليتەح­نيكالىق ينستيتۋتتى جاڭا عانا بىتىرگەن اسقار اليەۆ پەن ونىڭ التى گەولوگ جولداستارى كورىنگەندە كوڭىل جىلىعان. مينەرالدى سۋدى «قىرىم مەن قىتايدان» تاسىپ ىشەتىن كوكشە­لىكتەر قولدا باردىڭ قادىرىن ەندى بىلگەندەي. ايگىلى بۋرابايدان, زەرەندىدەن تۇنبا بۇلاقتاردىڭ كوزى اشىلىپ, «تۇران», «قۇلاگەر اراسان» سۋسىنى, «اششى سۋدان» «حاوما» شىعا باستادى. اتىن كورمەيسىز بە؟! زاتى دا سولاي. زاماناۋي تەحنولوگيانى قولدانۋ, ساپانى باقىلاۋ جانە مەنەدجمەنت پەن ءوندىرىس قاۋىپسىزدىگىنىڭ وزىق جۇيەسىن قالىپتاستىرۋ تيىمدىلىكتى ارتتىردى. تالاي بايگەنىڭ تورىنەن تابىلعان كا­سىپورىن 100 اتاۋلى ءونىم شىعارسا, جەڭىپ العان التىن مەدالدارىنىڭ ءوزى 75 بولىپ وتىر. ال ونىڭ باسشىسى اسقار قازىنابي ۇلى «ونجىلدىقتىڭ ۇزدىك كاسىپكەرى» اتانىپ, ومىرۋىنا «قۇرمەت» وردەنىن تاقتى. «كوكشەتاۋ­مي­نەرالدىسۋلارىنىڭ» بۇگىندەرى سول­تۇستىك جانە ورتالىق قازاقستاندا 10 فيليالدىق, وڭتۇستىك جانە باتىس قازاقستاندا 9 دەستريبيۋتەرلىك جەلىسى قۇرىلسا, رەسەي فەدەراتسياسىندا ساۋدا وكىلدىگى جۇمىس ىستەيدى. استانا قا­لاسىنىڭ 77 مەكتەبى مەن 36 بالاباق­شاسىن قامتيتىن «بالالارعا شاتتىق سىيلار بيوگەندى سۋ» قاناتقاقتى جو­باسى 2009 جىلدان بەرى جۇزەگە اسى­رىلۋدا. بىلتىر ۇدەمەلى يندۋس­تريا­لىق-يننوۆاتسيالىق دامۋ باعدارلا­ماسى شەڭبەرىندە گەرمانيانىڭ Krones الكوگولسىز سۋسىندار جەلىسى ىسكە قو­سىلدى. نەبارى 10 ايدا پايدالانۋعا بەرىلگەن جاڭا جەلىنىڭ ونىمدىلىگى ساعا­تىنا 12000 قۇتىعا تەڭ. قازىر كوش­باسشى فيرما 61 سۋسىندار مەن 43 الكوگولدى ونىمدەر برەندىن ۇسىنا الا­دى. بيىلعى 1 قازانعا دەيىن مۇندا 9446099278 تەڭگەنىڭ ءونىمى ساتىلسا, بيۋدجەتكە 2902945011 تەڭگەنىڭ سالى­عى اۋدارىلدى. ديرەكتورلار كەڭەسىنىڭ توراعاسى اسقار اليەۆ پەن پرەزيدەنتى الەكساندر سامويلوۆ باسقاراتىن كاسىپ­ورىندى كوكشەلىكتەر «قولايلىلىق ارالى» دەپ تە اتايدى. قالاداعى ءاربىر وتىزىنشى وتباسىنىڭ مۇشەسى ەڭبەك ەتەتىن ىنتىماقتى ۇجىمداعى الەۋ­مەتتىك كومەك اتاۋلارىنىڭ ءوزى جيىر­ماعا جەتىپ وتىر. ال جۇمىسشىلاردىڭ ايلىق جالاقىسى 99626 تەڭگەدەن اينالۋدا. ەلباسى ن.نازارباەۆ 2011 جىلى كاسىپورىننىڭ 10 جىلدىق تويىنا قاتىسقان كەزىندە قۇرمەتتى قوناقتار كىتابىنا: «ەڭبەكتەرىڭ تابىستى بولسىن!» دەگەن جىلى سوزدەرىن جازعان ەدى. تابىس ەسەلەنە تۇسۋدە. باقبەرگەن امالبەك.