بىرلەسكەن بۇيرىق

قازاقستان رەسپۋبليكاسى                  قازاقستان رەسپۋبليكاسى     اۋىل شارۋاشىلى مينيسترلىگى    ەكونوميكالىق دامۋ جانە ساۋدا مينيسترلىگى 2011 جىلعى 14 قىركۇيەكتەگى              2011 جىلعى 16 قىركۇيەكتەگى                №16-02/519                                  №308 بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ اياسىنداعى جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرىن بەكىتۋ تۋرالى قازاقستان رەسپۋبليكاسىنىڭ «قازاقستان رەسپۋبليكاسىندا مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قانتارداعى زاڭىنىڭ 13-بابى 4-تارماعىنا سايكەس بۇيىرامىز: 1. قوسا بەرىلىپ وتىرعان بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ اياسىنداعى جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ بالىق شارۋاشىلىعى كوميتەتى: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن رەسمي جاريالانۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ رەسمي ينتەرنەت-رەسۋرسىندا جاريالانۋىن قامتاماسىز ەتسىن. 3. «بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ اياسىنداعى تاۋەكەل دارەجەسىن باعالاۋ كريتەريلەرىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2010 جىلعى 11 اقپانداعى № 85 جانە قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترىنىڭ 2010 جىلعى 17 اقپانداعى № 63 بىرلەسكەن بۇيرىعىنىڭ (نورماتيۆتiك-قۇقىقتىق اكتىلەردi مەملەكەتتiك تiركەۋ تiزiلiمiندە № 6094 تىركەلگەن, «ەگەمەن قازاقستان» گازەتىندە 2010 جىلعى 16 ناۋرىزداعى № 96-97 (25943) جاريالانعان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ جەتەكشى قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى    قازاقستان رەسپۋبليكاسى اۋىل شارۋاشىلىعى     ەكونوميكالىق دامۋ جانە ساۋدا ءمينيسترىنىڭ م.ا.     مينيسترىنىڭ م.ا. ___________________ ە.امان.    _____________ م.قۇسايىنوۆ. قازاقستان رەسپۋبليكاسى اۋىل شارۋاشىلىعى  ءمينيسترىنىڭ م.ا. 2011 جىلعى 14 قىركۇيەكتەگى  №16-02/519 جانە قازاقستان رەسپۋبليكاسى  ەكونوميكالىق دامۋ جانە ساۋدا ءمينيسترىنىڭ م.ا. 2011 جىلعى 16 قىركۇيەكتەگى №308 بىرلەسىپ بۇيرىعىمەن بەكىتىلگەن بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ اياسىنداعى جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى 1. جالپى ەرەجەلەر 1. بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ اياسىنداعى جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى (بۇدان ءارى – تاۋەكەلدى باعالاۋ ولشەمدەرى) «قازاقستان رەسپۋبليكاسىندا مەملەكەتتىك باقىلاۋ جانە قاداعالاۋ تۋرالى» جانە «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ زاڭدارىنا سايكەس ازىرلەنگەن جانە مەملەكەتتىك باقىلاۋ وبەكتىلەرىنىڭ تiكەلەي قىزمەتiمەن, سالالىق دامۋ ەرەكشەلiكتەرiمەن جانە وسى دامۋعا اسەر ەتەتiن فاكتورلارمەن بايلانىستى, بالىق رەسۋرستارى جانە باسقا سۋ جانۋارلارىن پايدالانۋمەن (ارنايى پايدالانۋ, اۋەسقويلىق (سپورتتىق) بالىق اۋلاۋدى قوسپاعاندا, مەليوراتيۆتىك جانە ەكسپەريمەنتتىك اۋلاۋدى, اكۆاكۋلتۋرا, سونىمەن بىرگە ءوسىمىن مولايتۋ ماقساتىنداعى اۋلاۋ), سۋ الۋمەن (بالىق قورعاۋ قوندىرعىلارىنىڭ بولۋىنا جانە جۇمىس ىستەۋىنە قاتىستى), زوولوگيالىق كوللەكتسيالاۋمەن جانە اكۆاوسىرۋمەن اينالىساتىن مەملەكەتتىك باقىلاۋ وبەكتىلەرىن بەلگىلى ءبىر تاۋەكەل دارەجەسىنە جاتقىزۋعا مۇمكiندiك بەرەتiن ساندىق جانە ساپالىق كورسەتكiشتەردiڭ جيىنتىعى بولىپ تابىلادى. 2. وسى تاۋەكەلدى باعالاۋ ولشەمدەرى مىناداي ۇعىمدار پايدالانىلادى: 1) تاۋەكەل – تيگىزەتىن سالداردىڭ اۋىرلىق دارەجەسى ەسكەرىلە وتىرىپ, تەكسەرۋشى سۋبەكتىلەر قىزمەتىنىڭ ناتيجەسىندە بالىق رەسۋرستارى جانە باسقا سۋ جانۋارلارىنا زيان كەلتىرۋ, بالىق شارۋاشىلىعى سۋ ايدىندارىندا (ۋچاسكەلەرىندە) ەكولوگيالىق جاعدايدى ناشارلاتۋ جانە بيولوگيالىق تەپە-تەڭدىكتى بۇزۋ ىقتيمالدىعى; 2) تەكسەرىلۋشى سۋبەكتىلەر – سۋ پايدالانۋشىلار (بالىق قورعاۋ قوندىرعىلارىنىڭ بولۋى جانە جۇمىس ىستەۋى ماسەلەسى بويىنشا), زوولوگيالىق كوللەكتسيالاردىڭ يەلەرى جانە ءوسىمىن مولايتۋمەن جانە اكۆاوسىرۋمەن اينالىساتىن جەكە ۇيىمدار. 2. تاۋەكەلدى باعالاۋ ولشەمدەرى 3. تاۋەكەلدى باعالاۋ ولشەمدەرى وبەكتيۆتى جانە سۋبەكتيۆتى ولشەمدەر بولىپ بولىنەدى. 4. وبەكتيۆتى ولشەمدەر بويىنشا تەكسەرىلۋشى سۋبەكتىلەر ماعىناسىنا قاراي ءۇش توپقا جىكتەلەدى: 1) جوعارى دارەجەلى تاۋەكەلدى ءبىرىنشى توپ – اۋىل شارۋاشىلىعىنىڭ مۇقتاجدىعى ءۇشىن كاسىپتىك بالىق اۋلاۋمەن, عىلىمي-زەرتتەۋ ماقساتىنداعى اۋلاۋلارمەن, سۋ الۋمەن اينالىساتىن تەكسەرىلۋشى سۋبەكتىلەر; 2) ورتاشا دارەجەلi تاۋەكەلدى ەكىنشى توپ – باقىلاۋدىڭ: اۋىز جانە شارۋاشىلىق-تۇرمىستىق سۋمەن جابدىقتاۋ ءۇشىن سۋ الۋمەن; تابيعي سۋ ايدىندارىندا (تۇيىق ەمەس) اكۆاوسىرۋمەن اينالىساتىن تەكسەرىلۋشى سۋبەكتىلەر; 3) تومەن دارەجەلى تاۋەكەلدى ءۇشىنشى توپ – باقىلاۋدىڭ: ونەركاسىپ كاسىپورىندارى جانە ەنەرگەتيكا مۇقتاجدىعى ءۇشىن سۋ الۋمەن; جاساندى سۋ ايدىندارىندا (تۇيىق) اكۆاوسىرۋمەن; زوولوگيالىق كوللەكتسيالاۋمەن اينالىساتىن تەكسەرىلۋشى سۋبەكتىلەر; 5. بۇدان ءارى جۇرگىزىلگەن تەكسەرۋلەردىڭ ناتيجەسىندە سۋبەكتيۆتى ولشەمدەر نەگىزىندە ەسەپتەلىنگەن جانە جينالعان ۇپايلارعا سايكەس تەكسەرىلۋشى سۋبەكتىلەر ءتيىستى تاۋەكەل توپتارىنا جاتقىزىلادى. 6. سۋبەكتيۆتى ولشەمدەرگە ماعىنالارى بويىنشا قاۋىپتىلىگى جوعارى, قاۋىپتىلىگى ورتاشا جانە قاۋىپتىلىگى تومەن زاڭ بۇزۋشىلىقتارعا بولىنگەن بالىق جانە باسقا سۋ جانۋارلارىن قورعاۋ, ءوسىمىن مولايتۋ جانە پايدالانۋ سالاسىنداعى زاڭ بۇزۋشىلىقتارى جاتادى. 7. ءاربىر قاۋىپتىلىگى جوعارى زاڭ بۇزۋشىلىق 15 ۇپايعا سايكەس بولادى, ولارعا: 1) بالىق اۋلاۋ ەرەجەلەرىن ورەسكەل بۇزۋشىلىق (تىيىم سالىنعان ۋاقىتتا تىيىم سالىنعان جەرلەردە تىيىم سالىنعان اۋلاۋ قۇرالدارىمەن تىيىم سالىنعان ادىسپەن بالىق اۋلاۋ); 2) بالىق رەسۋرستارى مەن باسقا سۋ جانۋارلارىن پايدالانۋداعى شەكتەۋلەر مەن تىيىمداردىڭ تالاپتارىن بۇزۋ; 3) بالىق قورعاۋ قۇرىلعىلارىنسىز سۋ تارتۋ جانە ءتۇسىرۋ قۇرىلىستارىن پايدالانۋ; 4) ۋاكىلەتتى ورگان بەلگىلەگەن سۋ تارتۋ قۇرىلىستارىنىڭ بالىق قورعاۋ قۇرىلعىلارىنا تالاپتاردى ساقتاماۋ; 5) ۋاكىلەتتى ورگاننىڭ رۇقساتىنسىز جانە مەملەكەتتىك ەكولوگيالىق ساراپتامانىڭ قورىتىندىسىن الۋسىز جانۋارلاردى بۋدانداستىرۋ بويىنشا ءىس-شارالاردى جۇرگىزۋ; 6) جانۋارلاردى ءوز ەركىمەن مەكەن ەتۋ ورتاسىن اۋىستىرۋ, جەرسىندىرۋ, قايتا جەرسىندىرۋ; 7) زوولوگيالىق كوللەكتسيانى زوولوگيالىق كوللەكتسيا تىزىمىنە ەنگىزۋ تۋرالى كۋالىكتىڭ بولماۋى; 8) قازاقستان رەسپۋبليكاسى ۇكىمەتىنىڭ رۇقساتىنسىز زوولوگيالىق كوللەكتسيادا قازاقستان رەسپۋبليكاسى­نىڭ قىزىل كىتابىنا ەنگىزىلگەن بالىق جانە باسقا سۋ جانۋارلارىنىڭ بولۋى جاتادى. 8. ءاربىر قاۋىپتىلىگى ورتاشا زاڭ بۇزۋشىلىق 10 ۇپايعا سايكەس بولادى, ولارعا: 1) بالىق اۋلاۋدى جۇرگىزۋ جانە بالىق اۋلاۋ ەرەجەلەرىن بۇزۋ; 2) سۋ تۇتىنۋ شارتتارىنا ۋاكىلەتتى ورگان كەلىسىمىنىڭ بولماۋى; 3) ءوسىرىلىپ جاتقان بالىق جانە باسقا سۋ جانۋارلارىنىڭ (ماتەريالداردىڭ) تابيعي ورتاعا شىعۋ (جويىلۋ) جاعدايىنىڭ بولۋى; 4) جانۋارلار اۋرۋلارىنىڭ انىقتالۋى, ولاردىڭ ءومىر ءسۇرۋ ورتاسى جاعدايىنىڭ ناشارلاۋى, ولاردىڭ جويىلۋ قاۋپىنىڭ پايدا بولۋى جانە بالىق جانە باسقا سۋ جانۋارلارىنىڭ قىرىلۋ جاعدايلارى; 5) ۋاكىلەتتى ورگاننىڭ رۇقساتىنسىز بالىق جانە باسقا سۋ جانۋارلارىن قازاقستان رەسپۋبليكاسىنا اكەلۋ جانە ودان تىسقارى جەرلەرگە شىعارۋ; 6) ۋاكىلەتتى مەملەكەتتىك ورگاننىڭ رۇقساتىنسىز جانۋارلاردى تابيعي ورتاسىنان الۋ ارقىلى زوولوگيالىق كوللەكتسيانى قۇرۋ جانە تولتىرۋ; 7) قۇرىپ كەتۋ قاۋپى تونگەن جابايى فاۋنا مەن فلورا تۇرلەرىن جانە ولاردىڭ جەكە ەكسپوناتتارىن حالىقارالىق ساتۋ جونىندەگى كونۆەنتسيا قوسىمشاسىنا ەنگەن جانۋارلار تۇرلەرىنىڭ زوولوگيالىق كوللەكتسياسىن اتالعان كونۆەنتسيا بويىنشا مىندەتتەمەلەردى اتقاراتىن اكىمشىلىك ورگاننىڭ رۇقساتىنسىز قازاقستان رەسپۋبليكاسىنان شىعارۋ جانە ونىڭ اۋماعىنا اكەلۋ جاتادى. 9. ءاربىر قاۋىپتىلىگى تومەن زاڭ بۇزۋشىلىق 5 ۇپايعا سايكەس بولادى, ولارعا: 1) بالىق قورعاۋ قۇرىلعىلارىن ورناتۋعا ۋاكىلەتتى ورگان كەلىسىمىنىڭ بولماۋى; 2) بيولوگيالىق نەگىزدەمەسىز اكۆاوسىرۋ ماقساتى ءۇشىن بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن پايدالانۋ; 3) ەرىكسىز نەمەسە جارتىلاي ەرىكتى جاعدايدا سيرەك نەمەسە قۇرىپ كەتۋ قاۋپى تونگەن جانۋارلار ءتۇر­لەرىن ءوسىرۋ جانە مولايتۋ ءۇشىن جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىنداعى ۋاكىلەتتى مەملەكەتتىك ورگان رۇقساتتاماسىنىڭ بولماۋى نەمەسە ونىڭ تالاپتارىن ورىنداماۋ; 4) ۋاكىلەتتى ورگاننىڭ رۇقساتىنسىز زوولوگيالىق كوللەكتسيالاردى جانە ولاردىڭ ەكسپوناتتارىن قازاقستان رەسپۋبليكاسىنان شىعارۋ جانە ونىڭ اۋماعىنا اكەلۋ; 5) ءوسىرىلىپ جاتقان ماتەريالعا ساقتاندىرۋ شارالارىن جۇرگىزبەۋ جاتادى. 10. جينالعان ۇپاي سانى نەگىزىندە, تەكسەرىلۋشى سۋبەكتىلەر ءتيىستى تاۋەكەل توپتارىنا جاتقىزىلادى: 1) جۇرگىزىلگەن تەكسەرۋ ناتيجەسىندە 15 ۇپاي جانە ودان جوعارى جيناعان تەكسەرىلۋشى سۋبەكتىلەر قاۋىپتىلىگى جوعارى تاۋەكەل توبىنا جاتادى; 2) جۇرگىزىلگەن تەكسەرۋ ناتيجەسىندە 10-15-كە دەيىن ۇپاي جيناعان تەكسەرىلۋشى سۋبەكتىلەر قاۋىپتىلىگى ورتاشا تاۋەكەل توبىنا جاتادى; 3) جۇرگىزىلگەن تەكسەرۋ ناتيجەسىندە 10 ۇپايعا دەيىن جيناعان باقىلاۋ سۋبەكتتەرi قاۋىپتىلىگى تومەن تاۋەكەل توبىنا جاتادى. 11. ءبىر دەڭگەيلى تاۋەكەل وبەكتىلەرىن تەكسەرۋدى جوسپارلاۋدىڭ ءبىرىنشى كەزەكتىلىگىنە: 1) كورسەتىلگەن باقىلاۋ وبەكتىسىندە كوپ انىقتالعان زاڭ بۇزۋشىلىقتاردىڭ سانى; 2) بالىقتاردىڭ جانە/نەمەسە باسقا سۋ جانۋارلارىنىڭ قىرىلۋ فاكتىلەرى; 3) الدىڭعى تەكسەرۋ كەزىندە جاسالىنعان زاڭ بۇزۋشىلىقتىڭ ماڭىزى; 4) بۇرىن جۇرگىزىلگەن سوڭعى تەكسەرۋدىڭ ەڭ كوپ مەرزىمى نەگىز بولىپ تابىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 10 قازاندا نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7245 بولىپ ەنگىزىلدى.