ماڭىزدىسى سول, كەن ورنىنىڭ باسشىلىعى بيزنەستىڭ الەۋمەتتىك جاۋاپكەرشىلىگى اياسىندا اۋداننىڭ قوعامدىق-ساياسي, مادەني ومىرىنە بەلسەنە ارالاسىپ, ءوز ۇلەستەرىن قوسۋعا نيەتتى. وسى ماقساتتا جاقىندا اۋدان اكىمى جارقىنبەك بايسابىروۆ پەن «باست» اق پرەزيدەنتى ۆ.يپاتوۆ كەزدەسىپ, ەكىجاقتى ىنتىماقتاستىق كەلىسىمىنە قول قويدى. الداعى ۋاقىتتا اباي كوللەدجىن دانەكەرلەۋشى, قۇرىلىس مامانى, سلەسار, تراكتوريست-ماشينيست, اسپاز ماماندىقتارى بويىنشا تامامداعان ستۋدەنتتەر اتالمىش كەن ورنىنان ءىس-تاجىريبەدەن ءوتىپ, جۇمىسپەن قامتاماسىز ەتىلەتىن بولادى. سونىمەن قاتار ءوندىرىس ورنىنىڭ فيليالى اباي اۋدانىنا تىركەۋگە تۇرىپ, زاڭ اياسىندا سالىق تۇسىمدەرىن تولىق اۋدارىپ وتىرۋعا مىندەتتەلدى.
«بۇل مەموراندۋم اباي اۋدانىنىڭ تۇرعىندارىن جانە جەرگىلىكتى كاسىپتىك ءبىلىم بەرەتىن اباي كوللەدجىنىڭ تۇلەكتەرىن جۇمىسپەن قامتۋعا زور مۇمكىندىك تۋدىرىپ وتىر. اۋدان بيۋدجەتىن قۇرايتىن سالىق تۇسىمدەرى دە ارتىپ, الداعى ۋاقىتتا «باست» اق «تۋعان جەر» باعدارلاماسى اياسىندا دەمەۋشىلىك جاساپ, قول ۇشىن سوزۋعا ىنتالى ەكەندىگىن ايتتى», دەيدى اۋدان اكىمى ج.بايسابىروۆ.
ازامات قاسىم,
«ەگەمەن قازاقستان»
شىعىس قازاقستان وبلىسى,
اباي اۋدانى
