بيىل ازاماتتاردى زەينەتاقىمەن قامسىزداندىر ءۇشىن 1,9 ترلن-نان استام تەڭگە قاراستىرىلىپ وتىر.
وعان قوسا, 2018 جىلدىڭ 1 شىلدەسىنەن باستاپ 1998 جىلعى 1 قاڭتارعا دەيىنگى ەڭبەك ءوتىلىن جانە 1998 جىلعى 1 قاڭتاردان كەيىنگى جيناقتاۋشى زەينەتاقى جۇيەسىنە قاتىسۋ مەرزىمىن ەسكەرە وتىرىپ, بازالىق زەينەتاقىنى تاعايىنداۋ ءادىسىن وزگەرتۋ جوسپارلانۋدا. مۇنداي وزگەرىس بازالىق زەينەتاقىنىڭ ءوسىمىن ورتا ەسەپپەن 1,8 ەسەگە دەيىن ۇلعايتۋعا مۇمكىندىك بەرەدى. وسىعان وراي, 2018 جىلى 1 شىلدەدەن باستاپ زەينەتاقىنىڭ ورتاشا مولشەرى بازالىق زەينەتاقىنى ەسكەرگەندە شامامەن 82 مىڭ تەڭگەنى قۇرايتىن بولادى.
بۇدان وزگە, 2018 جىلى بالا تۋىلۋىنا بايلانىستى جاردەماقى مولشەرى وزگەرەدى. وسىلايشا,ء بىرىنشى, ەكىنشى جانە ءۇشىنشى بالا تۋىلعاندا تولەنەتىن بىر جولعى مەملەكەتتىك جاردەماقى 91 930 تەڭگە, ال ءتورتىنشى جانە ودان كوپ بالا دۇنيەگە كەلگەن جاعدايدا 151 515 تەڭگە بولادى. بۇل ماقساتتارعا رەسپۋبليكالىق بيۋدجەتتە 40,2 ملرد تەڭگە قاراستىرىلعان.
2018 جىلى بالا بiر جاسقا تولعانعا دەيiن ونىڭ كۇتiمiنە بايلانىستى اي سايىنعى مەملەكەتتىك جاردەماقى تولەۋگە رەسپۋبليكالىق بيۋدجەتتە 36,8 ملرد تەڭگە قاراستىرىلادى جانە جاردەماقىنىڭ مولشەرى وتباسىنداعى بالالار سانىنا قاراي ءبىرىنشى بالاعا 13 853 تەڭگەدەن (16 379 تەڭگە – ەكىنشى بالاعا, 18 880 تەڭگە – ءۇشىنشى بالاعا) 21 405 تەڭگەگە دەيىن ء(تورتىنشى جانە ودان كوپ بالاعا) بەرىلەدى.
ايتا كەتكەن ءجون, مەملەكەتتىك الەۋمەتتىك ساقتاندىرۋ قورىندا جارنالارى بار جانە كۇتىمىندە ءبىر جاسقا تولعانعا دەيىن بالاسى بار جۇمىس ىستەيتىن ايەلدەر تابىسىنان ايىرىلىپ قالعان جاعدايدا, ولارعا الەۋمەتتىك تولەم جاسالادى. 2014 جىلدىڭ باسىنان باستاپ, جۇمىس ىستەيتىن ايەلدەر ءۇشىن ءبىر جاسقا تولعانعا دەيىنگى بالا كۇتىمىنە بايلانىستى دەمالىستا جۇرگەندە, مىندەتتى زەينەتاقى جارنالارى سۋبسيديالانادى, بۇل جيناقتالعان زەينەتاقى قاراجاتىنىڭ ۇلعايۋىنا ىقپال ەتەدى. رەسپۋبليكالىق بيۋدجەتتەن سۋبسيديالاۋعا جالپى كولەمى (2014-2017 جج.) 16,5 ملرد تەڭگە جۇمسالدى.
وزگەرىستەر مۇمكىندىگى شەكتەۋلى ادامدارعا جانە ولاردىڭ كۇتىمىنە ارنالعان جاردەماقىلارعا قاتىستى بولدى. وتكەن جىلى 255,9 ملرد تەڭگە مۇگەدەكتىگى, اسىراۋشىسىنان ايىرىلۋ بويىنشا جانە جاسىنا بايلانىستى جاردەماقىلار تولەمىنە باعىتتالدى. 2018 جىلى اتالعان الەۋمەتتىك قولداۋ ءۇشىن قاراجات كولەمى 326,8 ملرد تەڭگەنى قۇرايتىن بولادى.
قر ەحاقم مالىمەتىنشە, 2018 جىلى مۇگەدەك بالالاردى تاربيەلەپ وتىرعان ازاماتتارعا تولەنەتىن جاردەماقى مولشەرى 15,6%-عا ارتىپ, 29 699 تەڭگەنى قۇرايدى. بارلىعى اتالعان جاردەماقى تۇرىنە 2018 جىلى رەسپۋبليكالىق بيۋدجەتتەن 29,9 ملرد تەڭگە قاراستىرىلعان.
2018 جىلدىڭ باسىنداعى جاعداي بويىنشا, مۇگەدەكتەرگە بەرىلەتىن جاردەماقى كولەمى ورتاشا ەسەپپەن 33 087 تەڭگە, اسىراۋشىسىنان ايرىلعاندار ءۇشىن – 31 334 تەڭگە, جاسىنا قاتىستى – 12 719 تەڭگە بولدى. مۇگەدەكتىگى بويىنشا جاردەماقى الۋشىلار سانى 518 مىڭنان استام, اسىراۋشىسىنان ايىرىلعان – 168 مىڭنان استام, جاسىنا بايلانىستى – 1 مىڭنان استام ادامدى قۇرايدى.
