جەمقورلىققا جول بەرمەيىك

استانادا ءبىلىم جانە عىلىم مينيسترلىگىنىڭ كەڭەيتىلگەن القا ءماجىلىسى بولىپ, وندا ءبىلىم بەرۋ جۇيەسىندەگى سىبايلاس جەمقور­لىق­قا قارسى زاڭنامانى ساقتاۋ جانە سىبايلاس جەمقورلىق سيپا­تىن­داعى قۇقىق بۇزۋشىلىقتىڭ الدىن الۋ, 2011 جىلعى ۇبت-نىڭ قورىتىندىسى, ەلەكتروندىق كى­تاپ­حانالاردىڭ قىزمەتى جانە ولاردى دامىتۋدىڭ پەرسپەكتيۆالىق با­عىت­تارى تالقىلاندى. القا وتىرىسىنا قازاقستان رەس­پۋبليكاسى پرەزيدەنتى اكىم­شى­لىگى باسشىسىنىڭ ورىنباسارى باعلان مايلىباەۆ, پارلامەنت دە­پۋتاتتارى, وبلىستاردىڭ, استانا جانە الماتى قالالارى اكىم­دەرىنىڭ ورىنباسارلارى, جوعارى وقۋ ورىندارىنىڭ, كاسىپتىك كوللەدجدەر مەن ليتسەيلەردىڭ باس­شى­لارى قاتىستى. ءبىلىم جانە عىلىم ءمينيسترى با­قىتجان جۇماعۇلوۆتىڭ باس­شى­لىعىمەن وتكەن باسقوسۋدا مي­نيس­ترلىكتىڭ جاۋاپتى حاتشىسى بولاتبەك ءابدىراسىلوۆتىڭ «قازاقستان رەس­پۋبليكاسىنىڭ ءبىلىم بەرۋ ءجۇ­يە­سىندە سىبايلاس جەمقورلىققا قار­سى زاڭنامانى ساقتاۋ جانە سى­بايلاس جەمقورلىق سيپاتىنداعى قۇقىق بۇزۋشىلىقتىڭ الدىن الۋ جونىندەگى شارالار تۋرالى» بايان­دا­ماسى تىڭدالىپ, وقۋ ورىندا­رىندا ورىن الىپ وتىرعان جەم­قور­لىق پەن كوررۋپتسيانىڭ الدىن الۋ ماسەلەلەرى جان-جاقتى ءسوز بولدى. سونداي-اق باسقوسۋ اياسىندا ءوت­­­كەن سەكتسيالاردا عىلىم جانە عىلىمي-تەحنيكالىق قىزمەتتەر سا­لاسىنداعى نورماتيۆتىك-قۇ­قىق­تىق بازانى جەتىلدىرۋ, ەلباسىنىڭ قازاقستان حالقىنا جولداۋىنىڭ نەگىزگى ەرەجەلەرىن ىسكە اسىرۋ ايا­سىنداعى ورتا جانە كاسىپتىك ءبىلىم بەرۋ جۇيەسىنىڭ, جوعارى ءبىلىم بەرۋدى جانە جاستار ساياساتىن دامى­تۋ­­دىڭ وزەكتى ماسەلەلەرى تالقى­لا­ن­­دى. بەرىك سادىر.