مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ءبارىمىز ەرەكشە ىقىلاسپەن قابىلدادىق. كەزەكتى جاھاندىق ەكونوميكالىق داعدارىس قاتەرى ءورشىپ تۇرعان كەزدە «...ءبىز جاڭا زامانعا ساي بولۋ ءۇشىن ءتورتىنشى ونەركاسىپتىك رەۆوليۋتسيا جاعدايىنداعى تاريحي ورلەۋ باستاۋىندا تۇرعان ءبىرتۇتاس ۇلت بولۋىمىز كەرەك» ەكەنىن ءتۇسىنىپ وتىرمىز.
پرەزيدەنت قازاقستاندىقتاردى تولعاندىرعان باستى ماسەلەگە «بۇل جولداۋ جاڭا الەمگە, ياعني ءتورتىنشى ونەركاسىپتىك رەۆوليۋتسيا الەمىنە بەيىمدەلۋ مەن جەتستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندايدى» دەپ ناقتى جاۋاپ بەردى.
ەلباسى جولداۋىنىڭ باستى تۇجىرىمىندا كۇردەلى الەۋمەتتىك-ەكونوميكالىق جاعدايعا قاراماستان ەلىمىزدىڭ نەگىزگى باسىمدىقتارى مىزعىمايتىنى, مەملەكەتىمىزدىڭ ستراتەگيالىق باعدارى بۇرىنعىشا قالا بەرەتىنى ايقىندالعان.
وسىناۋ اسا ماڭىزدى مەملەكەتتىك قۇجاتتا ەلىمىزدىڭ ىشكى جانە سىرتقى احۋالىنا ەگجەي-تەگجەيلى تالداۋ جاسالىپ, وركەندەۋدەگى باسىم باعىتتار ايقىندالدى, حالىقارالىق جانە مەملەكەتارالىق قاتىناستارعا باعا بەرىلدى, بارلىق ماڭىزدى ماسەلەلەر مەن قاتەرلەردى شەشۋ جولدارى تابىلدى.
جولداۋدا ەلىمىزدەگى بارلىق ازاماتتاردىڭ كۇش-جىگەرىن بىرىكتىرۋگە ەرەكشە ءمان بەرىلىپ وتىر. پرەزيدەنت وتانداستارىنا بارلىق قاۋىپ-قاتەرلەردى ەڭسەرۋ ءۇشىن جانە ەكونوميكادا, قوعام مەن مەملەكەت دامۋىنداعى جاڭا ساپالىق تۇرعىداعى دەڭگەيگە كوتەرىلۋ ءۇشىن وي-نيەتتەر مەن ءىس-ارەكەتتەردى بىرىكتىرۋگە شاقىرادى.
مەملەكەت باسشىسى العا قويعان اۋقىمدى ماقساتتاردى ىسكە اسىرۋ ءۇشىن ءبىزدىڭ ءبارىمىز كۇش-جىگەرىمىزدى بىرىكتىرىپ, بىرگە ارەكەت ەتۋىمىز كەرەك.
مۇراتباي جولداسباەۆ,
پارلامەنت سەناتىنىڭ دەپۋتاتى
