دارمەنسىز بورىشكەرلەردى بانكروتتاۋ

«بانكروتتىق تۋرالى» قازاقستان رەسپۋبلي­كاسى زاڭىنىڭ 1-بابىنىڭ 6-تارماعىنا سايكەس بانكروتتىق – دارمەنسىز بورىشكەردى سوت شەشىمىمەن تاراتۋ ءۇشىن نەگىز بولىپ تابىلادى. ياعني, قاراپايىم تىلمەن ايتقاندا, ۇيىم بانكروت بولادى, ەگەر ونىڭ مۇلكى مەن اقشالاي قاراجاتى ۇيىمنىڭ بارلىق قارىزدارىن تو­لىقتاي تولەۋگە جەتپەگەن جاعدايدا. بۇل جاع­دايدا, ۇيىمنىڭ بارلىق مۇلكى ساتىلادى جانە بورىشتارى جەكەلەي وتەلەدى, ال ۇيىمنىڭ ءوزى تاراتىلادى. بان­­كروتتاۋدىڭ ءىس-جوسىعى ۇيىم كرەديتورلارىنىڭ تالاپتارىن قاناعاتاندىرۋ بولىپ تابىلادى. ۇيىم بانكروتتىعىنىڭ بەلگىسى مىنا فاكت بولىپ تابىلادى, ەگەر دە ۇيىم كەمىندە 300 ايلىق ەسەپتىك كورسەتكىشتىڭ مولشەرىندە اقشا­لاي قارىزدى ونى تولەۋ مەرزىمىنىڭ ساتىنەن باستاپ تولەمەگەن جاعدايدا. كونكۋرستىق ءوندىرىس بورىشكەردىڭ تولەم قا­بىلەتتىلىگىن قالىپقا كەلتىرۋ مۇمكىن بولماعان جاعدايدا سوت شەشىمى نەگىزىندە ەنگىزىلەدى. كون­كۋرستىق ءوندىرىستى ەنگىزۋ ۇيىمنىڭ بانكروت بولۋىن بىلدىرەدى. كونكۋرستىق ءوندىرىس ەنگىزۋ بويىنشا بورىشكەردىڭ باسشىسى باسشىلىق جا­ساۋدان شەتتەتىلەدى جانە ونىڭ بارلىق وكى­لەتتىگى كونكۋرستىق باسقارۋشىعا وتەدى. كون­كۋرستىق باسقا­رۋشىنىڭ نەگىزگى ماقساتى كرەديتورلارمەن ەسەپ-ايىرىسۋ ءۇشىن بورىشكەردىڭ بارلىق مۇلكىن ساتۋ بولىپ تابىلادى. كون­­­كۋرس­تىق ءوندىرىستىڭ اياقتالۋى بويىنشا بو­رىشكەر تاراتىلادى. بانكروتتاۋ ءىس-جوسىعى تەك ۇيىمعا عانا ەمەس, سونداي-اق جەكە كاسىپكەر بولىپ تابى­لا­تىن ازاماتارعا دا قاتىستى قولدانىلۋى مۇمكىن. شولپان جۇماباەۆا, قارجى مينيسترلىگى دارمەنسىز بورىشكەرلەرمەن جۇمىس ىستەۋ كوميتەتىنىڭ «توبىل» وڭىرارالىق دەپارتامەنتى بانكروتتىق راسىمدەردى باقىلاۋ ءبولىمىنىڭ باستىعى.