مامان كەرەكسىز بولعان با؟..

«ەگەمەن قازاقستان» گازەتىنىڭ 2011 جىلعى 27 قازانداعى «قارنىم­نىڭ اشقانى ەمەس, قادىرىمنىڭ قاش­­­­قانى قينايدى» اتتى ماقالا مەنىڭ قولىما قالام الدىردى.

ماقالا اۆتورى ءبىزدىڭ شەت اۋدانى اكىمى قىزمەتىن نارىققا وتپەلى كەزەڭنىڭ ەڭ قيىن ۋاقىتىندا, 1997-2005 جىلداردا اتقارعان. كاكىمجان سارحانوۆ اۋداندى ەلەكتر ەنەر­گياسىمەن قامتاماسىز ەتۋ جاعدايى تىعى­رىققا تىرەلگەن كەزدە ونى تىعى­رىق­تان شى­عا­رۋ ماسەلەسىندە كوپ جۇمىس ات­قاردى. كا­سىپكەرلىك جۇمىسقا ەندى كىرىسكەن مەنى شا­قى­رىپ, وسى ماسەلەنى شەشۋ ءجو­نىن­دەگى ءوز ويىن ايتىپ, ماعان ەلەكتر ەنەر­گي­يا­سىمەن قامتا­ما­سىز ەتەتىن جاڭا قۇرىل­ماق­شى كاسىپورىن­عا باسشىلىق ەتۋدى ۇسىندى (جوعارى ءبىلىمدىمىن, كەزىندە اۋداندىق اگروپرومتەحنيكا كاسىپورىنىن باسقارعان­مىن). بۇگىندە تولىق ماقساتىنا ساي تۇتى­نۋشىلارعا قىزمەت ەتىپ وتىرعان قۇرى­لىمنىڭ قىزمەتىن قالىپتاس­تىرۋ كەزەڭىندە اۋدان اكىمى ءتۇرلى قيىن­دىق­تاردى شەشۋگە مەنىمەن بىردەي ارالاساتىن دەسەم ارتىق ايتقاندىق ەمەس. كاكىمجان احمەدجان ۇلىنىڭ قىزمەت­تەگى ەرەكشەلىگى قاراپايىمدىلىعى, ساۋات­تى­­لى­عى, ىسكەرلىگى دەپ ايتار ەدىم. جالعىز مەن عانا ەمەس, اۋدان حالقى دا بۇگىنگە دەيىن بۇل كىسىنىڭ اۋدانعا باسشىلىق جاساعان­دا­عى ازاماتتىق, ادىلدىك, تاعى باسقا قا­سيەت­تە­رىن ايتىپ وتىرادى, اسىرەسە, كەيىندە اۋ­دان­عا باسشىلىققا كەلگەن ازاماتتاردىڭ قىز­­مەتتەرىمەن سالىستىرىپ ءجيى ەسكە الا­دى. وسىعان وراي, مەنى تاڭعالدىرعانى وس­ىن­­داي ەگەمەن ەلىمىزدىڭ قالىپتاسۋ كەزەڭىن­دە (ول كەزدە بۇگىنگىدەي اكىمدىك قىزمەتكە ۇم­­تىلىس بولعان جوق) مەملەكەتتىك باسقا­رۋدا قاجىماي ەڭبەك ەتكەن ازاماتتاردىڭ بۇگىن­دە ەلىمىزگە كەرەكسىز بولۋى جانە جوعارى لاۋازىمدى شەنەۋنىكتەردىڭ ءوتىنىش ءبىلدىرۋشى ازاماتتارعا جاۋاپسىز, سالعىرت قاراۋى بولىپ وتىر. اينالىپ كەلگەندە بۇل مەملەكەتتىك بيلىككە بەدەل اپەرەتىن جاعداي ەمەس. قۇرمانعازى ءامىروۆ, «شەت-ەنەرگو» جشس ديرەكتورى, كاسىپكەر. قاراعاندى وبلىسى, شەت اۋدانى.