ينفوگرافيكانى جاساعان امانگەلدى قياس
قازاقستان مەملەكەتى ءۇشىن ءتورتىنشى ونەركاسىپتىك رەۆوليۋتسيا الەمىنە ەنۋدەگى مەملەكەتتىك ساياساتتىڭ باستى باعىتتارىنا زاڭ ۇستەمدىگىن قامتاماسىز ەتۋ مەن جەمقورلىقپەن كۇرەسۋ جاتاتىنىن قاداپ ايتتى. مەملەكەتتىك ورگاندارداعى پروتسەستەردى, سونىڭ ىشىندە ولاردىڭ حالىقپەن جانە بيزنەسپەن قارىم-قاتىناسىن تسيفرلاندىرۋ ارقىلى ازاماتتارعا مەملەكەتتىك ورگاندار تاراپىنان كورسەتەتىن قىزمەتتەردىڭ ساپاسىن ارتتىرۋ تاپسىرىلدى.
دەمەك مەملەكەتتىك ورگانداردىڭ قىزمەتتەرىن تسيفرلاندىرۋدى جۇزەگە اسىرۋ ءۇشىن بەيىمدەلگەن زاڭناما, بيزنەستى, ءبىلىم مەن عىلىمدى قولداۋ شارالارى بيزنەستى جۇرگىزۋ راسىمدەرىن جەڭىلدەتۋ, مەملەكەتپەن ءوزارا ارەكەتتەسۋ كەزىندە ترانزاكتسيالىق شىعىنداردى قىسقارتۋ تۇرىندە قولداۋ ينفراقۇرىلىمى جاسالىنادى. وسىلاي مەملەكەتتىك ورگانداردىڭ حالىقپەن جانە بيزنەسپەن قارىم-قاتىناسى قولجەتىمدى, كليەنتتەرگە باعدارلانعاندىق, اشىقتىق سيپات الا وتىرىپ, مەملەكەت ەڭبەك ونىمدىلىگىن ارتتىرۋ ارقىلى قىزمەتتەردىڭ ساپاسىن كۇشەيتەدى.
تاۋەلسىز سوت تورەلىگى مەن قۇقىق قورعاۋ جۇيەسىنىڭ جۇمىسى تەك قانا ازاماتتاردىڭ قۇقىقتارى مەن بوستاندىقتارىن قامتاماسىز ەتۋگە, زاڭ تالاپتارىن قاتاڭ ورىنداۋعا جانە قوعامدا قۇقىق ءتارتىبىن نىعايتۋعا باعىتتالادى. بيىلعى جولداۋدا كورسەتىلگەن مىندەتتەر وسى قىزمەتتەردى ىسكە اسىرۋ ءۇشىن جول اشىپ بەردى.
پرەزيدەنت جولداۋىندا قولدانىستاعى زاڭناماعا قىلمىستىق پروتسەستەگى ازاماتتاردىڭ قۇقىقتارىن قورعاۋ ءىسىن كۇشەيتۋدى, ونىڭ اسىرە قاتاڭدىعىن باسەڭدەتۋدى كوزدەيتىن نورمالار ەنگىزىلگەنىن كەلتىردى. ياعني قىلمىستىق پروتسەستە ازاماتتاردىڭ قۇقىقتارىنىڭ قورعالۋىن كۇشەيتۋگە جانە قىلمىستىق پروتسەستىڭ قايتالانۋىن ازايتۋعا; ونىڭ ىشىندە ادۆوكاتتاردىڭ قۇقىقتارىن كەڭەيتۋ ەسەبىنەن جارىسپالىلىقتى ارتتىرۋعا; سوتقا دەيىنگى ساتىدا سوتتىڭ باقىلاۋىن كەڭەيتۋگە; پروتسەستىك وكىلەتتىكتەردى ناقتى بولۋگە; قىلمىستىق پروتسەستى جەڭىلدەتۋگە جانە ۇنەمدىلىكپەن جۇرگىزۋگە باعىتتالعان وزگەرىستەردىڭ ەنگىزىلگەنىن مەڭزەيدى.
قۇقىق قورعاۋ ورگاندارىنىڭ وكىلەتتىگى مەن جاۋاپكەرشىلىك شەگى ايقىندالعانىنا توقتالا كەلە, سوت جانە قۇقىق قورعاۋ جۇيەلەرىن ينستيتۋتسيونالدى تۇرعىدان وزگەرتۋ جۇمىسى ءالى دە جالعاسىپ جاتقانىن ەسكەرتە كەتتى.
ەلباسى جولداۋىندا بەرىلگەن ايرىقشا تاپسىرمالاردىڭ ءبىرى – ازاماتتاردىڭ كونستيتۋتسيالىق قۇقىقتارىنا كەپىلدىكتى نىعايتۋ, قۇقىق ۇستەمدىگىن قامتاماسىز ەتۋ. رەسپۋبليكانىڭ پرەزيدەنتى – ادام جانە ازامات قۇقىقتارى مەن بوستاندىقتارىنىڭ نىشانى ءارى كەپىلى. قۇقىقتاردىڭ نەمەسە بوستاندىقتاردىڭ ناقتى بiر ءتۇرiنiڭ كونستيتۋتسيالىق قۇقىق دەڭگەيiنە جەتكiزiلۋi جانە كونستيتۋتسيادا ونىڭ كەپىلدىلىگىنىڭ جاريالانۋى مەملەكەتتىڭ وسى قۇقىقتار مەن بوستاندىقتاردىڭ ءوزى قۇرايتىن جۇيەلەر مەن قۇرىلىمدار ارقىلى جۇزەگە اسىرىلۋىن قامتاماسىز ەتۋدى ءوزىنىڭ ەرەكشە مىندەتىنە العاندىعىن بىلدىرەدى.
قوعامدىق قاتىناستاردى تارتىپكە كەلتىرۋ جانە كونستيتۋتسيانىڭ ەرەجەلەرى مەن نورمالارىن جۇزەگە اسىرۋدىڭ تەتىكتەرىن جاساۋ قوعامدىق ءتارتىپتى ساقتاۋدىڭ العىشارتىنىڭ ءبىرى بولىپ تابىلادى.
جولداۋداعى تاعى دا ءبىر نازار اۋداراتىن جايت, قوعامدىق ءتارتىپتى ساقتاۋ جانە قاۋىپسىزدىكتى قامتاماسىز ەتۋ سالاسىندا كوشەلەردە جانە ادام كوپ جينالاتىن قوعامدىق ورىنداردا بەينەباقىلاۋ جۇرگىزەتىن, ازاماتتاردى انىقتايتىن جانە جول قوزعالىسىن قاداعالايتىن ينتەللەكتۋالدى جۇيەلەردى بەلسەندى تۇردە ەنگىزۋ كەرەك دەپ ەلىمىزدەگى ازاماتتاردىڭ جەكە ءومىرىنىڭ قاۋىپسىزدىگىن قامتاماسىز ەتۋ شارالارىنا ەرەكشە كوڭىل ءبولۋ قاجەتتىلىگى كورسەتىلگەندىگى. زاماناۋي ينتەللەكتۋالدى جۇيەلەردى بەلسەندى ەنگىزۋ ادامداردىڭ قاۋىپسىز, الاڭسىز ءومىر سۇرۋىنە مۇمكىندىك جاساۋ ارقىلى قوعامدىق ءتارتىپتى ساقتاۋدىڭ بىردەن-ءبىر جولى. مىنە, وسىلايشا سارالاي كەلگەندە پرەزيدەنت ن.ءا.نازارباەۆتىڭ جىل سايىنعى حالىققا ارناعان جولداۋى ءار قازاقستاندىق ءۇشiن ەرەكشە ماڭىزدى, كوپشىلىك اسىعا كۇتەتىن ءار ازاماتتىڭ جەكە جوسپارىنا دىڭگەك بولىپ تابىلاتىن ماڭىزدى باعدارلامالىق قۇجات دەيمىز.
ءۇنزيلا شاپاق,
كونستيتۋتسيالىق كەڭەس مۇشەسى,
زاڭ عىلىمدارىنىڭ دوكتورى
