...ۇسىنىس ايتادى
زەينەتكەرلەرگە كومەك كورسەتىلسە
مەن الماتى وبلىسىندا 50 جىلعا جۋىق قىزمەت اتقاردىم. جاسىم 84-كە كەلدى, 15 جىل 3 اۋداندا پارتيا كوميتەتىنىڭ ءبىرىنشى, ەكىنشى حاتشىسى قىزمەتتەرىن اتقاردىم. كۇرتى جانە جامبىل اۋداندارىندا استىق جيناپ, مەملەكەتكە وتكىزدىك. سول كەزدە جاڭادان قۇرىلعان كۇرتى اۋدانىندا بۇرىن ارپا, بيداي ەگىپ كورمەگەن كەڭشارلار مەن ۇجىمشارلاردى جاڭا اگروتەحنيكالىق ادىستەرگە جۇمىلدىرا وتىرىپ, ءشولدى-قۇمداۋىت جەردەن وتان قويماسىنا 1974 جىلى 2 ميلليون توننا, جامبىل اۋدانىنا اۋىسقانىمدا 1978 جىلى 10 ميلليون توننا استىق وتكىزگەنىمىز ەسىمدە. كسرو ونەرتاپقىشى اتانىپ, بىرنەشە وردەن, مەدالمەن ماراپاتتالدىم.
ەلباسىمىز حالىققا ارناعان سوزىندە ۇنەمى اۋىلعا بارۋ كەرەكتىگىن, شارۋاشىلىقپەن, كاسىپپەن شۇعىلدانۋ قاجەتتىگىن ايتادى. قارت بولساق تا, بويدا قۋات سارقىلعان جوق. سوندىقتان جامبىل اۋدانىنىڭ قاراقىستاق اۋىلىنان قوراجايىمەن بىرگە ءۇي سالۋعا كىرىسىپ كەتتىم. ياعني قولىما تاياق ۇستاپ وتىرا بەرمەي, بيزنەسكە بەت بۇرۋدى ويلاپ اۋىلدا مال باسىن كوبەيتۋدى جوسپارلاپ وتىرمىن. بىراق بۇل كاسىپتى دوڭگەلەتۋگە كولەمدى قاراجات قاجەت. وسى ورايدا ەڭبەك جانە حالىقتى الەۋمەتتىك قورعاۋ مينيسترلىگى مەن مەملەكەتتىك زەينەتاقى تولەۋ ورتالىقتارى قولىنان ءىس كەلەتىن جانە بالا-شاعاسى بار قاريالاردىڭ شارۋا قوجالىعىن اشۋ سياقتى كاسىپكەرلىك باستامالارىنا قولداۋ كورسەتسە دەيمىن. ماسەلەن, كەپىلدەمە ارقىلى بەلگىلى ءبىر مەرزىمگە نەسيە بەرسە, ونى زەينەتاقى تولەمى ەسەبىنەن قايتارىپ وتىرسا قانداي عانيبەت بولار ەدى. بۇل جاڭا جۇمىس ورنىن قۇرۋعا دا سەپ بولار ەدى.
بەكبولات تۇرىسجانوۆ,
الماتى وبلىسى جانە جامبىل اۋدانىنىڭ قۇرمەتتى ازاماتى
***
...ريزاشىلىق بىلدىرەدى
قالتقىسىز قىزمەت وسىنداي-اق بولسىن
وسىدان ءبىراز بۇرىن 43 جاستاعى ايمان اۋباكىروۆا تەمىر جول اپاتىنا ۇشىراپ, پويىزدىڭ استىندا قالعان. اۋىر جاراقاتتىڭ سالدارىنان ءبىر اياعىنان تولىعىمەن ايىرىلىپ, ەكىنشى اياعىنىڭ بارماقتارىنا نۇقسان كەلگەن. بۇل جازاتايىم وقيعانى ۋشىقتىرعان جاعداي – ايماننىڭ جەكە تۇلعاسىن كۋالاندىراتىن ەشقانداي قۇجاتى جوق ەكەن. ول 1997 جىلى تولقۇجاتىن جوعالتىپ الىپ, قايتا قالپىنا كەلتىرۋگە ۋاقىت تاپپاعان. ەندى مۇگەدەك بوپ, ءۇيسىز-كۇيسىز قالعان اۋباكىروۆا جەكە باسىن كۋالاندىراتىن قۇجاتى بولماعاندىقتان مەملەكەتتەن بولىنەتىن الەۋمەتتىك كومەكتەن دە قاعىلادى.
ء«بىز وسىنداي قايعىلى جاعدايعا دۋشار بولعان ايمان اۋباكىروۆا تۋرالى ەستىگەندە, بىردەن ونى ىزدەپ باردىق. قاجەتتى قۇجاتتارىن قالپىنا كەلتىرۋ ماسەلەسىن ءوز موينىمىزعا الىپ, ەڭبەك جانە حالىقتى الەۋمەتتىك قورعاۋ مينيسترلىگى جانە ىشكى ىستەر مينيسترلىگىمەن بىرگە ايمان بەكبولاتقىزىنا جەكە كۋالىگىن جىلدام جاساپ بەردىك», دەدى استانا قالاسى بويىنشا مامانداندىرىلعان حقو ءبولىمى باسشىسىنىڭ ورىنباسارى ەركەبۇلان امانتاەۆ.
«ازاماتتارعا ارنالعان ۇكىمەت» مەملەكەتتىك كورپوراتسياسى الدىمەن اۋباكىروۆانىڭ تۋ تۋرالى كۋالىگىنىڭ تەلنۇسقاسىن جاساتىپ, كەيىن جەكە باسىن كۋالاندىراتىن قۇجاتقا دا قول جەتكىزدى. سوسىن قاجەتتى مالىمەتتەردى بىردەن الەۋمەتتىك تولەمدەردى ۆەدومستۆوارالىق ەسەپتەۋ ورتالىعىنا جولداپ, جەلتوقساندا ايمان اۋباكىروۆاعا مۇگەدەكتىگى بويىنشا جاردەماقى بەرىلدى.
اسەل ميزامقىزى
استانا
***
...ۇلگى تۇتادى
ينتەرناتتىڭ ءار كۇنى مازمۇندى
ءبىزدىڭ ۇجىمنىڭ شىعارماشىلىق-پەداگوگيكالىق توبى تاربيەلەنۋشىلەردىڭ ءار كۇنى تەكتەن-تەك, ماعىناسىز وتپەۋى ءۇشىن تۇراقتى ءىس-شارالار كەشەنىن ورنىقتىردى. مەكتەپ-ينتەرنات جانىنداعى كوللەدجدىك توپتاردا ولار تىگىنشى جانە شاشتاراز ماماندىقتارىن مەڭگەرە الادى. بۇل سالالار بالالاردىڭ الەۋمەتتىك ورتاعا بەيىمدەلىپ, ومىردەن ءوز ورىندارىن تابۋىنا ىقپال ەتە الادى. وقۋشىلاردىڭ جان-جاقتى دامۋىنا قاجەتتى باسقا دا مۇمكىندىكتەر قاراستىرىلعان. مەكتەپتىڭ ماتەريالدىق-تەحنيكالىق بازاسى جىلدان-جىلعا جاقسارىپ كەلەدى. ينتەرناتتىڭ ەرەكشەلىگىنە ساي لوگوپەديالىق قۇرال-جابدىقتار ورناتىلعان كابينەتتەر دە جاساقتالدى.
وتكەن جىلى ەستۋ قابىلەتىنىڭ تومەندىگى تۋا ءبىتتى پايدا بولعان بۇلدىرشىندەرگە ارنالعان ويىن الاڭى سالىندى. سونىمەن بىرگە مەكتەپتىڭ كىرەبەرىسىنە پاندۋستار ورناتىلدى. ۇجىمداعى وسىنداي وزگەرىستەر مەن جاڭالىقتاردى «ەگەمەننىڭ» حات قورجىنىنا جولداعاندى ءجون كوردىم.
ەلۆيرا قوبىلاش,
اقتوبە وبلىستىق ەستۋ قابىلەتى تومەن بالالار مەكتەپ-ينتەرناتىنىڭ ادىسكەرى
***
...جاڭالىعىن جەتكىزەدى
سپورتتىق-ساۋىقتىرۋ كەشەنىنە ريزامىز
اقتاۋدا بىلتىر «مەلوۆوي» سپورتتىق-ساۋىقتىرۋ كەشەنى اشىلىپ, ەل ريزا بولعان ەدى. بۇگىنگى كۇنى سپورت كەشەنى بەس فۋنكتسيونالدىق بولىمنەن تۇرادى. اۋدانى 470 شارشى مەتر بولاتىن فۋتبول, ۆولەيبول, باسكەتبول جانە كوركەم گيمناستيكا بويىنشا وتەتىن جاتتىعۋلارعا ارنالعان امبەباپ سپورت زالى بار. ول زاماناۋي سپورتتىق قۇرالدارمەن جابدىقتالعان. الاڭى 216 شارشى مەتر بولاتىن شىعىس جەكپە-جەگى زالى, جابىق ءجۇزۋ باسسەينى, زاماناۋي جابدىقتارمەن, فيتنەس ترەناجەرلەرمەن جابدىقتالعان, اۋدانى 300 شارشى مەتر بولاتىن ترەناجەر زالى, رەزەڭكە جابىنى بار شاعىن فۋتبول اشىق الاڭى بار.
بۇل اۋقىمدى ءىس-شارا سالاماتتى ءومىر سالتىن ناسيحاتتاۋعا, دەنى ساۋ ۇرپاقتى تاربيەلەۋ مەن بۇقارالىق سپورتتى دامىتۋعا ءوز ىقپالىن تيگىزەدى.
امان بولسىن
اقتاۋ
***
...رەنىش بىلدىرەدى
شاپالاقتى سۇراپ العان اسابا
قوعامىمىزدا سانى بار, ساپاسى جوق اسابالار قاپتاپ كەتتi. جاقىندا سونداي اسابالاردىڭ بiرiمەن تويدا بولدىم. اسابا جاپ-جاس جiگiت, قالجىڭى ما, شىنى ما, جەتiنشi سىنىپتان باستاپ توي-بيزنەستە ءجۇر ەكەن. جاستىعى شىعار, بوس ءسوز, ماعىناسىز قالجىڭمەن ۇلكەندەردi ابدەن مەزi ەتتi. «كiم شاپالاق ۇرسا, تويدان قايتقاندا بiر قاپ اقشا تاپسىن, شاپالاق ۇرماعانداردى بiر توپ يت قاپسىن!», «توي يەسiن سىيلاپ كەلگەندەرiڭiز راس بولسا, قاتتى شاپالاق ۇرىپ جارىسىڭىزدار!», «جاستار باقىتتى بولسىن دەگەندەر شاپالاق ۇرسىن, باقىتسىز بولسىن دەگەندەر شاپالاق ۇرماسىن!», دەپ كەش بويى كەيبىر انشىلەر سەكiلدi شاپالاق سۇراۋمەن بولدى. كەرەمەت جاراسىمدى ءازiل, كورiكتi وي, تارتىمدى, ونەگەلi ءسوز ايتىلىپ جاتسا ريزا بولعان حالىق ونسىز دا شاپالاق ۇرادى عوي. شاپالاقتى سۇراپ العان اسابادا نە قاسيەت بار دەيسiز...
ايتەۋiر, بiر بiلەتiنiم – بەياۋىز اسابالاردىڭ كوبەيiپ كەتۋi جاقسىلىقتىڭ نىشانى ەمەس. «پىشاقتى بوس ۇستاساڭ قول كەسەدi» دەمەكشi, اساباعا دا قاتاڭ تالاپ قويا بiلۋiمiز كەرەك.
ماقسات قارعاباي
وڭتۇستiك قازاقستان وبلىسى
