پرەزيدەنت ن.نازارباەۆتىڭ بيىلعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى باعدارلامالىق قۇجات بولىپ تابىلادى. مۇندا پرەزيدەنت ەلىمىزدىڭ الداعى جىلدارعا ارنالعان ەكونوميكالىق دامۋ باعدارلارىن انىقتايتىن نەگىزگى ماقساتتار مەن مىندەتتەردى ايقىندادى. ونىڭ نەگىزگىسى ونەركاسىپ پەن اۋىل شارۋاشىلىعى سالالارىنا جاڭا تسيفرلى تەحنولوگيالاردى باتىل ەنگىزىپ, كەڭىنەن قولدانۋ.
بۇل جونىندە مەملەكەت باسشىسى «يندۋستريالاندىرۋ 4.0 جاڭا تەحنولوگيالىق قالىپتىڭ بارلىق مۇمكىندىكتەرىن پايدالانا وتىرىپ, مەيلىنشە يننوۆاتسيالىق سيپاتقا يە بولۋعا ءتيىس. كاسىپورىندارىمىزدى جاڭعىرتۋعا جانە تسيفرلاندىرۋعا باعىتتالعان, ءونىمنىڭ ەكسپورتقا شىعۋىن كوزدەيتىن جاڭا قۇرالداردى ازىرلەپ, سىننان وتكىزۋ قاجەت» ەكەنىن ايتا وتىرىپ, بۇلار, ءبىرىنشى كەزەكتە, تەحنولوگيالاردىڭ ترانسفەرتىن ىنتالاندىراتىنىنا توقتالدى. ەلباسى ول ءۇشىن ەلىمىزدىڭ ءىرى كاسىپورىندارىندا تسيفرلاندىرۋ جونىندەگى قاناتقاقتى جوبانى ىسكە اسىرىپ, كەيىننەن بۇل تاجىريبەنى كەڭىنەن تاراتۋ كەرەكتىگىن اتاپ ءوتتى.
جالپى, وتكەن جىلى وڭىرىمىزدە 158 كووپەراتيۆ قۇرىلىپ, ناقتى سانى 640-قا جەتتى. وعان 55 مىڭنان استام ۇساق شارۋاشىلىقتار مەن فەرمەرلىك قوجالىقتار مۇشە بولدى. بۇل كورسەتكىش بويىنشا وبلىس رەسپۋبليكادا ءبىرىنشى ورىندا. ال يندۋستريالاندىرۋ كارتاسى بويىنشا 172 جوبا ىسكە قوسىلسا, ءوڭىر ەكونوميكاسىنا تارتىلعان ينۆەستيتسيا كولەمى 417 ملرد تەڭگەنى قۇرادى.
دەگەنمەن تەك شيكىزات سەكتورىنا نەگىزدەلگەن ەكونوميكا ەلىمىزدەگى تۇراقتىلىققا نەگىز بولا المايتىنىن وتكەن جىلدارداعى داعدارىستار ءىس جۇزىندە كورسەتىپ بەردى. شىن مانىندە باسەكەگە قابىلەتتى بولۋ ءۇشىن تەحنولوگيالىق مەشەۋلىكتەن قۇتىلىپ, ونىمدىلىكتى ارتتىرىپ, حالىقارالىق نارىقتاردا ساپالى جانە سۇرانىسقا يە تاۋارلارىمىزدى ساۋدالاي الاتىن كۇنگە جەتۋىمىز كەرەك. بۇل اسىرەسە اگروونەركاسىپ كەشەنى ءۇشىن ماڭىزدى مىندەت.
ءسادۋ بەكەنوۆ,
وبلىستىق ءماسليحاتتىڭ دەپۋتاتى, «كەتەباي» وندىرىستىك كووپەراتيۆىنىڭ توراعاسى
وڭتۇستىك قازاقستان وبلىسى
