اس اتاسىن ءپىسىرۋدىڭ شەبەرى

بۇل كۇندەرى جەرى كومىرگە تولى ءوندىرىستى ەكىباستۇز ءوڭىرى وركەندەپ, ءوسىپ كەلەدى. قالادا 137 مىڭنان اسا حالىق تۇرادى. بۇ­عان قالا­نىڭ اكىمشىلىك-اۋماقتىق قۇرىلى­مى­نا ەنەتىن 30-عا جۋىق اۋىلدارمەن بىرگە, وندا تۇراتىن 9 مىڭ­داي حالىقتى قوسىڭىز. ياعني, ءوندىرىسى اۋقىم­دى ءوڭىردىڭ تۇرعىن­دارىن ازىق-ت ۇلىكپەن قام­تا­ما­سىز ەتۋ قالا مەن اۋىلداردىڭ بىرلەسىپ ات­قا­راتىن جاۋاپتى مىندەتىنە اينالدى. سون­دىق­تان, ءوندىرىستى قالانىڭ قىسى-جازى ازىق-ت ۇلىك بەلدەۋىنىڭ تۇراقتىلىعىن قام­تاما­سىز ەتۋ ماڭىزدى. قالاعا كەلگەن ساپا­رىمىزدا ءبىز بىل­تىر اشىلىپ ىسكە قوسىلعان «ەنەرگيا-كاپي­تال-1» سەرىكتەستىگىنە قاراستى نان-توقاش كوم­بي­ناتىنىڭ بۇگىنگى تىنىسى قانداي ەكەن دەگەن ويدا ەدىك. ويتكەنى, 1 ملرد. 842 مىڭ تەڭگە ينۆەستيتسيا تارتىلعان بۇل جوبا ەلىمىزدىڭ ۇدەمەلى يندۋستريالىق-يننو­ۆاتسيالىق باعدار­لا­ما­سى اياسىندا ىسكە اسىپ, وڭىرلىك يندۋس­تريا­لاندىرۋ كارتا­سىنا ەنگىزىلگەن بولاتىن. ال, 600 ميلليون تەڭگەسىن “قازاگروقارجى” اكتسيونەرلىك قوعامى نەسيە تۇرىندە بولگەنى بەلگىلى. الدىمەن, بۇرىنعى ەسكى نان كومبيناتى گەرمانيالىق جانە اۆستريالىق جاڭا قۇرال-جاب­دىق­تارمەن جا­ڭار­تىلىپ, جاڭا زامان ۇلگىسىندە قايتا جاڭعىرتىلدى. ساپالى ءونىم – تەحنيكاعا باي­لانىستى. جالپى, كەشەننىڭ تاۋلىگىنە 30 توننا نان ونىمدەرىن پىسىرۋگە قۋاتى جەتەدى. ياعني, بۇل – 24 مىڭ بولكە نان مەن 96 مىڭ دانا توقاش دەگەن ءسوز. وندىرىستىك تەحنولوگياسى تۇگەلدەي كومپيۋتەر جۇيەسىنە قو­سىل­عان, بارلىق جۇ­مىستار وپەرا­تور­لاردىڭ باقىلاۋىمەن ىسكە اسۋدا. قا­بىلداناتىن ۇننىڭ قۇرامى, نان مەن توقاشتار جاسالاتىن قامىردىڭ ساپاسى تۇگەل­دەي زەرتتەلىپ, ارنايى تەكسەرۋ زەرتحانا­لارى­نان وتكى­زى­لە­دى. كومبيناتتا تۇرعىندار تارا­پىنان جوعارى سۇرانىسقا يە ءبىرىنشى, ەكىنشى سورتتى ناندار, سونىمەن قاتار, قارا بيداي, كەبەكتەن جاسالعان نان ونىمدەرى دە شىعارىلادى. ال, قالا بويىن­شا, مىسالى, اتاقتى «بوگاتىر-كومىر» سەرىكتەستىگى, بالاباقشالار وسى كومبينات پىسىرەتىن نان-توقاشتاردى تۇتىنادى ەكەن. ارينە,  جاڭا كاسىپورىن ءۇشىن رىنوكتاعى, اسىرەسە, جەرگىلىكتى جەردەگى باسەكەلەستەرىنە دە توتەپ بەرۋ وڭاي ەمەس كورىنەدى. مىسالى,  كومبيناتتا پىسىرىلگەن  50 تەڭگەلىك ناننىڭ  قالا دۇكەندەرىندە 70 تەڭگەگە ساتىلىپ جۇرگەنى دە كەزدەسەدى. ياعني, ارزان ءونىمىڭ باسقا  بىرەۋ­لەر­دىڭ  باعا قوسۋلارى ارقىلى حالىققا قىمباتقا ساتىلاتىنى دا راس. جاڭا جوبانىڭ ومىرگە كەلۋىمەن 100-گە جۋىق جۇمىس ورنى اشىلدى. بولاشاقتا كومبينات ونىمدەرىن استانا, قارا­عاندى جاقتارعا دا جەت­كىزبەكشى. بۇل كۇندەرى  نان-توقاشتار شىدەرتى, مايقايىڭ, باياناۋىل, ەرەيمەنتاۋ ءوڭىر­لە­رىنە دە جەتكىزىلۋدە. بۇل  – ەكىباستۇز  كومىرگە عانا ەمەس, نان-توقاشتارعا دا باي دەگەن ءسوز. ايتپاقشى,  وسى كومبينات شىعارىپ جاتقان “ەكى­باستۇز” دەپ اتالاتىن نان, “جۇلدىز”, “سارىارقا” دەپ اتالاتىن توقاش-قالاشتاردى ساۋدا ورىندارىنان قازىر ءجيى كورەسىز. قالا باسشىلىعىنىڭ شەشىمى بويىنشا زەينەتكەرلەرگە نان ونىمدەرى ارزان باعامەن بەرىلەدى. جاڭا جوبانىڭ ءوڭىر ەكونوميكاسىنىڭ وركەندەۋىنە قوسار ۇلەسى دە, ارينە, مول. فاريدا بىقاي, پاۆلودار وبلىسى.