ونىڭ سوزىنشە رەسپۋبليكا بويىنشا 28 ادام گازدان ۋلانىپ, كوز جۇمعان.
«گازبەن ۋلانۋ جاڭا پروبلەما ەمەس. ءار جىل سايىن اۋا رايى سۋىتقاندا ازاماتتارىمىز ارنايى پەشتەردى پايدالانىپ, وكىنىشكە وراي ول پەشتەردى دۇرىس قاراماعاندىقتان ۋلى گازبەن ۋلانۋ پروبلەماسى تۋىنداپ جاتادى. بۇگىنگى تاڭدا ياعني, 2017 جىلدىڭ قازان ايىنان باستاپ بۇگىنگى كۇنگە دەيىن رەسپۋبليكا بويىنشا بارلىعى 28 ادام كوز جۇمدى, 183 ادام جاراقات الدى. كوز جۇمعانداردىڭ اراسىندا 1 بالا, جاراقات العانداردىڭ ىشىندە 39 بالا بار. بۇگىنگى كۇنى ءبىزدىڭ ازاماتتىق قورعاۋ ورگاندارىنىڭ قىزمەتكەرلەرى دەمالىستارعا قاراماي كۇندە ارنايى رەيدتەر جۇرگىزەدى. ول رەيدتەر بارىسىندا ازاماتتاردىڭ ۇيلەرىنە كىرىپ ولارعا ارنايى ۇگىت-ناسيحات پاراقشالارىن تاراتىپ, پەشتەردى اقاۋسىز قالاي قولدانۋ كەرەگى تۋرالى ايتىپ تۇرادى. سوندىقتان تۇرعىنداردى ولاردىڭ ايتقانىن مۇقيات تىڭداۋعا شاقىرامىز. وسىنداي توتەنشە جاعدايلاردى بولدىرماۋ ءۇشىن ءبىزدىڭ قىزمەتكەرلەر ءتۇرلى شارالار اتقارۋدا»,-دەدى قر ءىىم توتەنشە جاعدايلار كوميتەتىنىڭ وكىلى رۋسلان يمانقۇلوۆ.
رەسمي وكىلدىڭ مالىمەتىنشە قازا تاپقانداردىڭ كوبىسى قاراعاندى وبلىسى, شىعىس قازاقستان وبلىسى جانە الماتى وبلىسىنىڭ تۇرعىندارى.
راۋان قايدار,
«ەگەمەن قازاقستان».
