ءوزارا ىقپالداستىققا جاڭاشا سەرپىن

كەشە پارلامەنت سەناتىنىڭ توراعاسى قايرات ءمامي يراننىڭ قازاقستانداعى توتەنشە جانە وكىلەتتى ەلشىسى گوربان سەيفيدى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى. كەزدەسۋ بارىسىندا قا­زاق­ستان مەن يراننىڭ ەكى­جاق­تى قارىم-قاتىناستارىن ودان ءارى دامىتۋ ماسەلەلەرى تالقىلاندى. «قازاقستان يران­­مەن دوستىق جانە ءوزارا ءتيىمدى بايلانىستاردى دا­مى­تۋعا ەرەكشە ماڭىز بەرەدى», – دەدى ق.ءمامي. ءتور­اعانىڭ اي­تۋىن­شا, ەكى مەم­لەكەتتىڭ باس­شى­لا­رى ەكونو­ميكالىق جانە ساياسي سالا­لار­داعى ءوزارا ءتيىمدى ەكى­جاقتى ىنتىماقتاستىقتى ودان ءارى ىلگەرىلەتۋگە باسا نازار اۋدارىپ كەلەدى. يران يسلام رەسپۋب­لي­كا­سى پارلامەنتىنىڭ توراعاسى الي ءلاريدجانيدىڭ بىلتىر­عى جىلعى قازاقستانعا رەسمي ساپارى قورىتىن­دى­لا­رىن جو­­عارى باعالاي كەلىپ, ق.ءمامي «پارلامەنتارالىق باي­لا­نىس­­تار تۇتاستاي تا­بىس­تى دامىپ كەلەدى, سونى­مەن بىرگە ونى تەرەڭدەتۋدىڭ ءمۇم­كىندىگى زور», – دەپ اتاپ ءوتتى. گ.سەيفي قازاقستاندىق تا­راپتى ەلىمىز تاۋەلسىز­دىگى­نىڭ الداعى 20 جىلدىعىمەن قۇت­تىقتادى جانە ير پار­لامەنتىنىڭ توراعاسى الي ءلاريدجانيدىڭ يرانعا رەسمي ساپارمەن كەلۋگە شاقى­رۋىن ق.ماميگە جەتكىزدى. «ءسىزدىڭ ير-عا ساپارىڭىز پارلامەنتارالىق ءوزارا ءىس-قيمىلعا جاڭا سەرپىن بەرەتىن بولادى», – دەدى ەلشى ءسوزىنىڭ قورىتىندىسىندا.