ات سپورتى • 22 قاڭتار، 2018

جىلقى ۇيىرمەسىن اشتى

362 رەت كورسەتىلدى

بۇگىندە جولامان ەسەتوۆ­پەن قازتالوۆتىقتار «كۇندە جۇزدەسەدى». نەگە دەيسىزدەر عوي؟ اۋدانىمىزدىڭ اۋىلدارىن­­داعى كوشەلەردە ءىلىنىپ تۇرعان بارلىق باننەرلەر ونىڭ قولى­نان شىققان.

سونىمەن قاتار ءتۇرلى بۋكلەتتەر دە جولاماننىڭ قولىمەن جاسالىپ جاتىر. وسىلاردى ەسكەرسەك، زامانداسىمىزبەن اۋدان تۇرعىندارى كۇندە جۇزدەسىپ تۇرعان جوق پا؟! ويتكەنى ول – اۋدانىمىزدا­عى ەڭ العاشقى پوليگرافيا كاسىبى­مەن اينالىسىپ وتىرعان بىر­دەن-ءبىر جاس كاسىپكەر. وسىنداي ەڭبەگىنىڭ ناتيجەسىندە وسىدان 2 جىل بۇرىن وبلىستىق «ۇزدىك جاس كاسىپكەر» اتالىمىنىڭ جەڭىمپازى اتاندى. 

ەندى جولامان تاعى ءبىر قى­رىنان كورىنۋدە. جاستايىنان جىلقى مالىن قادىر تۇتقان ول سايگ ۇلىك باپتاپ، بايگە اتتارىن جاراتادى. جولاماننىڭ جۇيرىكتەرى الامان بايگەلەردە توپ جارىپ تا ءجۇر. وسىنداي كاسىبىن ءوزى عانا ءبىلىپ قويماي، جاسوسپىرىمدەرگە ۇيرەتۋدى قولعا الدى. باپتاۋىنداعى 7 سايگ ۇلىكپەن (اعىلشىن، قولتۋما تۇقىمدار) مەكتەپ وقۋشىلارىنا ۇيرەتۋ ءۇشىن تەگىن ۇيىرمە اشتى. جىلقى دەسە قاندارى قوزاتىن قازاقتىڭ بالالارى ەمەس پە؟ ۇيىرمەگە ءۇيىرىلىپ قارادومالاقتار كوپتەپ كەلە باستادى. ولاردىڭ ىشىندە ءتىپتى قىز بالا دا بار. بۇگىندە سول بالالار بوس ۋاقىتتارىندا جولاماننىڭ قاسىنان تابىلۋدا. ولار اتقا ءمىنىپ ۇيرەنۋمەن قاتار بايگەگە شابۋ، تەڭگە الۋ، قىز قۋ، جامبى اتۋ سىندى ۇلتتىق ويىن­داردى دا ۇيرەنۋدە. جولامان ولارعا جىلقى تاريحى تۋرالى ءدارىس تە وقىپ ءجۇر. 

ءبىز بارعاندا قارادومالاقتار اتقا ءمىنىپ، ءماز بولىپ ءجۇر ەكەن. ولاردى اڭگىمەگە تارتىپ ەدىك. «اتقا مىنسەك بايگەگە شاپقىمىز كەلەدى» دەدى. مىنە، ولاردىڭ بو­يىندا ۇلتتىق رۋح ويانىپ كەلەدى. وسىندايدا «قازاق تاريحىن ايتساق جىلقى تاريحىن ايتامىز، جىلقى تاريحىن ايتساق قازاق تاريحىن ايتامىز» دەگەن دانالىق ءسوز ويعا ورالادى. 

– الداعى ۋاقىتتا تاي جارىس ۇيىمداستىرامىن. سونىمەن قاتار ءتۇرلى ۇلتتىق ات سپورتى ويىن­دارىن دا وتكىزۋ جوسپارىمدا بار، – دەدى جولامان. 
مىنە، وسىنداي ۇلتتىق قادىر-قاسيەتىمىزدى ۇلىقتايتىن، ونى جاسوسپىرىمدەرگە ۇيرەتىپ جۇرگەن ءىسىن بايقاعان، اركەز جاڭاشىل­دىق باستامالارعا قولداۋ كورسە­تەتىن اۋدان اكىمى ابات اباي ۇلى جولا­مانعا جاڭادان قۇرىلىپ جات­قان «ايبىن» سپورت كلۋبى ارقىلى ۇيىرمە اشۋعا قولداۋ كورسەتەتىنىن بىلدىرگەن. 

سوندىقتان الداعى ۋاقىتتا اۋدانىمىزدا قاسيەتتى جا­نۋار جىلقى مالىن دارىپتەيتىن «جولامان مەكتەبى» قالىپتاسسا دەگەن تىلەك بار. 

ءمولدىر انۋاربەكقىزى
باتىس قازاقستان وبلىسى،
قازتالوۆ اۋدانى
 

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار