استانا ورمانى مەكەمەسى استانا جاسىل بەلدەۋىن اڭ مەن قۇسقا قولايلى ەتۋ ءۇشىن ءبىراز جۇمىستار اتقارىپ جاتىر. سونىڭ ءبىرى - استانا ورمانىنا قاراستى قىرعاۋىل فەرماسى.
ەڭ ءبىرىنشى استانا قالاسىنىڭ جاسىل بەلدەۋىندە اڭشىلىق قىرعاۋىلدى جاساندى ءوسىرۋ جانە جەرسىندىرۋ بويىنشا بيولوگيالىق نەگىزدەمە الىنعان. قىرعاۋىلدار ايازعا ءتوزىمدى (تۇندە قارعا ورانىپ الادى), ولار كۇتىمدى اسا قاجەت ەتپەيدى. تەك قانا قىسقى ۋاقىتتا قوسىمشا تاماقتاندىرۋ قاجەت.
تابيعاتقا جىبەرىلگەن قىرعاۋىلدار قورەگى وسىمدىك تاعامدارىنان - تۇقىمدار, جەمىستەر, تامىر ساباقتارىنان جانە وسىمدىكتەردىڭ جاسىل بولىكتەرىنەن تۇرادى, الايدا مۇمكىندىك بولسا ولار جانۋارلار ازىقتارىمەن, جاندىكتەرمەن جانە ولاردىڭ بالاڭقۇرتتارىمەن, ورمەكشىلەرمەن, قۇرتتارمەن, ۇلۋلارمەن قورەكتەنەدى.
