– بالاباقشادا تاجىريبەلى ماماندارمەن قاتار جاستار دا جۇمىس ىستەيدى. ارنايى پسيحولوگ كابينەتى قاراستىرىلعان. بالالار قازاق, ورىس, اعىلشىن تىلدەرىن مەڭگەرەدى, – دەيدى بالاباقشا مەڭگەرۋشىسى گاۋھار تولەگەنوۆا.
اتىراۋ قالاسىنىڭ اۋماعى جىل ساناپ ۇلعايىپ كەلەدى. بيىلدان باستاپ بالىقشى جانە جۇمىسكەر اۋىلدىق وكرۋگتەرى اتىراۋ قالاسىنىڭ قۇرامىنا كىرەدى. ەلباسىنىڭ وبلىس ورتالىقتارىنان بەس شاقىرىم قاشىقتىقتا ورنالاسقان اۋىل جانە اۋىلدىق وكرۋگتەردى وڭتايلاندىرۋعا باعىتتالعان تاپسىرمالارىن ورىنداۋ بارىسىندا اتالعان اۋىلدىق وكرۋگتەردە تۇراتىن 30,5 مىڭ ادام ەندى قالا تۇرعىنى بولىپ ەسەپتەلەدى. بۇل سايكەسىنشە الەۋمەتتىك نىسانداردىڭ قاتارىن كوبەيتۋ قاجەتتىلىگىن دە تۋدىرارى ءسوزسىز. قالالىق ءبىلىم بەرۋ ءبولىمىنىڭ مالىمەتىنشە, قازىر بالاباقشا كەزەگىندە 7 800 بالا تۇر. وتكەن جىلى وبلىس ورتالىعىندا ءۇش بالاباقشا پايدالانۋعا بەرىلدى. مەملەكەت-جەكەمەنشىك ارىپتەستىگى اياسىندا 20 بالاباقشا قۇرىلىسىنا جوبالاۋ-سمەتالىق قۇجات دايىندالىپ جاتىر. دەمەك, مەكتەپكە دەيىنگى مەكەمەلەردىڭ جەتىسپەۋشىلىگى ماسەلەسى تولىعىمەن شەشىلەتىن كۇن دە الىس ەمەس.
باقىتگۇل باباش,
«ەگەمەن قازاقستان»
اتىراۋ
