«اۆتوۆاز» التايعا بەت بۇردى

وسكەمەنگە «اۆتوۆاز» اشىق اكتسيونەرلىك قوعامى­نىڭ پرەزيدەنتى يگور كوماروۆ باستاعان دەلەگاتسيا كەلدى. رەسەيلىك قۋاتتى كو­لىك كاسىپورنى باسشىسىنىڭ شىعىسقا كەلۋدەگى ماقساتى – اۆتوموبيل شىعارۋ جانە ساتۋ بويىن­شا «اۆتوۆاز» ااق, «ازيا اۆتو» اق پەن «ەرتىس» كورپوراتسياسى ارا­سىن­داعى ستراتەگيالىق سەرىكتەستىك مەمو­راندۋمىنا قول قويۋ. ۇشجاقتى كەزدەسۋ اي­ماق باسشىسى بەردىبەك سا­پار­باەۆتىڭ قاتىسۋىمەن ءوتتى. باسقوسۋ بارىسىندا وب­لىس اكىمى قوناقتار مەن رەس­مي سەرىكتەستەرگە وڭىردە جۇزەگە اسىرىلىپ جاتقان بيزنەس پەن ءوندىرىستى دامى­تۋ­دىڭ مەملەكەتتىك باعدار­لامالارى جونىندە, سونى­مەن قاتار «ەرتىس» الەۋمەت­تىك-كاسىپكەرلىك كور­پوراتسيا­سى تۋرالى بايانداپ, ۇكىمەت­تىڭ اۆتوموبيل ءوندىرۋ سالا­سىن دامىتۋعا مۇددەلى ەكەنىن اتاپ ءوتتى. ءبىز قازاقستانمەن جانە سە­رىكتەسىمىز «ازيا اۆتو» زاۋى­تىمەن سەنىمدى قارىم-قاتى­ناستار قالىپتاس­تىر­دىق, سون­دىقتان وسكەمەندە جاڭا ءون­دىرىس ورنىن قۇرۋعا مول ءمۇم­كىندىكتەر بارىن باعام­داپ وتىرمىز. مۇندا جىل سايىن كولىك ساتۋ كولەمى كوبەيىپ كەلەدى. قازاقستان رىنوگىنىڭ كەلەشەگى كەمەل ەكەنىنە ءبىز ايقىن كوز جەتكىزدىك. ەلدە جان باسىنا شاق­قانداعى اۆتوكولىك سانى ءالى دە ارتا تۇسپەك, ال اۆتوموبيل رىنوگىن جاڭالاپ وتىرۋ زاماناۋي ماشينالار شىعارۋدى قاجەت ەتەدى. تو­لىق تسيكلدى ءوندىرىس تەك ساتىلىم مەن ىشكى جالپى ءونىمدى وسىرۋگە عانا ەمەس, سونداي-اق, جاڭا جۇمىس ورىن­­دارىن اشۋعا دا ءمۇم­كىندىك بەرمەك. اۆتوموبيل ونەر­كاسىبى مەتاللۋرگيا مەن مۇ­ناي حيمياسىنان باستاپ, ەلەكترونيكا مەن جوعارى تەح­نولوگيالارعا دەيىنگى ءتۇر­لى سالالاردى دامىتا وتى­رىپ, عىلىمدى دا وركەندەتە الادى. ءبىزدىڭ بىرلەسكەن جو­بامىز قولداۋعا يە بولىپ, زور تابىس اكەلۋى ءتيىس,  دەدى ءوز كەزەگىندە يگور كوماروۆ. مەموراندۋمعا قول قويۋ الدىندا اۆتوكونتسەرن باس­شىسى بولاشاق كاسىپورىن­نىڭ اۋماعىن كورىپ قايتتى. بۇل الاڭدى وبلىس اكىمدىگى ۇكىمەت پەن «ازيا اۆتو» اكتسيونەرلىك قوعامى اراسىندا قول قويىلعان ەلىمىزدە ەڭ ءىرى اۆتوونەركاسىپ كلاستەرىن قۇرۋ تۋرالى كەلىسىمنىڭ ايا­سىندا بولگەن. اتالمىش اۋماقتا جىلىنا 120 مىڭ كولىك شىعاراتىن قۋاتى بار ءوندىرىس كەشەنى سالىنادى, مۇندا دانەكەرلەۋ, اۆتوموبيل شاناعىن سىرلاۋ جانە قوسالقى بولشەكتەر جاساۋ تسەحتارى بولادى. «اۆتوۆاز» پرەزيدەنتى دايىندىق جۇمىستارىنىڭ بارىسىمەن ءجىتى تانىسىپ, زاۋىت اۋماعىنىڭ وتە ءساتتى ورنالاسقانىنا ءمان بەردى, سونىمەن قاتار ول, «ازيا اۆتو» پرەزيدەنتى ەرجان ءمان­ديەۆپەن جانە «بيپەك اۆتو» كومپانيالار توبى ديرەكتورلار كەڭەسىنىڭ ءتور­اعاسى اناتولي بالۋشكينمەن بىرلەسكەن جۇمىستاردى اتقارۋ ماسەلەسىن كەڭىنەن تالقىلادى. رىنوكتاعى سۇرانىستىڭ ءوسۋ قارقىنىن ەسەپكە الا وتىرىپ ءوندىرىستىڭ ءبىرىنشى كەزەڭىن (جىلىنا 90 مىڭ اۆتوكولىك) 2015 جىلى, ەكىن­شى كەزەڭىن (قوسىمشا جى­لىنا 30 مىڭ اۆتوكولىك) 2017 جىلى ىسكە قوسۋ جوسپارلانۋدا. بولاشاق كاسىپ­ورىننىڭ ءونىمى نەگىزىنەن رەسەيدىڭ ءسىبىرى مەن قيىر شىعىسىنا جانە ورتالىق ازيا, كاۆكاز ەلدەرىنە ءوت­كىزىلمەك. كەلەر جىل جاڭا ءوندىرىس ورنىن جوبالاۋ جۇمىستارى جالعاسادى. وسكەمەندە ەڭ كوپ تاراعان جانە تانىمال مودەلدەر جاسالماق. اتاپ وتەرلىگى, «لادا» اۆتوكولىك­تە­رىنىڭ باعاسى بۇرىنعى­سىن­شا قولجەتىمدى بولىپ قالا بەرەدى, ال ساپاسى جاڭا دەڭگەيگە كوتەرىلۋى ءتيىس. ءوزى­نىڭ تولىق قۋاتىنا جەتكەندە بۇل جوبا ەلىمىزدىڭ ماشينا جاساۋ سالاسىنداعى ەڭ ءىرى جوباعا اينالادى. ول ىشكى جالپى ءونىمدى شامامەن 1,5 ميلليارد دوللارعا ءوسىرىپ, جىل سايىن مەملەكەت قازىناسىنا سالىق رەتىندە 87 ميلليون دوللار قارجى قۇيىپ وتىرادى. ۇشجاقتى كەلىسىمگە «ەرتىس» كورپوراتسياسىنىڭ قا­تى­سۋى جونىندە ايتار بول­ساق, كورپوراتسيا توراعاسى­نىڭ ءبىرىنشى ورىنباسارى ۆە­را سۋحورۋكوۆانىڭ ايتۋىن­شا, بىردەن-ءبىر اكتسيونەر – وبلىستىق اكىمدىكتىڭ شەشىمىنە ساي ولار ءبىرىنشى كەزەكتە جارعىلىق كاپيتالعا ۇلەس قوسادى, ودان ءارى بارلىق مەملەكەتتىك قولداۋ شارا­لارى «ەرتىس» ارقىلى ىسكە اسىرىلادى. «اۆتوۆاز» پرەزيدەنتى استانادا بولىپ, پرەمەر-مينيستر كارىم ءما­سىموۆ­پەن, يندۋستريا ءجا­نە جاڭا تەحنولوگيالار ءمينيسترى اسەت يسەكەشەۆپەن كەزدەستى, وعان شقو اكىمى دە قا­تىستى. كەزدەسۋلەر كەزىندە تاراپتار كاسىپورىن ءونىمىن كورشى­لەس ەلدەرگە شىعارۋ, «اۆتوۆاز» بەن «ازيا اۆتو» كاسىپورىندارىنىڭ بىرلەسكەن جوباسىنا مەملەكەتتىك قولداۋ كورسەتۋ ءما­سەلە­لەرىن تالقىعا سالدى. ين­ۆەس­تيتسيانىڭ جالپى كولەمى 514 ميلليون اقش دوللا­رىن قۇرايدى. جاڭا زاۋىت ءوزىنىڭ جوبالىق قۋا­تىنا جەتكەندە ون ەكى مىڭ جۇمىس ورنى قۇرى­لىپ, جى­­­­لىنا ەكس­پورت­قا   1 ميل­ليارد­­­­­­تان استام دول­لاردىڭ ءونى­مىن شىعارادى. وڭداسىن ەلۋباي, وسكەمەن.